Делегација на Националната гарда на Вермонт во посета на Скопје

Висока воена делегација на Националната гарда (НГ) на американската сојузна држава Вермонт, предводена од нејзиниот командант, полковник Грегори Најт, од денеска се наоѓа во тридневна официјална посета на Македонија.

За време на посетата, полковник Најт ќе оствари средби со министерката за одбрана Радмила Шекеринска и со својот домаќин, началникот на ГШ на АРМ, генерал-потполковник Васко Ѓурчиновски.

Покрај унапредувањето на понатамошната соработка, целта на посетата на новопоставениот командант на НГ на Вермонт, соопштија од МО, е запознавање со процесот на трансформација и капацитетите на Армијата.

Како што е најавено, полковник Најт ќе оствари средба и со претседателот на Македонија и врховен командант на Армијата, Стево Пендаровски. /МИА

Од утре почнува со работа патарината кај Гевгелија

Новата наплатна станица Гевгелија од утре ќе започне со работа.

Како што соопштија вечерва од АМСМ,  патарината ќе започне со работа од 7 часот изутрина.

Според ценовникот на Јавното претпријатие за државни патишта – ЈПДП, цената за возила од Б категорија со две осовини ќе изнесува 100 денари додека при готовинско плаќање во евра таа ќе изнесува 2 евра. 

Ужас во Сараево -15 годишно момче со секира убил тинејџер

Момче на 15 годишна возраст , по кавга и физичка пресметка , со секира убило 17 годишно момче .

Во сараевската населба Сарај Поле околу 19 часот се случи трагедија , кога 15 годишно момче уби 17 годишник.

На убиството му претходела кавга и тепачка , по што едно лице завршило во болница.

Во тек е увидот и истрагата за овој случај што ја потресе БиХ.

Со дефиле како пред 75 години , Париз го одбележа ослободувањето од нацистите (ВИДЕО)

Париз денеска ја одбележа 75. годишнината од ослободувањето од нацистичката окупација во Втората светска војна.

Со дефиле со американски тенкови и други воени возила  од времето на Втората светска војна , со оддавање почит на припадниците на Движењето на отпорот и со дигање на француското знаме на Ајфеловата кула , Париз се сети на денот на ослободувањето .

Пожарникарите го подигнаа знамето на Ајфеловата кула во знак на сеќавање кога француската тробојка ја замени нацистичката.

притисни ентер