Шведскиот Врховен суд нема донесено одлука за екстрадиција или не на Давидовски

Се уште нема одлука за екстрадиција на Дејан Давидовски еден од осудените за крвавиот четврток  што се случи на 27 април 2017 година.

 Од Шведската амбасада за Канал 5 велат дека Окружниот суд донел одлука да го задржи во притвор се дури се чека одлуката дали ќе биде екстрадиран. Предметот е во Врховниот суд, оти во оваа земја таква е процедурата за сите граѓани, велат од Амабасадата, а не дека е тоа е следна инстанца. Потоа мислењето ќе биде доставено до владата на Шведска која треба да го каже  конечниот одговор. Овој  одговор на амабасадата ги демантираше шпекулациите дека Шведска одбила да го екстрадира Давидовски

И во нашето Министерството за правда велат дека немаат добиено официјално писмо од судот на Шведска. Инаку вчера шпекулациите ги подгреа  новинарот Гајсер што ги објави снимките за случајот „Рекет”  тој во радио емисијата на која се дискутираше за политичките сотојби во Македонија го спомна и случајот со Давидовски и го даде како пример за исполитизирано судство, и  затоа дека  шведската влада  ја  одбила екстрадицијата рече тој .

Звонко Давидовиќ Адвокатот кој го застапува  Давидовски потврдува дека ниту тој не видел официјален документ од Шведска,тој за Канал 5 изјави  дека не сака да зборува дури не ја види одлуката. 

Инаку  39 годишниот  Давидовски беше приведен во април годинава на аеродромот „Скаваста“ во Стокхолм , за него беше распишана меѓународна потерница.

Обвинет е за терористичко загрозување на уставниот поредок и безбедноста при организираниот напад на Собранието. Пред шведската полиција, негирал дека има врска со упадот во парламентот.

По барање на шведските обвинители, тамошниот суд му изрече мерка притвор поради опасност да побегне.

Во Белорусија се одржуваат парламентарни избори

Во Белорусија денес се одржуваат парламентарни избори, на кои 516 кандидати се борат за 110 места во долниот дом на парламентот.

Изборите ќе бидат набљудувани од Западот за да се види колку слобода претседателот Александар Лукашенко ќе им овозможи на опозиционите кандидати, пренесува „Ројтерс“.

Националната изборна комисија соопштила дека до сега гласале повеќе од една третина од бирачите, односно 36 проценти, а „АП“ наведува дека постои опасност од манипулација на резултатите.

Опозицијата тврди дека гласањето е преполно со злоупотреби затоа што гласачките кутии не се чуваат, а пребројувањето на гласови се врши без присуство на набљудивачи.

По парламентарните, Белорусија наредната година ја очекуваат и претседателски избори.

Снегот во Франција и понатака прави проблеми

Околу 145.000 луѓе вчера биле без струја на југоистокот од Франција поради обилните врнежи од снег, соопштија од компанијата која управува со дистрибутивната мрежа.

Со прекин на струја се соочиле областите Дром, Изере, Рон, Лоар и Ардеш, се вели во соопштението и се додава дека техничките тимови работат на санација на проблемот.

Како што се наведува, невреме во четврток вечерта ја погоди источна и централна Франција и во еден период повеќе од 330.000 домови биле без електрична енергија.

Се намалува бројот на подржувачи за независна Каталонија

Самостојност на Каталонија подржуваат 41,9 проценти од жителите на таа шпанска покраина, а се противат 48,8 проценти.

Тоа го покажува анкетата на каталонската јавна институција за истражување на јавното мислење „ЦЕО“.

Анкетата била спроведена од 16 септември до 7 октомври, пред донесувањето пресуда за каталонските сепаратисти, а испитаниците одговарале на прашањето„Сакате ли Каталонија да биде самостојна држава?“

Анкетата покажала дека опаѓа бројот на оние кои бараат отцепување од Шпанија, имајќи во предвид дека пред референдумот во 2017 година за независност биле 48,7 проценти од испитаниците.

притисни ентер