Првиот човек на Судскиот совет негира притисоци од Заев или Беџети

Претседателот на Судскиот совет Киро Здравев не е запознаен со информацијата која вчера ја изнесе првиот човек на Сарај,Беџети дека премиерот Заев побарал од него да лобира кај членови во Советот за да гласаат за разрешување на еден претседател на суд

Оваа точка од седницата на 17-ти минатиот месец не се ни разгледувала, вели Здравев во телефонски разговор за Канал 5. Додава дека еден од членовите на Советот рекол дека немал време да ги прочита документите, па побарал точката да се одложи.

„Точно е дека на седницата на Судскиот совет на дневен ред имаше точка за разрешување на еден претседател на суд, но таа беше одложена по барање на еден од членовите на Советот бидејќи немал време да го прочита материјалот по оваа точка. Немам никакви сознанија дека дента премиерот Зоран Заев го барал градоначалникот на Сарај Блерим Беџети за некакви лобирања по истата точка.“ - Киро Здравев, претседател на Судски совет.

Само неколку часа по обвинувањата од страна на Беџети, возврати и првиот човек на Владата.

„Разговарав и за шпекулациите дека се одолговлекуваат процеси заради заштити од еден претседател на суд, тоа е Јово Вангеловски – претседателот на Врховниот суд.“, истакна премиерот Зоран Заев.

Од ВМРО-ДПМНЕ велат дека испливуваат се повеќе докази и сведочења за директни наредби во судството и го прашуваат Заев дали навистина нарачал Јово Вангеловски да биде разрешен до септември.

Со реакција излегоа и од Алијанса за Албанците, од каде велат дека е парадоксално премиерот да бара помош од Беџети и од ДУИ за да се реформира правосудниот систем.

Беџети вчера на прес конференција наместо одговор за актуелните случувања со дивите платформи го обвини премиерот дека вршел притисоци за лобирања во Судскиот совет и дека Антикорупциска покренала постапка за дивоградбите бидејќи го одбил таквото барање.

Во карантин македонски државјани кои дошле од Авганистан, дел од нив позитивни на Ковид-19

Македонски државјани кои пристигнале од Авганистан се сместени во карантин бидејќи меѓу нив имало позитивни лица на Ковид 19, потврдија за МИА од Министерството за здравство.

– Македонски државјани се пристигнати од Авганистан. По добиени информации дел од нив се позитивни. Поради безбедност на граѓаните, во консултација со Комисијата за заразни болести и Државниот санитарен и здравствен инспекторат, вечерва ќе бидат во карантин, а утре епидемиолог ќе одлучи што понатаму, наведоа од Министерството за здравство. /МИА

Фото: Ким Кардашијан драстично го промени изгледот

Најпознатата американска старлета Ким Кардашијан драстично го променила својот изглед.

Ваква боја на косата Ким немала никогаш.

За само неколку дена по трет пат е главна тема во светскиот шоу-бизнис. Прво јавноста дозна дека Ким и нејзиниот сопруг Канје Вест станале милијардери, потоа дека можеби тие двајца наскоро ќе влезат во претседателскиот кабинет. Сега Ким е актуелна во медиумите поради тоа што станала црвенокоса.

Популарната старлета со бујни облини на својот профил на Инстаграм објавила селфи на кое ја по прв пат ја покажала новата боја на косата.

Видео: Китови во Јадран!?

Во близина на брегот на Јадранското море во Хрватска забележани биле две големи суштества, два кита.

Залутаните китови предизвикале страв меѓу туристите во Корчула. Китовите пливале на околу 150 метри оддалеченост од брегот во близина на стариот град во Корчула.

Огромните цицачи кратко пливале крај брегот и потоа го продолжиле својот пат кон отвореното море.

Појавата на китови во близина на брегот предизвикала страв меѓу туристите.

-Некои коментирале дека веќе нема да влезат во морето и да пливаат.

Покрај во Корчула китовите биле видени и од месното население и туристите во Ново Винодолско.

притисни ентер