Концерт на камерниот ансамбл „Игнац Фукс" на „Охридско лето"

„Игњац Фукс" е формиран во јуни 2016 година на иницијатива на македонско-хрватскиот контрабасист Димовски и на српскиот кларинетист Александар Тасиќ.

– Музичката програма на „Охридско лето" вечер продолжува со концерт на камерниот ансамбл „Игњац Фукс", во состав Костадин Богданоски-прва виолина, Фросина Богданоска-втора виолина, Хивоте Тадезе-виола, Никола Јовановиќ-виолончело, Александар Тасиќ-кларинет, Виктор Кирченко-хорна, Жарко Перишиќ-фагот и Илин – Диме Димовски на контрабас.

„Игњац Фукс" е формиран во јуни 2016 година на иницијатива на македонско-хрватскиот контрабасист Димовски и на српскиот кларинетист Александар Тасиќ, кога на нивно гостување во Макао со театарско-оперската група „Third World Bunfight" им се укажува можност за дополнителен концерт на камерна музика во соработка со Хонгконгшката пијанистка Жаклин Леунг.

Оттаму се јавува идејата за флексибилен ансамбл во кој членуваат најистакнатите класични музичари од бившите југословенски простори, како што е и случајот со ансамблот на "No Borders Orchestra", каде што Тасиќ и Димовски се запознаваат. Во исто време, флексибилен ансамбл значи поголема уметничка слобода во креирањето на програмата за еден концерт и помага во промовирањето на камерната музика, која е врвот на западно-класичниот музички израз.

Ансамблот го носи името на познатиот хрватски композитор Ватрослав Лисински кое е воедно и името на концертната сала во која секојдневно работат некои од членовите на ансамблот во Загреб.

Костадин Богданоски е прва виолина и работи како концерт мајстор во Операта „Лисеу" во Барселона.

Фросина Богданоска е член на филхармонијата во Клагенфурт, Австрија и водач на вторите виолини во „Но Бордерс" оркестарот.

Хивоте Тадезе е заменик водач на виолите во оркестарот на Загрепската филхармонија и соло виолист на Хрватскиот барокен оркестар.

Никола Јовановиќ е заменик водач на секцијата на виолончела во Бамбергшкиот оркестар од Германија и водач во „Но Бордерс" оркестарот.

Александар Тасиќ е професор по кларинет на академијата во Нови Сад и тутор и постојан член на Фестивалскиот камерен оркестар во Вербие, Швајцарија.

Виктор Кирченко е прв солист на хорна во Загрепската филхармонија, а Жарко Перишиќ е професор на академијата во Загреб и соло фагот на Симфонискиот оркестар на ХРТ.

Илин-Диме Димовски е постојан член на Загрепската филхармонија, прв контрабас на „Но Бордерс" оркестарот и уметнички раководител на ансамблот „Фукс".

Концертот ќе се одржи во катедралната црква „Света Софија" со почеток од 21 часот. 

Од утре почнува со работа патарината кај Гевгелија

Новата наплатна станица Гевгелија од утре ќе започне со работа.

Како што соопштија вечерва од АМСМ,  патарината ќе започне со работа од 7 часот изутрина.

Според ценовникот на Јавното претпријатие за државни патишта – ЈПДП, цената за возила од Б категорија со две осовини ќе изнесува 100 денари додека при готовинско плаќање во евра таа ќе изнесува 2 евра. 

Ужас во Сараево -15 годишно момче со секира убил тинејџер

Момче на 15 годишна возраст , по кавга и физичка пресметка , со секира убило 17 годишно момче .

Во сараевската населба Сарај Поле околу 19 часот се случи трагедија , кога 15 годишно момче уби 17 годишник.

На убиството му претходела кавга и тепачка , по што едно лице завршило во болница.

Во тек е увидот и истрагата за овој случај што ја потресе БиХ.

Со дефиле како пред 75 години , Париз го одбележа ослободувањето од нацистите (ВИДЕО)

Париз денеска ја одбележа 75. годишнината од ослободувањето од нацистичката окупација во Втората светска војна.

Со дефиле со американски тенкови и други воени возила  од времето на Втората светска војна , со оддавање почит на припадниците на Движењето на отпорот и со дигање на француското знаме на Ајфеловата кула , Париз се сети на денот на ослободувањето .

Пожарникарите го подигнаа знамето на Ајфеловата кула во знак на сеќавање кога француската тробојка ја замени нацистичката.

притисни ентер