Здравје

ДСЗИ: Нема ништо спорно во работата на „Клиниката Жан Митрев“

Во клиничката болница „Жан Митрев се работело се под конец онака како што било пропишано според дозволата за работа за вршење на здравствената дејност издадена од Министерството за здравство.

Ова било утврдено од страна на вонредниот инспекциски надзор од страна на инспекторатот.

Денеска од клиниката испратија кратко соопштение до медиумите.

„Инспекторатот соопшти дека вчера извршил вонреден инспекциски надзор во ПЗУ Клиничка болница „Жан Митрев“ во врска со исполнувањето на законската обврска на здравствената установа за вршење на здравствената дејност согласно дозволата за работа издадена од Министерство за здравство бр.22-665/3 од 01.03.2019г“.

Но, медиумите не добија одговор ниту од инспекторатот ниту од Министерството за здравство што имало се во решението кое било издадено во март оваа година.

Дали тогаш се дозволило Жан Митрев да оперира бебиња, иако на прес конференцијата во влада кога се прогласи соработката помеѓу државата и приватната болница беше посечено дека Владимир Чадиковски ќе оперира бидејќи е единствен лиценциран детски кардиохирург.

Она што медиумите како соопштение го добија денеска од министерството за здравсто е за подобрувањето на условите на неколку болници во Македонија и за завршувањето на првата фаза во градската хирушка болница Св. Наум Охридски.

Информации и коментари за овој скандал нема. За овој случај како институција се огласи само антикорупциската комисија која по сопствена иницијатива отворила случај за договорот помеѓу ФЗОМ, здравство и болницата „Жан Митрев“.

И по овој прес немаше реакција ниту од министерството за здравство ниту од фондот.

Денеска во кратко соопшение повторно се огласија од приватната клиника „Жан Митрев“ кои ја поздравуваат иницијативата на комисијата за испитување на случајот со детската кардиохирургија и ветуваат отворена соработка за обезбедување на сите потребни информации и документи.

Автомобилизам

Се намалува цената на електричните автомобили, некои се поевтини и за 2.000 евра

Портпаролот на Tesla денеска изјави дека компанијата ќе ги намали цените на некои модели на автомобили во одредени земји во Европа, вклучително и Германија, како и на Блискиот Исток и Африка.

Во Германија цената на моделот 3 со погон на задните тркала паднал од 42.990 евра на 40.990 евра, пренесува Ројтерс.

Таа компанија, чиј основач и директор е милијардерот Илон Маск, претходно најави намалување на цените во Кина и САД.

Така, во САД цените на трите модели ќе бидат за 2.000 долари пониски, а Model Y ќе чини 42.990 долари, Model S 72.990 и Model X 77.990, пишува ABC News.

На 15 април Маск објави дека 10 отсто од вработените во компанијата ќе бидат отпуштени.

Компанијата Тесла на почетокот на април објави дека испорачала 386.810 возила во првиот квартал од 2024 година, што е за 8,5 отсто помалку во споредба со истиот квартал минатата година, објавија медиумите.

На квартално ниво, испораките на возила на Tesla паднаа за 20 отсто во споредба со четвртиот квартал од 2023 година.

По тој повод, Tesla објави и дека во првиот квартал од 2024 година произвела 433.371 возила, што е за 1,7 отсто помалку од истиот квартал лани.

Македонија

МОН: Наставата од деновите на гласање ќе се надомести во работни денови

Министерството за образование и наука информира дека наставата од деновите на гласање, 24 април и 8 мај, како и од 30 ноември кога беше организиран Самитот на ОБСЕ во Скопје, наместо во саботи, ќе се надомести во работни денови.

Дополнувањето на нереализираните наставни часови ќе го планираат и организираат директорите на училиштата и ќе се реализира со подолг престој на учениците во денови од работната недела, во рамки на шестчасовното работно време на наставниците.

Потсетуваме дека наставната година за учениците од средните училишта трае до 10 јуни, додека за учениците од основните училишта до 17 јуни и потребно е да го зачуваме најдобриот интерес на учениците, а тоа подразбира тие во целост и квалитетно да ја совладаат предвидената наставна материја.

Министерство за образование и наука

Свет

Четворица млади Германци се уапсени, додека полагале бели рози во куќата на Хитлер

Четворица Германци биле фатени како положуваат бели рози во куќата во која е роден нацистичкиот лидер Адолф Хитлер во западна Австрија на неговиот роденденот, а една жена меѓу нив го извела нацистичкиот поздрав додека се фотографирала.

Полицијата во провинцијата Горна Австрија соопштила дека четворица Германци, две сестри и нивните партнери, на возраст од 20-ти и раните 30-ти, отишле во зградата во саботата за да положат бели рози во прозорците, објави Политико.

Тие се фотографирале пред куќата, а една од жените го извела нацистичкиот поздрав. Патролните службеници ја забележале групата и ги однеле во полициска станица на распит.

Жената рекла дека не била сериозна во врска со поздравот, но полицајците изјавиле дека нашле разговор со други на нејзиниот мобилен телефон, во кој споделувале пораки и слики со нацистички теми.

Полицијата соопшти дека ќе ги пријави сите четворица пред обвинителството поради сомневање дека го прекршиле австрискиот закон за забрана на нацистички симболи.

Хитлер е роден на 20 април 1889 година во Браунау ам Ин.

По долги расправии за иднината на куќата во која е роден, минатата година почна да се работи за нејзино претворање во полициска станица, што требало да ги одврати оние кои го величаат Хитлер и имаат намера да ја посетат.

притисни ентер