Сонцето од „Кутлеш“ ќе се отстранува од јавниот простор

Грижливо одбран датум или само коинциденција.

На денот кога собранието за прво државно знаме во независна Македонија го избира знамето со ѕвездата од Вергина, 27 години подоцна државава треба да го тргне од јавните институции , ако е некаде истакнато како национален симбол, ако е дел од натписите или доколку го има на некој од спомениците. Ова го пропишува динамиката за реализација на обврските од договорот од преспа. Според неа, јасно е наведено дека по шест месеци од стапувањето во сила на договорот , кој рок е точно денеска, сонцето од Кутлеш треба да биде тргнато. Друга обврска која коинцидира со оваа е на спомениците што упатуваат на хеленската античка историја и цивилизација, да бидат ставени плочки со информации дека се од тој период. Во членот осум од договорот стои:

- Втората страна нема повторно да го употребува на кој било начин и во каква било форма симболот порано истакнат на нејзиното поранешно државно знаме. Во рок од шест месеци по влегувањето во сила на оваа спогодба, Втората страна ќе пристапи кон отстранување на симболот истакнат на нејзиното поранешно државно знаме од сите јавни места и од јавна употреба на нејзина територија. Археолошките артефакти не спаѓаат во опфатот на оваа одредба. Е наведено во членот осум став три од Преспанскиот договор.

Инаку во однос на симболот на поранешното знаме со сонцето од Кутлеш, државата има преземено обврска уште во 1995 година со Привремената спогодба која обврска значи дека нема да го употребува симболот во јавен простор од страна на јавни и државни институции, потсетуваат од владата.

Во Преспанскиот договор, со членот 8 став 2 се вели дека:

„Во рок од шест месеци од влегувањето во сила на оваа Спогодба, Втората страна ќе го преиспита статусот со спомениците, јавните згради и инфраструктурата на нејзината територија и доколку истите на кој било начин упатуваат на античката хеленската историја и цивилизација , што претставува составен дел од историското или културното наследство на Првата страна, ќе преземе соодветни корективни дејствија со цел делотворно да го разгледа прашањето и да обезбеди почитување на таквото наследство.“

Во дописот до Канал 5 од владата се наведува дека сите обврски од Преспанскиот договор се преземаат согласно договорот и утврдената динамика и дека за цело време имало комуникација со грчката страна со потсетување дека договорот иако не создава обврски за приватни лица или приватни ентитети сепак владата и нив ги поттикнува доследно да го почитуваат применувањето на договорот.

Така меѓу првите кои треба да преземат чекори е Општина Македонска Каменица чиј грб го содржи сонцето од Кутлеш , исто како и Општина Могила. Не е јасно дали според овие одредби ќе треба да се преправи и плоштадот во Виница , или како би се менувале шахтите и што со сувенирниците каде се продаваат сувенири со овој симбол.

Без вода денеска дел од село Батинци

 Без вода денеска од 09:00 часот до завршување на работните активности ќе бидат дел од корисниците од село Батинци.

Прекинот, како што информираат од Регионалниот центар за управување со кризи на Град Скопје, е поради уличен дефект ф-100мм на улица 7/ Батинци.

Русија го укина задолжителниот карантин за патниците од странство

Патниците кои влегуваат во Русија од 15 јули повеќе нема да мора да одат во 14-дневна изолација, одлучи Федералната служба за здравствена заштита.

Странските државјани кои доаѓаат во Русија ќе мора да имаат негативен тест за коронавирус, или да се тестираат во рок од три дена по влегувањето во земјата.

За од руските граѓани исто така важи обврската да се тестираат во рок од три дена од пристигнувањето во земјата.

Работодавачите се обврзани да ги известат вработените за задолжителното тестирање и да проверат дали ја исполниле таа обврска.

МЗ:Неделава почнува поставувањето на монтажен амбулантско-поликлинички оддел

Во тек се подготвителни активности за новиот монтажен објект на Клиниката за пулмологија и алергологија, кој ќе биде поставен на просторот меѓу Институтот за патофизиологија и Институтот за ТБЦ.

Веќе е поставена бетонската плоча како подлога за монтажно-модуларниот амбулантско поликлинички оддел. Кон крајот на неделата ќе почне поставувањето на контејнерите, чија монтажа треба да заврши до 30 јули, а се планира кон средина на август, објектот да биде целосно подготвен.

Во новиот објект ќе бидат лоцирани четири амбуланти и кабинети со спирометрија, за дифузија и бодиплетизмографија, за бронхијална провокација, за гасни анализи во крвта, за алерголошки тестирања и за ЕКГ, како и две засебни простории за дневни болници за сместување амбулантските пациенти. Сето ова е придружено со сите потребни помошни простории, тоалети и гардеробери за персонал, засебни тоалети за пациенти, чекални, административни соби, стерилни остави, сервер соба, климатизација и слично. Целиот простор ентериерно и екстериерно е оформен така да не постојат бариери и препреки за лица кои користат помагала и лица со попреченост, за кои се предвидени и специјални тоалети согласно стандардите.

Во меѓувреме се работи на изготвување план за потребното ентериерно уредување и обезбедување медицинска и немедицинска опрема.

Од Клиниката за пулмологија појаснуваат дека пациентите со белодробни заболувања, заради хроничната болест на белодробниот систем се во најризичната група за добивање Ковид-19, како и за развивање тешки компликации од вирусот, затоа е посебно значајно поставувањето на монтажната амбуланта, која ќе ги исполнува најсовремените стандарди за работа.

притисни ентер