Откриени најстарата ѕвезда во вселената и 39 масивни древни галаксии

Астрономите неодамна дошле до фасцинантни факти поврзани со далечното минато на нашата вселена.

Не само што успеале да откријат 39 масивни древни галаксии, кои претходно не биле познати, туку е откриена и ѕвезда стара колку и нашата вселена.

Имено, ѕвездата црвен див – „ SMSS J160540.18–144323.1", која се наоѓа на околу 35000 светлосни години оддалеченост има најмала количина на железо меѓу сите досега анализирани ѕвезди во нашата галаксија, пренесува „ Science Alert".

Тоа мало количество на железо значи дека станува збор за една од најстарите ѕвезди во целата вселена. Ѕвезда која најверојатно и припаѓа на втората генерација ѕвезди по „Големата експлозија“ која се случила пред околу 13,8 милијарди години.

-Оваа анемична ѕвезда, која најверојатно се формирала само неколку стотини години по „Големата експлозија“, има количество на железо 1,5 милиони пати пониско од количеството на железо кое го има Сонцето, објаснува астрономот Томас Нордлендер од Австралискиот национален универзитет.

Според анемичноста на ѕвездите можеме да ја процениме нивната старост. Поради тоа што во раната вселена скоро воопшто немало метали. Првите ѕвезди се состоеле во главно од водород и хелиум и се смета дека биле многу масивни, жешки и со краток век. Овие ѕвезди се водат како „Популација Три“ но нив никогаш не сме ги виделе и најверојатно нема ни да ги видиме. Но, можеме да ги забележиме ѕвездите од следната генерацијата, меѓу кој спаѓа и ново откриената „"SMSS J160540.18–144323.1", на основа на кои можеме да утврдиме и како изгледале првите ѕвезди во вселената, дополнил угледниот астроном.

Друга група на научници користејќи опсерватории од Земјата но, и од вселената забележала древни галаксии. Според научниците ова е првото вакво откритие на вака голем број на прастари галаксии, пишува „СНН“.

-Сега прв пат откривме вака голема популација на огромни галаксии кои настанале во текот на првите две милијарди години од настанувањето на вселената, која сега е стара 13,7 милијарди години. Тие досега за нас беа невидливи, изјавил астрономот Тао Ванг од Универзитетот Токио и Јапонската национална астрономска опсерваторија.

Фото: Ким Кардашијан драстично го промени изгледот

Најпознатата американска старлета Ким Кардашијан драстично го променила својот изглед.

Ваква боја на косата Ким немала никогаш.

За само неколку дена по трет пат е главна тема во светскиот шоу-бизнис. Прво јавноста дозна дека Ким и нејзиниот сопруг Канје Вест станале милијардери, потоа дека можеби тие двајца наскоро ќе влезат во претседателскиот кабинет. Сега Ким е актуелна во медиумите поради тоа што станала црвенокоса.

Популарната старлета со бујни облини на својот профил на Инстаграм објавила селфи на кое ја по прв пат ја покажала новата боја на косата.

Видео: Китови во Јадран!?

Во близина на брегот на Јадранското море во Хрватска забележани биле две големи суштества, два кита.

Залутаните китови предизвикале страв меѓу туристите во Корчула. Китовите пливале на околу 150 метри оддалеченост од брегот во близина на стариот град во Корчула.

Огромните цицачи кратко пливале крај брегот и потоа го продолжиле својот пат кон отвореното море.

Појавата на китови во близина на брегот предизвикала страв меѓу туристите.

-Некои коментирале дека веќе нема да влезат во морето и да пливаат.

Покрај во Корчула китовите биле видени и од месното население и туристите во Ново Винодолско.

Италијанец погоди „шестка“ и доби 60 милиони евра

Среќен Италијанец е побогат за фантастични 60 милиони евра.

Анонимен Италијанец играл „ SuperEnalotto" и погодил „шестка“ за добивка од 60 милиони евра.

Добитните броеви биле 16, 24, 29, 53, 73 и 88, „ Jolly" бројот бил 62, а суперстар“ бројот бил 50 .

Среќниот добитник неверојатната награда од 60 милиони евра ја добил со вложени само три евра.

притисни ентер