Филипче: Децата и натаму ќе се оперираат во клиниката „Жан Митрев“ на сметка на ФЗО

Третманот на децата продолжува во клиничката болница „Жан Митрев“ без разлика дали тимот предводен од детскиот каридохирург Владимир Чадиковски останува во болницата или заминува, потврди за Канал 5 министерот за здравство Венко Филипче.

Операциите ќе бидат на сметка на фондот како и досега, вели министерот кој е на годишен одмор. Засега нема детално објаснување кој ќе ги прави операциите во оваа болница, бидејќи Чадиковски е единствениот лиценциран детски кардиохирург во Македонија. Вчера од болницата „Жан Митрев“ излегоа со како што потенцираат историска вест во кардиохирургијата дека во Македонија за првпат е направена најтешката и најкомплексна операција на срце кај деца. Новороденче од скоро три килограми како итен случај завршило на операција во оваа болница. Операцијата ја правел доктор Жан Митрев со објаснување дека операцијата е направена со старо- новиот тим од државна клиника како еден тим. Неколку часа подоцна каридохиругот Чадиковски даде отказ со образложение дека не се почитувале договорот од страна на болницата и министерството за здравство. Чадиковски за канал 5 потврди дека не знае за успешната операција, бидејќи тој е на одмор од Грција. На ова прашање не добивме одговор од никого како е направена интревнецијата без присуство на Чадиковски. Тој во февруари оваа година премина во оваа болница како јавно приватно партнерство и како единствен лиценциран детски кардиохирург.

Од клиничката болница „Жан Митрев“ до медиумите испратија писмено соопштение, каде објаснува дека оваа клиника пред 20 години го потпиша првиот договор со фондот за здравствено осигурување за кардиоваскуларна хиругија, и дека се изведуваат сите видови кардиоваскуларни операции.

„Досега се третирани над 1000 вродени срцеви маани кај возрасни, деца и бебиња, се прават планови за оперативен третман за уште 20-тина деца во наредните неколку недели и соработката продолжува со министерството за здравство“ , се вели во соопштението.

Во соопштението се потенцира и вчерашната успешна операција, но немаше објаснување дали без единствениот детски лиценциран кардиохирург смееле да ја направат операцијата.

Од лекарската комора објаснуваат дека до нив не е стигант документ од здрвствените инспектори дека е направена интревенција во отсуство на лиценцираниот детски кардиохирург. Засега нема никаква писмена преставка стигната и до државниот санитарен здравствен инспекторат.

Државната комисија за спречување на корупција (ДКСK) ја одржува 93. Седница

Државната комисија за спречување на корупција (ДКСk) денеска ја одржа 93 седница на која беа разгледани повеќе предмет.

На почетокот од седницата комисијата дискутираше околу повеќе известувања стигнати до Комисијата во врска со минати и актуелни предмети, помеѓу кои i известувањето од Судски Совет за случајот „Трансмет“.

На денешната седница беа одбиени неколку поднесени жалби и предмети за продажба на земјиште како и пријава за злоупотреба при вработување на член на надзорен одбор во јавно претпријатие.

Рашела Мизрахи предложена за претседател на Анкетната комисија за случајот Онкологија

 Почна седницата на собраниската Комисија за прашања на изборите и именувања, која треба да го утврди составот на Анкетната комисија за скандалот во ЈЗУ Универзитетска клиника за радиотерапија и онкологија.

За претседател на комисијата е предложена Рашела Мизрахи од пратеничката група на ВМРО-ДПМНЕ, а предлози од оваа ПГ се и Александар Велјановски за заменик претседател, за членови Антонијо Милошоски, Гордана Сиљановска - Давкова, Иванка Василевска, Љупчо Пренџов, Петар Ристески, за заменици членови Дајанчо Ефтимов, Дафина Стојаноска, Драган Ковачки, Тони Јаревски и Зоран Коцевски.

Од пратеничката група на СДСМ и коалицијата, за членови се предложени Даниела Марковска, Ненад Коциќ, Мартин Костовски и Марија Георгиевска, додека за заменици членови - Миле Талевски, Маја Морачанин, Бети Рабаџиевска Наумовска и Соња Мираковска.

Предлог на пратеничката група на ДУИ, за членови се Арбен Зибери и Бедри Фазли, а за заменици членови - Бајрам Кадрија и Берат Ајдари.

Одлуката за основање на Анкетната комисија беше донесена на 20. месецов, откако по наводите во јавноста за злоупотреба на лекови на Клиниката за онкологија Јавното обвинотелство на почетокот на месецов отвори предистражна постапка.

Од ЈО на 26. месецов соопштија дека косовските обвинители се подготвени за соработка за случајот. Тимот на обвинители од Основното јавно обвинителство Скопје, како што информираа, продолжува да ги презема сите дејствија за целосно испитување на настанот.

-Секојдневно се вршат распити на пациенти и нивни блиски, на стручни медицински и на други лица кои би можеле да имаат определени сознанија. Министерството за здравство до Јавното обвинителство го достави извештајот од Државниот здравствен и санитарен инспекторат, што се однесува на работата на Клиниката за онкологија. Исто така, по наредба на јавните обвинители, во тек е финансиска истрага, како и детално вештачење на економско-финансиското работење на Клиниката, кое го врши тим од вешти лица, ревизори од Државниот завод за ревизија и претставници на Фондот за здравствено осигурување, информираше Јавното обвинителство.

Заврши Светско екипно првенство во шах, петто место за „Македонија Алкалоид“

Со натпреварите од 9. коло синоќа во Струга заврши Светското екипно првенство во шах во возрасни категории над 50 и над 65 години, на кое настапија 48 екипи од 17 земји и дури 40 велемајстори и 32 интернационални мајстори.

Во категоријата до 50 години, победи првиот тим на САД, освојувајќи го првото место со 15 бодови, пред Англија, Исланд и Италија со по 14.5 додека „Македонија Алкалоид“ го освои петтото место со 12 бодови.

Во завршното коло, „Македонија Алкалоид“ го совлада третиот тим на Англија со 3.5-0.5.

Преостанатите две македонски екипи завршија во вториот дел од табелата. Екипата „Македонија“, составена од слепи и слабовидни шахисти со 11.5 бодови го освои 19 место, додека женскиот состав „Македонија“ заврши на последното, 22, место со 6.5 поени.

Победничката екипа настапи во состав: Шабалов, Каиданов, Ехлвест, Новиков и Јермолински.

Во категоријата над 65 години, триумфираше тимот „Германија Ласкер“ со 17 бодови, пред првиот тим на Англија со 16 и Словачка со 14 бодови.

Тимот „Макеоднија“ го освои 12 место со девет бодови.

Победничкиот тим настапи во состав: Кнак, Мејстер, Калиничев и Колер.

притисни ентер