Ѓоковиќ за пијанството: Леле, и мајка ми ќе го гледа ова ! (ВИДЕО)

Новак Ѓоковиќ гостуваше во емисијата "Vice Sports", во која откри некои до сега непознати детали од својот живот.

Српскиот тенисер е познат по тоа што не консумира алкохол, но во интервју призна дека се опивал како млад .

"Дали некогаш се опуштате и во какви околности? Дали некогаш сте се опиле?" го праша водителот.

„О, да ! Леле, мајка ми ќе го види ова ...“, рече Ѓоковиќ, покривајќи го лицето како да се срами, но тоа беше само шега.

"Да, се опивав додека пиев алкохол. Сега сум опиен само од  љубов или други работи. Кога последен пат пиев алкохол? Не пијам со години. Бидејќи не пиев долго време, една чаша е доволна за да ме удри и не знам каде сум “, рече Ѓоковиќ, додавајќи:

"Ако вакви работи се сметаат, имав многу пијанства. И јас не се срамам од тоа, затоа што тоа е составен дел од мојот живот. Јас работам кон исполнување на моите спортски цели. “, рече најдобриот тенисер на светот.

Ѓоковиќ доби обештетување од 3 милиони долари од Рио де Женеиро

Новак Ѓоковиќ е побогат за скоро 3 милиони долари откако го доби судскиот спор со бразилскиот град Рио де Женеиро.

Овој бразилски град му должeше пари на Ѓоковиќ од учеството на ревијален натпревар во 2012 година со Густав Куертен. Тогаш Новак требаше да добие 1,1 милиони долари, но му биле исплатени само 650 000 долари, па Ѓоковиќ поднесе тужба.

Седум години откако започна спорот, случајот е затворен. Судот пресуди во корист на српскиот тенисер, а со сите камати , Рио де Женеиро сега ќе мора да плати скоро три милиони долари.

Лига на шампионите ќе го менува форматот!?

УЕФА и Здружението на европските клубови се блиску до договор за промена на форматот на најсилното фудбалско натпреварување на Стариот континент Лигата на шампионите од 2024 година.

Според наводите на англискиот „Тајмс“ во план е зголемување на бројот на натпревари и воведување на уште една групна фаза. Ваква фаза постоеше во периодот на основање на новиот формат на натпреварувањето од 1992 до 2003 година.

На тој начин клубовите кои би ја минале групната фаза би играле дополнителни шест средби за пласман во елиминациската рунда, односно меѓу осумте најдобри во четврт-финалето.

УЕФА со вакво решение и одлука сака да ги натера најдобрите и најбогатите клубови веќе да не размислуваат на идејата за формирање на затворена Суперлига. Но, се поставува прашање како на новиот формат би реагирале клубовите од Англија, кои и онака играат голем број на натпревари. Премиерлигашите и онака имаат густ распоред и практично играат без одмор.

Организаторите за загадениот воздух на Австралија Опен: Виновни се телефонските апликации

Одигрувањето на Австралија опен е доведено во прашање откако организаторите се борат со проблемот со загадувањето на воздухот како резултат на шумските пожари кои ја опустошија земјата.

Првиот ден беше одбележан со откажување на Далила Јакуповиќ, кој имаше проблеми со дишењето и силна кашлица предизвикана од загадениот воздух, но и бројни поплаки од играчите дека не можеле да дишат и дека брзо се умориле. Вториот ден се случи тричасовна пауза поради тешкото загадување на воздухот, аа после тоа да се појават првите шпекулации за евентуално одложување на целиот турнир.

И покрај сè, директорот на Австралија опен Крег Тили изјави дека првиот Грен слем на сезоната ќе започне навреме, како што беше планирано.

„Постојат многу шпекулации дали Австралија опен ќе започне навреме или ќе биде одложен. Турнирот ќе се одржи“, изјави Тили, истакнувајќи дека го разбира гневот на играчите, но исто така додаде дека верува дека има забуна околу различните мерења на квалитетот на воздухот во зависност од која апликација или веб-услуга се користи.

"Прашањето на квалитетот на воздухот е збунувачко и комплицирано. Постојат различни форми на мерење кои се многу покомплексни отколку што можат да понудат телефонските апликации. Важно е да имате доверба во медицинските совети и научните експерти кои секојдневно го анализираат квалитетот на воздухот. Безбедноста, благосостојбата и здравјето на играчите, се наш приоритет “

Според него, системот за мерење на загадувањето треба да ја надмине границата од 200 единици, а тоа никогаш не се случило од почетокот на натпреварите.

притисни ентер