На натпреварот што вчеравечер се играше за второтопретколо на Лига Европа меѓу домаќинот Крајова и унгарски Хонвед , настана вистински скандал. Судијата е повреден , кога во поседната минута од натпреварот беше погоден со предмет од публиката , а покрај него одекнуваа петарди и беа фрлани факели. Судијата од Британија, Арнолд Хантер веднаш падна и се фати за главата и увото. По тоа втрчаа доктори и итна помош , по што тој беше однесен во болница.
Тепачката ја почнаа играчите на теренот, а потоа навивачите на унгарската Хонвед се обидоа да се справат со Романците. Полицијата мораше да употреби солзавец.
Сепак, дуелот се одигра до крајот, а Крајова влезе во третото коло по пенал.
Но, по масовните тепачки, се доведува во прашање регуларноста на дуелот. Според бројни медиуми, за судбината на клубовите и на победникот сепак ќе одлучува УЕФА. Може да дојде и до повторување на мечот, кој траеше вкупно 150 минути.
Унгарскиот клуб бара нов натпревар , а УЕФА би можела да ги елиминира Романците од Лига Европа.
Шефот на романскиот клуб Марсел Попеску е свесен за ситуацијата.
„Не знам какви ќе бидат конечните одлуки, но нормално јас сум свесен за казните што претстојат. Не знам колку се груби. Сето ова не може да се случи без санкција. Факт е дека огромното мнозинство од 25.000 луѓе на стадионот не се виновни, туку неколку хулигани “, рече Попеску.