Апостолакис за МИА: И двете страни да ги извлечат позитивните работи од Договорот од Преспа

Започнавме една соработка која ценам дека продолжува. 

Да се погрижиме да се спроведе Договорот од Преспа онака како што е потпишан и сите ние да ги извлечеме позитивните работи од него, вели за МИА, поранешниот министер за одбрана на Грција во владата на СИРИЗА и поранешен началник на Генералштабот на грчката армија, Евангелос Апостолакис.

Во разговор со дописничката на МИА од Атина, Апостолакис изразува оптимизам дека промените во Грција нема да го запрат континуитетот на соработка, иако смета дека ќе биде потребно малку време за адаптација, вели и двете страни веруваа и успеаја да започнатата одбранбена соработка, која оди напред.

Апостолакис во јануари, во владата на СИРИЗА дојде на местото на Панос Каменос во Министерството за одбрана на Грција и за време на посетата на тогашниот премиер Алексис Ципрас на Скопје, со Радмила Шекеринска потпишаа сеопфатен Договор за соработка во одбраната.

Господине Апостолакис, Вие имавте чест, додека бевте министер за одбрана, да започне одбранбената соработката меѓу двете земји.

– Започнавме една соработка која ценам дека продолжува. Сметав дека е можност и за двете држави да започнат соработка, дека можеме да си помогнеме еден на друг, особено во однос на вооружените сили, бидејќи беше многу важно да се започне со одредени работи и многу брзо беа воспоставени некои контакти и конкретни чекори. Целта беше да ѝ помогнеме на Северна Македонија колку е можно побргу да се адаптира и да се поврзе, да стане член на НАТО, да помогнеме во прашањата поврзани со безбедноста и да соработуваме во оние теми со кои што се соочуваме како заеднички проблеми во регионот. И двете страни верувавме во тоа. Започнавме многу добро. Оди напред…

Договорот од Преспа наиде на критики и од двете страни на границата и во двете земји…

– Она што често го велам е дека независно од тоа што веруваат од едната или од другата страна за позитивните резултати дали беше добар или лош договорот, она што сега треба да направиме е сите ние да ги извлечеме позитивните работи. Да се погрижиме да се спроведе како што е потпишано и да биде позитивен за сите, а не да се труеме со тоа дали беше добар или лош. Толку години го живеевме ова.

Веќе е реалност договорот…

– Да. Единствено нешто што треба да гледаме е како да произлезе нешто позитивно. Ова е многу важно.

Со промената на власта во Грција, Вие лично сте оптимист дека ќе има континуитет? Ќе продолжи започнатата соработка?

– Јас сум оптимист дека ќе има континуитет. Ќе се надминат некои тешкотии. Потребно е малку време за да има адаптирање на новата ситуација и од едната и од другата страна. Мислам дека се ќе биде во ред, бидејќи е потребно и треба да биде така./МИА.

Зеленски побара Конгресот на САД да ја деблокира помошта за Украина

Претседателот на Украина, Володимир Зеленски побара од претседателот на Претставничкиот дом на САД, Мајк Џонсон за „брзо усвојување“ на огромната „витална“ воена помош.

- Го информирав Џонсон за ситуацијата на бојното поле, посебно за драматичниот пораст на рускиот воздушен терор, истакна Зеленски по телефонскиот разговор со американскиот висок претставник

Зеленски истакна дека американската воена помош за Украина е од витално значење.

Американската помош од 60 милиони долари е блокирана во Конгресот од минатата година од страна на републиканците. Џонсон, кој одредува кои нацрт-закони ќе бидат ставени на гласање во Претставничкиот дом, неодамна изјави дека ги испитува начините како да и помогне на Украина, додека Сенатот веќе одобри помош од 60 милијарди долари.

На 22 март руската армија го изврши најголемиот воздушен напад врз украинската енергетска инфраструктура од почетокот на инвазијата врз Украина, што почна пред две години. Според Зеленски, Русија минатата недела истрелала вкупно 190 проектили, испратила 140 беспилотни летала и фрлила 700 наведувани воздушни бомби на територијата на Украина. /МИА

Грчкиот Парламент не го изгласа предлогот на опозицијата за недоверба на Владата

Како што соопшти претседателот на Парламентот Константинос Тасулас тридневната расправа траеше над 40 часа, а се обратија 163 говорници, меѓу кои пратеници, министри од Владата и сите лидери на партиите. 

Предлогот за недоверба на грчката Влада доставен од четири опозициски партии, како што и се очекуваше, не го доби потребното парламентарно мнозинство, не беше изгласан од Парламентот и не создаде проблеми за владиното мнозинство, јави дописничката на МИА од Атина.

Од 300 пратеници во Парламентот, за да помине предлогот, потребно беше да биде изгласан со најмалку 151 глас, а на синоќешното гласање, поддршка доби од 141 пратеник кои гласаа „за“, додека пак останатите 159 беа против, од кои еден независен пратеник и целата пратеничката група на владејачката Нова демократија.

Пратеничките групи на ПАСОК, СИРИЗА, Нова левица и на Курс на слобода во вторникот доставија заеднички предлог за гласање недоверба на Владата, по иницијативата на лидерот на ПАСОК Никос Андрулакис, поради новите информации за железничката несреќа во февруари минатата година кај Темпи, објавени од весникот „То вима“.

Како што соопшти претседателот на Парламентот Константинос Тасулас тридневната расправа траеше над 40 часа, а се обратија 163 говорници, меѓу кои пратеници, министри од Владата и сите лидери на партиите.

Текстот во весникот „То вима“ објавен во неделата за монтираните аудиозаписи за железничката несреќа кај Темпи на 28 февруари 2023 година во која загинаа 57 лица, кај опозициските партии во Грција предизвика низа реакции, кои кулминираа со доставување на предлогот за гласање недоверба на актуелната Влада.

Синоќа, додека сè уште беше во тек расправата во Парламентот државниот министер Ставрос Папаставру и заменик-министерот без ресор Јанис Братакос си поднесоа оставки, кои беа прифатени од грчкиот премиер Киријакос Мицотакис.

Владини извори за грчките медиуми коментирале дека „присуството на социјален собир испратило погрешна порака“.

Оставките на Папаставру и Братакос дојдоа откако дел од грчките медиуми објавија дека двајцата министри се сретнале со бизнисменот Вангелис Маринакис, кој меѓу другото е сопственик и на групацијата чиј дел е весникот „То вима“ што во неделата го објави текстот за монтираните аудиозаписи по железничката несреќа. /МИА

Најмалку 38 лица загинаа во израелските напади врз сирискиот град Алепо

Во синоќешните израелски напади врз северниот сириски град Алепо загинаа најмалку 38 лица, меѓу кои и борци од либанското шиитско движење Хезболах.

Претходно сириското Министерство за одбрана соопшти дека при израелските напади погодени се неколку области во и околу градот при што загинале одреден број цивили и војници.

По нападот на Хамас на 7 октомври, Израел ги засили нападите врз базите на проиранските групи на територијата на Сирија. Во некои операции мета беа и позициите на сириската воздушна одбрана и армијата.

Израел со години спроведува слични акции во Сирија, каде што влијанието на Техеран се зголеми откако Исламската Република почна да го поддржува претседателот Башар ал Асад во граѓанската војна што изби во 2011 година. Борците од групите сојузници на Иран, како што е Хезболах, сега се зацврстија на големи делови од источна, јужна и северозападна Сирија, како и во некои предградија на главниот град. /МИА

притисни ентер