Физикална терапија „Кежовица" се враќа во владение на Клиничката болница во Штип

Физикална терапија „Кежовица"-Штип пред 20 дена со одлука на Владата е вратена во владение на штипската Клиничка болница, информираше денеска директорот на болницата, Ален Ѓеорѓијев.

Пред шест  години, две третини од оваа здравствена установа им беа дадени на менаџирање на Универзитетот „Гоце Делчев", а една третина припадна на Министерството за здравство, но не им се излезе во пресрет на потребите на пациентите и здравствените работници во делот на инвестициите. Ѓеорѓијев забележа дека болницата сега ќе може да инвестира преку проекти и сопствени средства во подобрување на инфраструктурата, која не е реновирана со децении наназад.

–   Инфраструктурата е најлоша. Во делот каде што се амбулантите, каде пациентите примаат третмани. Секако и стационарот и болничкиот дел не е сјаен, меѓутоа сметам дека таму малку се попристојни условите. Но, зградата каде што се наоѓа базенот, каде доаѓаат сите пациенти кои имаат потреба од физикална терапија е во исклучително лоша состојба, вели Ѓеорѓијев.

На физикална дневно во просек се врши терапија на околу 200 пациенти, не само од источниот регион, туку и од целата земја. Пред два месеци, после 50 години, беа набавени и првите софистицирани апарати во вредност од 30.000 евра, сопствени средства на болницата, а беа вработени и 13 физиотерапевти. Меѓутоа, поради нерешениот правен статус на институцијата, Клиничка болница-Штип не смееше да интервенира во реконструкција на објектот. Колку ќе чини реконструкцијата на Физикална терапија „Кежовица"-Штип ќе се знае до крајот на годината, кога ќе се изготви и проект./МИА

Претставен новиот Волво на хибриден погон (ВИДЕО)

Актуелниот Волво Ѕ60 ја доби најсилната погонска верзија со 390 Кс во комбинација на бензински и електромотор.

Третата генерација на Ѕ60 доаѓа со моќен Т8 плаг-ин хибрид. Турбо бензинецот има 303 КС , а електромоторот дополнителни 87 КС , а силата од 390 КС е распоредена на сите четири тркала со помош на 8- брзинскиот менувач.

На 100 км/час стигнува за 4,6 секунди , а од Волво велат дека оваа лимузина троши само 1,6 литри бензин на 100 км.

Емисијата на јаглероден диоксид е само 39 грама на поминат километар. Самостојно со батериите новиот Волво може да помине 58 километри.

Отворена најголемата гаража за велосипеди на светот (ВИДЕО)

Во холандскиот град Утрехт , под централната железничка станица е отворена најголемата гаража за велосипеди на светот.

Гаражата има капацитет од 12 500 велосипеди . Холандија , со население од 17 милиони има дури 23 милиони велосипеди и во просек секој жител на оваа земја на велосипед минува 18 минути дневно.

Утрехт е еден од водечките велосипедски градови во светот , па не зачудува што токму таму е изградена најголемата гаража.

Пред две години бил отворен првиот дел од паркингот со капацитет од 7 500 велосипеди , а сега е целосно завршен големиот проект. паркингот е на три ката и работи 24 часа.

Маж оди 700 километри наназад за да ги спаси шумите (ВИДЕО)

Индонежанецот Меди Бастони реши да оди 700 километри наназад за да привлече внимание и да укаже на уништувањето на шумите на островот Јава.

Овој предизвик , Бастони го почна на 18. јули и планира да го заврши во главниот град Џакарта.

Тој  утре треба да го заврши своето патување и планира да се сретне со претседателот на Индонезија, Јоко Видодо и да го замоли да засади нови дрвја на Јава.

Бастони (43) и минатата година одеше наназад во борба против уништувањето на шумите.

притисни ентер