Ахмети се сретна со новата амбасадорка на САД Брнз

 Претседателот на Демократската унија за интеграција (ДУИ), Али Ахмети, во Амбасадата на САД во Скопје, оствари средба со новата американска амбасадорка во Македонија, Кејт Мари Брнз.

Ахмети и честитал на амбасадорката Брнз за новата должност и изразил убедување дека успешната соработка со САД ќе продолжи и во иднина во насока на реализирање на нашите заеднички цели,Македонија интегрирана во НАТО и ЕУ и со функционална демократија.

Од ДУИ денеска соопштија дека Ахмети и Бернс разговарале и за заедничките достигнувања во насока на општествената кохезија, договорите со Атина и Софија и патот кон НАТО и Европската Унија.

– Ахмети истакна дека ни претстои уште многу работа, посебно во насока на владеењето на правото и реформите, вклучувајќи ги тука и одговорноста и отчетноста. Нашата земја чекори кон евроатланската интеграција и задолжително треба да ги исполни бараните стандарди, додека ДУИ ќе продолжи да биде партнер во реализација на реформите за доброто на нашите граѓани, стои во соопштението од ДУИ.

Ахмети, се подвлекува во соопштението, посочил дека сите достигнувања се заеднички и оти САД може да сметаат дека ДУИ ќе продолжи да биде искрен партнер.

Утврдени имињата на студентите од Делчево кои ќе добиваат општинска стипендија

Комисијата за доделување студентски стипендии ја утврди листата на студенти кои за учебната 2019/2020 година ќе добиваат студентска стипендија од Општина Делчево.

Од општината информираат дека од буџетот за оваа намена обезбедени се 235.000 денари.

– По точка еден од конкурсот стипендија  добиваат шест студенти со континуиран успех над 8.00, кои не повторувале во текот на студирањето, чии родители се невработени со ниски месечни примања или приматели на социјална помош. Меѓу добитниците на стипендиите по овие критериуми имаме студенти по образовни науки, како и студенти на факултетот за медицински науки и фармацевтски факултет. Тие во период од девет месеци ќе добиваат месечен надомест од 2.000 денари, известија од општината.

Од таму потенцираат дека по однос на втората група критериуми, одбраните студенти во период од девет месеци ќе добиваат месечен надомест од 3.500 денари.

– Вториот критериум се однесува за студенти кои постигнале особено висок успех во студирањето на техничките факултети и медицински науки кои постигнале просечен успех од најмалку 8.00 и студенти на факултетите од општествените науки и на факултетите од уметностите кои постигнале просек 9.00. Согласно со овие критериуми стипендии добија четири студенти кои студираат на Економски, Филозофски и Медицински факултет и еден студент на ФИНКИ, посочија од општината.

Имињата на студентите кои ќе добиваат стипендија од општината се објавени на општинската веб-страна, а ќе понат да се доделуваат од месец јануари 2020 година. /МИА

Јавното обвинителство отвори предмет за објавените аудио снимки на социјалните мрежи

Јавното обвинителство отвори предмет за објавените аудио снимки на социјалните мрежи, потврдува за Канал 5 државниот обвинител Љубомир Јовески.

Ќе се испитува кој ги објавил снимките, идентитетот на лицата што разговараат и содржината на разговорите. Јовески вели дека преку доказите ќе се утврди дали лицата ќе бидат повикани за исказ во обвинителството и дали има елементи на кривично дело. Инаку се работи за седум кратки снимки во кои се слуша глас кој наликува на гласот на познат бизнисмен, сведокот во случајот „Рекет“. На аудио материјалните се слуша како тој бара контакт со братот на премиерот, Вице Заев и вели дека ако не се заврши работата, “ќе крварат сите”.

Британскиот премиер стриже овци, вози формула, продава колачи, игра фудбал...

Британскиот премиер Борис Џонсон изјавил дека ќе се бори за секој глас до парламентарните избори во четврток.

Неговата Конзервативна партија, според последните анкети, води пред лабористите, а за тоа така да остане се потруди и самиот Џонсон, кој правеше различни работи за да им се допадне на граѓаните.

Џонсон последните денови ги посети, рибарите, слаткарите, трговците, играше фудбал, возеше формула, стрижеше овци.

притисни ентер