БМВ: Нема разлика помеѓу задниот и предниот погон

Откако компанијата БМВ одлучи дека во серијата 1 нема повеќе да има возила со погон на задните тркала, се чини дека многу луѓе се разочараа поради тоа.

Меѓутоа од БМВ тврдат дека е скоро невозможно да се осети разликата помеѓу предниот и задниот погон, како што било случај пред 15 години.

Дневен хороскоп за 14.јули 2020 година

Дневен хороскоп за вторник, 14. јули 2020 година. 

Рак 22.6-22.7.

Љубов

Ќе си дозволите мал луксуз за да го зголемите уживањето за себе и за саканата личност .Тоа ќе биде полн погодок.

Кариера

Повторно ќе ве фалат , а на вас ви е драго , но не се запирате. Малкумина се такви кои ќе се задржат само на старата слава.Работете понатаму.

Здравје и совет

Ќе бидете среќни.

Лав 23.7-22.8.

Љубов

Ќе се чувствувате пријатно во друштво на личноста што ја сакате и ќе си поминете убаво ако ги потиснете малите семејни проблеми.

Кариера

Колегите ве сакаат и тоа ви го покажуваат , а таквиот став и вас ве поттикнува да направите нешто за нив.

Здравје и совет

Побарајте весели содржини.

Девица 23.8.-23.9.

Љубов

Ќе издржите уште едно мало надмудрување со саканата личност, но со многу хумор и со добри намери.

Кариера

Забележувате дека вашите претпоставени се многу повлијателни , отколку што сте мислеле.Тоа ве охрабрува, но и во исто време ве ограничува.

Здравје и совет

Ќе бидете малку забавени.

Вага 24.9.-23.10

Љубов

Во приватните односи ќе се развие добра комуникација, но без некое подлабоко емоционално зближување.

Кариера

Се чини дека ги држите конците во свои раце, но делумно.Како што сакате контрола , веднаш ви е подобро.

Здравје и совет

Посетете стоматолог.

Шкорпија 24.10-22.11.

Љубов

Најсигурно ќе се чувствувате во кругот на семејството.Нема да ви се излегува , иако ќе ве повикуваат. Како и да е, љубовта е само во мислите.

Кариера

Деловната кореспонденција ќе ви одземе поголем дел од денот , а при тоа ќе бидете прибрани и љубезни.

Здравје и совет

Ограничете ги калориите.

Стрелец 23.11.-21.12.

Љубов

Вашиот позитивен став денеска ќе биде повеќе од доволен да ја надминете дистанцата во личните односи.

Кариера

Не сонувате за нешто неможно , но гледате дека се е можно. Тоа по малку ве збунува.

Здравје и совет

Зацврстете си го телото.

Јарец 22.12.-20.1.

Љубов

Не очекувајте ништо повеќе од сувопарно одржување на постојната состојба.За вас денеска едноставно не е ден за љубов.

Кариера

Вашите претпоставени ќе покажат дека ве поддржуват , па дури и ве сакаат , но вас тоа ни малку нема да ве импресионира.

Здравје и совет

Емотивни фрустрации.

Водолија 21.1.-19.2.

Љубов

Ништо особено нема да ве загрижува, но нема ниту да ве поттикнува за поголеми љубовни подвизи.Доста мирен ден.

Кариера

Би сакале да ,,средите” некои од соработниците , но ако тоа го направите , ќе ви вратат со иста мерка.

Здравје и совет

Смирите се.

Риби 20.2.- 20.3.

Љубов

Денеска е добар ден за изразување емоции. ќе ви оди од рака да покажете што навистина чувствувате , па тоа и направете го.

Кариера

Секоја ваша акција ќе биде поддржана , дури и таму каде можеби не сте се надевале.Искористете ја шансата.

Здравје и совет

Се чувствувате одлично.

Овен 21.3-20.4.

Љубов

Ќе заземете пријателски и опуштен став кон саканата личност.На тој начин ќе се браните од малите критики.

Кариера

Иако денеска нема да бидете највешти во преговорите,другата страна ќе биде склона да ве поддржи.

Здравје и совет

Нервоза и немир.

Бик 21.4- 20.5.

Љубов

Пред вас е пријател и исполнет ден во приватниот живот.Ќе може да ги остварите повеќето замисли.

Кариера

Денот е поволен за проширување на стручните знаења како и за соработка со деловни партнери од странство.

Здравје и совет

Радувајте се на личните успеси.

Близнаци 21.5.-21.6.

Љубов

Многумина денеска ќе излезат надвор со друштво или со саканата личност и убаво ќе си поминат.Самците лесно ќе воспоставуваат контакти.

Кариера

Ќе заклучите дека имате многу добра финансиска подлога , така што на неа може да градите понатаму.

Здравје и совет

Не се брзајте.

ОДИХР: Се следи изборниот процес, кампањата и медиумите

ОДИХР ден по изборите на 16 јули ќе илезе со прелиминарни наоди и заклучоци во врска со изборниот процес, а конечниот извештај ќе го објави околу осум недели по денот на изборите, со заклучоци и потенцијални препораки

Специјалната мисија за проценка на предвремените парламентарни избори во нашата земја на Канцеларијата за демократски институции и човекови права (ОДИХР) при ОБСЕ, ден по изборите на 16 јули ќе илезе со прелиминарни наоди и заклучоци во врска со изборниот процес, а конечниот извештај ќе го објави околу осум недели по денот на изборите, со заклучоци и потенцијални препораки, најави во интервју за МИА Лаима Андрикиене – шеф на Специјалната мисија на ОДИХР во земјава.

-Набљудувачките мисии на ОДИХР се посветени на принципот на немешање и затоа не издаваме проценка пред денот на изборите, но на 16 јули ќе издадеме изјава за прелиминарните наоди и заклучоци во врска со изборниот процес. Истиот ден ќе одржиме прес-конференција на која ќе ги презентираме овие наоди. Нашиот Конечен извештај ќе биде објавен околу осум недели по денот на изборите, со заклучоци и потенцијални препораки, исткнува Андрикиене.

Таа појаснува дека Мисијата внимателно и длабоко ги следи сите аспекти на изборниот процес. Основниот тим се состои од девет члена од девет земји-учеснички во ОБСЕ. За тековниот формат на Специјалната мисија за проценка на изборите, распоредена во Северна Македонија, имаат акредитирано 26 набљудувачи, во кои спаѓаат меѓународните експерти и националниот персонал за поддршка.

Нивните аналитичари опфаќаат теми кои вклучуваат: изборна администрација, регистрација на избирачите, политичка кампања и финансирање на кампањата, медиумско покривање на изборите, поплаки / жалби и механизми за решавање спорови и целокупната правна рамка за изборниот процес. Мисијата, посочува Андрикиене, вклучува и сеопфатен мониторинг на медиуми во текот на периодот на кампањата, што ќе придонесе за проценка на кампањата.

-Ние сме тука да ја процениме усогласеноста на изборниот процес со меѓународните обврски и стандарди, како и со националното законодавство. Ние сме многу заинтересирани да ги следиме мерките што се применуваат во различни фази на изборниот процес заради пандемијата на КОВИД-19, така што внимателно ги следиме и прилагодувањата на постапката на денот на гласање. Во исто време, би сакала да истакнам, дека ние самите живееме и работиме строго според дадените препораки, истакнува шефицата на Мисијата на ОДИХР.

Активностите за набљудување ќе бидат прилагодени во услови на пандемијата со КОВИД.

-Сите ние живееме и работиме во оваа земја во едно исто опкружување, на нашите активности за набљудување влијаат и пандемијата КОВИД и нашата мисија треба да се прилагоди на моменталната состојба. Нашата мисија треба да ги ограничи своите патувања на минимум со цел да го минимизираме нашиот епидемиолошки отпечаток во оваа земја, нашите патувања во текот на денот на изборите ќе бидат ограничени и затоа што ние им даваме приоритет на безбедноста на набљудувачите и на граѓаните на земјата домаќин, посочува Андрикиене.

Специјална мисија за проценка на изборите ја започна својата работа во Скопје на 22 јуни, т.е. пред официјалниот почеток на изборната кампања, а ќе биде распоредена до 23 јули. /МИА

ЕУ подготвува мерки против Турција и Кина

Министрите за надворешни работи на ЕУ се согласија да одговорат на координиран начин на контроверзниот закон за национална безбедност наметнат од Кина на Хонг Конг, но исто така разгледуваат и мерки против Турција.

Високиот претставник на ЕУ за надворешни работи и безбедносна политика Јосеп Борел, исто така, се закани со акција против Турција, која го раздвојува европскиот блок по низа прашања, од човековите права до оф-шор дупчењето гас кај Кипар и трансформацијата на скапоцениот споменик Аја Софија од музеј во џамија.

„Денес се договоривме да развиеме координиран европски одговор за да покажеме поддршка за автономијата и граѓанското општество на Хонг Конг“, рече европскиот министер за надворешни работи по првата физичка средба на министрите по неколку месеци.

„Ова ќе се состои од мерки на ниво на Европската унија, но и од оние што се во надлежност на земјите-членки“, рече тој за кинескиот закон за Хонг Конг, кој стапи во сила минатиот месец.

Можните нови мерки може да вклучуваат поголема контрола на извозот на „специфични и чувствителни“ технологии до Хонг Конг, откри Борел, како и можност за визи за граѓаните во Хонг Конг и стипендии за студентите од автономниот регион.

Германскиот министер за надворешни работи Хајко Маас истакна дека одлуката на Кина за новиот закон „треба да има влијание“ врз европскиот извоз на оружје.

Тој истакна дека германско-францускиот предлог за нови мерки вклучувал и поедноставен визен режим за уметници, научници, истражувачи и новинари од Хонг Конг, кои се изложени на ризик заради нивната работа.

Актот за национална безбедност е донесен кон крајот на јуни и е насочен против сепаратизмот, субверзијата, тероризмот и дослух со странски сили на територијата на Хонг Конг.

Властите во автономниот регион сега можат да ги следат и прислушуваат луѓето за кои постои сомневање дека ја загрозуваат националната безбедност, а законот предвидува доживотен затвор за субверзивни активности.

Друго големо прашање на агендата е односот меѓу Европската унија и Турција.

Во врска со дупчењето за експлоатација на гас од страна на Турција во водите во близина на Кипар, Борел рече дека Унијата може да преземе нови активности доколку операцијата продолжи.

„Ние ќе подготвиме опции за воведување соодветни мерки како одговор на предизвиците од Турција“, рече тој.

Турција осуди четворица активисти од невладини организации за човекови права Амнести Интернешнл на неколку години затвор, сметајќи ги за виновни за тероризам, како што предупреди министерот за надворешни работи на Луксембург, Жан Аселборн, на состанокот.

По состанокот, Борел рече дека ЕУ исто така ќе одговори на новите прекршувања на ембаргото за вооружување на Либија.

„Имаме намера да ги зајакнеме санкциите против режимот со цел да придонесеме за подобро спроведување на резолуциите на Советот за безбедност на ООН“, рече тој.

притисни ентер