Македонија

Заев: Мицкоски да дојде на лидерската, немам намера да исполнувам желби за предвремени избори

 Јас сум подготвен за се да разговарам вклучувајќи го она што Мицкоски сака да го нотира. Правам уште еднаш обид, ред е да се појавиме таму.

Премиерот Зоран Заев денеска на прес-конференција во Владата повторно го повика лидерот на ВМРО-ДПМНЕ Христијан Мицкоски да дојде на лидерската средба в петок, истакнувајќи дека таа ќе се одржи без разлика на неговото учество и оти е негова одговорност дали ќе се појави на средбата.

– Јас сум подготвен за се да разговарам вклучувајќи го она што Мицкоски сака да го нотира. Правам уште еднаш обид, ред е да се појавиме таму. Не мора да се договориме за сите прашања но треба да разговараме. Тоа е наша обврска, рече Заев.

Според него, не можеме да бидеме нормална земја ако лидерите не седнат да разговараат за пописот, бидејќи тој не може да се одложи за уште десет години.

– Треба да седнеме и да ги заокружиме сите евентуални резерви што некои ги има за да го гарантираме успешниот процес на попис. Пописот и треба на државата како леб. И треба за економските параметри, за следна фаза на децентрализација, за рамномерната распределба по регионите, за секаков вид здравствени и образовни политики, не случајно на десет години цел свет прави попис. И не знам кој е аргументот да избегнете вакво прашање, рече Заев.

Според премиерот, Мицкоски бара да се разговара за предвремени избори, но, како што рече, прво треба да се договорат за Изборниот законик, за чие носење препораки даде и ОДИХР.

Премиерот оцени дека е неодложно носењето на законот за Јавно обвинителство.

– Јавното обвинителство не е само моја обврска. Сите ние кои се залагаме за правна држава не можеме да оставиме да не се донесе законот за Јавно обвинителство, рече Заев. Мицкоски вели дека ќе го направи пепел законот за ЈО. Зошто да го направи, затоа што води истраги за висока корупција на познати носители на функции во ВМРО-ДПМНЕ? За кој сака нека се однесува, законот мора еднакво да важи за сите, рече Заев, додавајќи оти тоа не треба да се одложува.

Повтори дека лидерската средба ќе се одржи в петок, сите теми се потенцијал за разговор, но оти нема намера да исполнува желба за предвемени избори.

– Немам намера да исполнувам желби за предвремени избори, иако знам дека ќе победам, дека власта ќе победи. Но немам намера само заради тоа за да не наштетам на економските перспективи на граѓаните, додаде Заев.

Рече дека очекува Мицкоски да се појави на лидерската средба, истакнувајќи дека тој, како еден од политичките партиципиенти, ќе продолжи да ги турка процесите што ќе ја внесат државата во НАТО и ЕУ, како и зголемувањето на економските параметри, бидејќи, како што рече, тоа е очекувањето на граѓаните.

Македонија

Ковачки: Со Платформата 1198 ќе го развиваме истокот на Македонија

Изградба на Клиничката болница и обиколница во Штип како и поврзување со Струмица.

Полека се враќа ентузијазмот кај нашите граѓани, сите се приклучуваат на идејата за Твоја Македонија и сите ни се приклучуваат на ВМРО-ДПМНЕ.

Со Платформата 1198 планираме да го развиваме истокот на Република Македонија, планираме изградба на Клиничката болница во Штип, планираме обиколница околу нашиот Штип и секако планираме физибилити студија, изработка на проект за поврзување на Штип со Струмица.

Како што работи успешно нашиот градоначалник во Штип, така планираме да работиме и ние на централно ниво.

Ги повикувам сите граѓани масовно да ни се приклучат на 24 април да го дадат својот глас за број 2 за Гордана Силјановска Давкова да биде претседател на Македонија, а потоа на 8 мај за Христијан Мицкоски и во Изборна единица 3 да освоиме една голема победа за ВМРО-ДПМНЕ и за Република Македонија.

Драган Ковачки, член на ИК на ВМРО-ДПМНЕ и носител на Изборна единица 3

Култура

Во Кавадарци изложба на дела од ликовниот уметник Решат Амети

,,Во потрага по светлината", е насловена изложбата на дела, од ликовниот уметник Решат Амети, што синоќа беше отворена во Домот на културата ,,Иван Мазов - Климе" во Кавадарци. 

Директорката на Домот, Јулијана Туриманџова информираше дека тој работи како професор по сликарство, на Факултетот за ликовна уметност при Државниот универзитет во Тетово.

- Решат Амети е меѓународно признат уметник, носител на наградата за животно дело за уметност и култура, како и многу други награди и признанија од меѓународен и домашен карактер. Неговите уметнички дела се во сопственост на многу музеи, културни институции и приватни колекции на светски познати личности како добитници на Нобелова награда, светски познати писатели, претседатели на држави и слично, соопшти Туриманџова.

Имал над 70 самостојни изложби, организирани претежно во странство, а учествувал и во над 300 групни изложби, локални и меѓународни.

Ликовниот уметник Владимир Темков, за Амети рече дека е човек што ја промовира македонската уметност ширум светот.

Климе Коробар, историчар на уметност и ликовен критичар, подвлече, дека, за сликарството на Амети, можеме слободно да кажеме дека тоа не е одраз на надворешната реалност, туку преставува внатрешна слика на душата.

- Неговите имагинарни предели на душата тежнеат кон убавина, која гледачот треба да ја впие во себе, за да може да го почуствува величествениот момент на светлината. Затоа што, само преку нејзе, можеме да го осознаеме светот што не опкружува, но и духовниот свет кој ги осветлува нашите души, на што целосно му е посветено сликарстрвото на Решат Амети, додаде Коробар.

Македонија

Таравари од Берлин: Дијаспората знае да се сензибилизира за промени

Стотици сограѓани синоќа го пречекаа кандидатот за претседател Арбен Таравар во знак на поддршка за промената што ја вети коалицијата ВЛЕН.

А токму гледајќи ја волјата за промени, Таравари од овој централен собир со дијаспората истакна дека ниту еден политички процес не е направен без дијаспората бидејќи тие знаат да се сензибилизираат за да ја направат промената. Затоа, според него, нема дилема дека тоа ќе се докаже на 24 април и 8 мај.

„Немаше важен процес во Македонија што се одвиваше без дијаспората, почнувајќи од првото политичко движење. Тетовскиот Универзитет беше невозможен проект без поддршка од дијаспората, исто така до формирањето на партијата која сега е на власт, како што сте сега посветени од дијаспората да ја смените истата партија. Двапати се натпреварував во Гостивар и дојдоа значителен број на луѓе од диаспората. Тие го сензибилизираат населението и покажуваат колку е важно да се гласа за да се направи промена. Ние се приклучивме и го направивме нашето, вие продолжите да ја работите својата работа, да гласате за политичката ротација што треба да се случи во Северна Македонија. На овој начин овозможуваме дел да се врати да живее Северна Македонија. Можете да комуницирате со луѓето, да побарате да не поддржат на 24 април, бидејќи 24 април ќе биде клучот за големата парламентарна победа на 8 мај“ – истакна Арбен Таравари на централниот митинг со дијаспората во Берлин.

притисни ентер