Ахмети и Села ќе одат на лидерската средба, се чека потврда од Мицкоски

Премиерот Зоран Заев ја официјализираше поканата за лидерска средба, која како што предложи би се одржала во петок во Клубот на пратениците. 

Засега присуство е најавено од ДУИ и Алијансата за Албанците, додека ВМРО-ДПМНЕ остана на ставот дека доколку се одржува лидерска средба прва тема треба да бидат предвремени парламентарни избори, а потоа може да се зборува и за други теми, како пописот, изборен законик или закон за СЈО. Конечната одлука дали ќе одат на лидерската ќе ја донесе партиското раководство.

Сепак, Заев верува дека лидерот на ВМРО-ДПМНЕ Христијан Мицкоски ќе присуствува на лидерската средба за која како теми ги предложи нов Изборен законик, закон за јавно обвинителство во кој би се регулирал и консензус за пописот. Во моментите кога премиерот Заев ја објави поканата за петочната лидерска средба во јавноста беше соопштено дека неотповиклива оставка поднела специјалната јавна обвинителка Катица Јанева. Оставката би била активирана само доколку биде донесен законот за јавно обвинителство. Специјалната јавна обвинителка, според информациите во јавноста, беше едно од несогласувањата на владејачките партии и опозицијата во разговорите за статусот на јавното обвинителство.

Премиерот Заев на прес-конференцијата кажа дека освен за темите кои ги најави на средбата може да се разговара и за други прашања кои би ги иницирале учесниците во разговорите, но вели, иако влаедајчката партија е подготвена за избори, предност во моментот треба да има евроинтеграцијата и развојот на државата и економијата.

На средбата, како што рече, очекува лидерите да се фокусираат на создавање услови за последниот исчекор за старт на преговорите и од неа да произлезат предлози за Акциски план и работни групи во кои би учествувале претставници од сите парламентарни групи со кои ќе има разговори.

Затворањето на овие теми, според него, ќе значи заокружување реформите во делот на европските интеграции со кои ќе се претставиме наесен како земја која ги затворила сите прашања за добивање на ветениот датум за старт на преговорите.– Никому да не му дадеме аргумент да биде против, да биде резервиран или слично, рече премиерот.

Заев останува на ставот дека треба да се оди на редовни избори, освен ако нема некои сериозни аргументи. Смета дека редовните избори би можеле да бидат поместени во окотмври 2020 година за тие да не се одржуваат во зима. Ваков став минатата недела изнесе и Артан Груби од ДУИ, кој дури кажа и дека можни термини за избори би биле и крајот на мај или јуни.

– И ние сме подготвени за предвремени избори напролет, наесен или кога било, но пред се е одговороноста кон државата, секогаш сме стоеле на ставот дека да треба да и дадеме шанса на економијата по сериозни политички одлуки. Останувам на ставот дека треба да одиме на редовни избори. Брзи избори, предвремени избори видовме до каде ја донесоа државата заради политички калкулации. Ако одиме на избори оваа есен, ќе остане истата Влада од прилика со истите партиципиенти. Што ќе направиме овој драгоцен неповторлив период за македонската економија ќе го унаказиме, ќе го уништиме, рече Заев.

ВМРО-ДПМНЕ го повтори ставот дека доколку се одржува лидерска средба прва тема треба да бидат предвремени парламентарни избори. Потоа, како што изјав на прес-конференција портпаролот на партијата Димче Арсовски, може да се зборува и за други теми, како пописот, изборен законик или закон за СЈО, кои ги најави Заев.

-Во однос на лидерската средба веќе и претседателот Мицкоски се изјасни. Ние сме децидни дека на таа лидерска средба како прво и единствено прашање мора да се разговара како прва точка за предвремени парламентарни избори. Во однос на денот и времето и локацијата, дополнително ќе биде анализирано во органите на партијата и ќе биде одлучено согласно агендите на претседателот и временските можности, рече Арсовски одговарајќи на новинарско прашање.

Арсовски додаде и оти кај премиерот Зоран Заев и во неговото денешно обраќање можело да се види оти нема расположение за избори и дека тој едноставно бега од избори со самото тоа што кажал дека може да се разговара за Изборниот модел, меѓутоа да не бидат притисок предвремените парламентарни избори.

Поканата на премиерот вчера ја прифати претседателот на Алијансата за Албанците Зијадин Села.Од Кабинетот на Села наведуваат дека ќе учествуваат на средбата и оти ќе презентираат свои предлози и идеи за прашањата за кои ќе се дискутира.

-Добро е што премиерот почнал да ја чувствува вистинската сила на Алијансата за Албанците. Отсекогаш сме мислеле дека вакви лидерски средби треба почесто да се свикуваат кога станува збор за чувствителни државни прашања. Ќе ја прифатиме поканата и сигурно ќе учествуваме во неа со наши предлози и идеи за прашањата за кои ќе се дискутира, стои во информацијата испратена од Кабинетот на Села. /МИА

Милошоски: Владата од ВМРО-ДПМНЕ ќе додели поголем број на средства за Радовиш

Би сакал да изразам благодарност за поканата од страна на градоначалникот и соработниците на Општина Радовиш.  

Од она што може да се забележи општина Радовиш во моментов има два крупни проблеми, првиот е еден мал скромен буџет, а вториот проблем е што самата централна власт на општината и прави опструкции со политички намери.

Со промената на власта овие два проблеми за Радовиш ќе бидат надминати, затоа што новата влада на ВМРО-ДПМНЕ планира да додели за секоја општина поголем број на средства секоја година и за тие средства да бидат искористени за корист на општината и граѓаните.

Реконструкцијата на стоковната куќа и нејзината пренамена во објект кој ќе го користат граѓаните и ќе биде од јавен интерес е еден од првите проекти на кој сакаме да дадеме поддршка на општина Радовиш.

Исто така би сакале да дадеме поддршка за сите оние околни населени места во општина Радовиш за да може инфраструктурата во тие места да биде поддржана и со средства од централната власт.

За да може тоа да се случи ние би сакале да има што поголема излезеност. За да се случат промените нас ни треба тоа да го направиме заеднички со сите граѓани без разлика на нивната политичка, национална или социјална припадност и мислам дека во овој случај победникот се насетува кој ќе биде. Нам ни треба разликата да биде поголема по број на пратеници за да можеме како влада да не зависиме и да не бидеме уценувани од други политички субјекти и да ја постигнеме нашата политичка цел, формирање на влада во која нема да учествува ДУИ.

Сметаме дека оваа партија досега не направи добри работи, напротив, стана еден фактор на висока корупција и криминал и ВМРО-ДПМНЕ има намера во новата влада да не вклучува вакви субјекти за да можеме реформите и на државата и помошта на општините да ги спроведуваме на поефикасен начин, рече Антонијо Милошоски, кандидат за пратеник во изборна единица 4.

Столтенберг му вети на Киев дополнителни системи за противвоздушна одбрана

Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.

„Покрај „Патриот“, има и други оружја што сојузниците можат да го обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.

Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, кои со месеци беа блокирани од републиканците во Конгресот, додека ЕУ не успева да испорача муниција навреме.

Тој денеска им рече на членките на НАТО дека на Украина ѝ се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.

Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.

„(Рускиот претседател Владимир) Путин мора да биде симнат на земја, а нашето небо мора повторно да стане безбедно... И тоа целосно зависи од вашиот избор... од изборот дали сме навистина сојузници“, рече Зеленски во неговиот говор.

Столтенберг не навлезе во детали за тоа колку нови системи за противвоздушна одбрана ќе добие Украина, но рече дека очекува нови најави во наредните денови.

„Помошта е на пат. И очекувам да се објави поголема помош и поддршка во многу блиска иднина“, им рече тој на новинарите.

Минатата недела Германија се обврза да испорача трет систем Патриот од своите воени резерви во Киев.

Соединетите Американски Држави имаат најголем број на Patriot системи во својот инвентар. Во Европа, земји како Шпанија и Грција поседуваат системи за воздушна одбрана Патриот.

Новата Mazda CX-80 има седум седишта и луксузна опрема од дрво (ВИДЕО)

Скоро пет метри долгиот теренец е првиот јапонски автомобил со седум седишта во Европа по речиси една деценија.

Мора да се натпреварува со тешките конкуренти како што се Skoda Kodiaq, Kia Sorento и уште поскапите опции како Volvo XC90.

Ако CX-80 изгледа познато, тоа е затоа што тоа е големиот брат на Mazda CX-60 со пет седишта, кој пристигна во 2022 година. Двата теренци се дизајнирани околу истата филозофија, се базираат на иста платформа и се нудат со иста избор на погонски склопови: plug-in хибриден и линиски дизел со шест цилиндри.

CX-80 се заснова на скалабилната архитектура на Mazda Skyactiv Multi-Solution, која марката ја користи за различни модели, вклучувајќи ја и компактната Mazda 3. Сепак, CX-80 и неговиот брат CX-60 се единствените кои имаат надолжна мотори, кои се во секој CX-80 спарени со осумстепен автоматски менувач и постојан систем за погон на сите тркала.

Дизел 3,3-литарскиот линиски шестцилиндричен мотор е опремен со 48-волти благ хибриден систем, или M-Hybrid Boost како што го нарекува Mazda. Мал електричен мотор од 17 КС му помага на моторот при движење од место и при ниски вртежи да ја зголеми ефикасноста. Со 251 КС и вртежен момент од 550 Nm, забрзувањето од 0 до 100 km/h трае 8,4 секунди.

Мазда CX-80 plug-in хибрид ја заменува линиската шестка со 2,5-литарски бензински мотор со четири цилиндри, но работи заедно со многу помоќен електричен мотор од 173 КС, напојуван од литиум-јонска батерија од 17,8 kWh.

Вкупната излезна моќност за CX-80 PHEV е 323 КС и има вртежен момент од 500 Nm, при што е-моторот обезбедува голем дел од тој вртежен момент и може да го направи тоа веднаш. Ова му овозможува на теренецот тежок два тона да забрза од 0 до 100 km/h за 6,8 секунди.

Покрај вообичаените режими на возење Normal и Sport, CX-80 доаѓа со режим за влечење и режим Off-Road кој ги оптимизира AWD системот и контролата на тракцијата за подобри перформанси на груб терен.

CX-80 користи предна суспензија со двојна оска и поставка со повеќе врски на задната страна за која Mazda вели дека е наместена за стабилност и удобност. Тој, исто така, ја добива технологијата за контрола на кинематското држење на телото (KPC) од спортскиот автомобил Mazda MX-5, што треба да го направи секое движење на телото за време на свиоци помазно.

За да го направи својот најнов дизел мотор што е можно почист и поефикасен, Mazda разви паметна нова технологија наречена DCPCI (Дистрибуција-контролирано делумно премешано палење со компресија), која користи уникатна комора за согорување во облик на јајце за да постигне почисто согорување на горивото. Додаде и 48-волтен благ хибриден систем и како резултат на тоа, марката вели дека дизелот CX-80 може да троши до 5,8 литри на 100 километри.

Во меѓувреме, CX-80 PHEV може официјално да има потрошувачка од помалку од два литри на 100 километри и има чист електричен опсег од 60 километри со едно полнење на неговата батерија од 17,8 kWh. Целосното полнење на батеријата користејќи типична домашна ѕидна кутија од 7 kW треба да трае околу два и пол часа. Сепак, CX-80 PHEV ја нема способноста за DC брзо полнење што ја има новата Škoda Kodiaq.

Барем има EV-режим за возење со исклучен мотор што е можно подолго, плус режим на полнење што обезбедува автомобилот да одржува одредена количина на полнење на батеријата за употреба подоцна во патувањето.

Однапред, CX-60 и CX-80 изгледаат речиси идентично, но новиот предводник со седум седишта е 250 mm подолг од неговиот брат, со меѓуоскино растојание продолжено за ист број. Страничните прозорци се испружени за да им обезбедат светлина на патниците од третиот ред, дозволувајќи им на прозорските рамки да се редизајнираат за повеќе „рачно изработен“ изглед.

Mazda сакаше внатрешноста на CX-80 да биде релаксирачка и привлечна. Врвниот модел Такуми се одликува со облоги од оригинално дрво од јавор, тапацир од кожа Nappa и контролна табла од ткаенина. Зад јапонските „висечки шевови“ на контролната табла се наоѓа амбиенталното осветлување, додека високата и широка централна конзола е дизајнирана да направи возачкото седиште да изгледа соодветно препотентно.

Секој CX-80 е опремен со 12,3-инчен дигитален инструмент табла и 12,3-инчен централен дисплеј. Забележете дека не рековме екран осетлив на допир, бидејќи Mazda претпочита да има ротирачко тркало на централната конзола за да се движи во менијата за инфозабава. Виртуелниот асистент на Amazon, Alexa, сепак доаѓа вграден и може да ја контролира музиката, навигацијата и климатизацијата на автомобилот, како и апликациите од трети страни како Spotify. Безжичните Apple CarPlay и Android Auto се исто така стандардни.

CX-80 стандардно доаѓа со седум седишта, но ќе бидат достапни и конфигурации со шест седишта. Клупата во вториот ред ја заменуваат со две капитенски столчиња, со можност за отворен премин меѓу нив или конзола со дополнително складирање и држачи за чаши.

Има многу простор во вториот ред, плус посебен сет на контроли за климатизација за патниците и неколку USB-C порти за полнење на нивните уреди. Огромните задни врати создаваат големи отвори кои овозможуваат лесен пристап до третиот ред на седишта.

За разлика од некои теренци со седум седишта, на задните седишта има повеќе од доволно простор за главата и нозете за удобно да седат дури и возрасни високи над 180 см.

258 литри багажен простор се достапни со сите седишта на CX-80 поставени на место. Ова се зголемува на 687 литри кога задните седишта се склопуваат рамно - процес кој брзо и лесно се изведува со влечење на ремените на грбот на двете седишта. Со спуштени сите седишта, освен за возачот и совозачот, CX-80 може да носи до 1.221 литри товар или 1.971 литри ако го натоварите до покривот.

Mazda воведува некои нови безбедносни карактеристики со CX-80, како што е ублажување на фронтален судир како дел од надградените системи за паметна поддршка на сопирачките и крстосување и поддршка на сообраќајот, кои можат да започнат доколку возачот не реагира.

Другиот безбедносен комплет вграден стандардно вклучува следење на мртвата точка, контрола на патувањето, помош за задржување лента, препознавање сообраќајни знаци и предупредување за возачот. Камерата од 360 степени е достапна на CX-80 и има приказ на приколка и преглед за да помогне при маневрирање на тесни паркиралишта и градски улици.

Цената за Mazda сè уште не е позната, но со две опции за мотори и различни конфигурации на седиштата, купувачите ќе можат да избираат од пет нивоа на опременост: Exclusive-line, Homura, Takumi, Homura Plus и Takumi Plus.

Стандардната опрема на секој CX-80 ќе вклучува двојни екрани од 12,3 инчи, безжично поврзување со паметен телефон, прилагодливо возачко седиште во осум насоки, загреани предни седишта, тризонска контрола на климата, хед-ап дисплеј, конфигурација со седум седишта и пакет системи за помош на возачот.

притисни ентер