Адеми: Верувам дека до февруари голем дел од дивоградбите во Охрид ќе бидат расчистени

 На прстите од двете раце може да се избројат дивоградбите од типот на куќи, угостителски објекти или хотели во заштитениот појас во Охрид. 

Најголем дел од 409 градби не се сите цврста градба, во смисла куќи, хотели, туку дел се гаражи, огради, дел се дополнителни скали, вели министерот без ресор Едмонд Адеми во интервју на Радио Слободна Европа.

Прашан колку дивоградби ќе бидат отстранети во дадениот рок од УНЕСКО, Адеми вели дека тоа не е задача на Владата, туки задача на општината и зависи од нејзините капацитети и можности.

– Се надевам и верувам дека до февруари голем дел, ако не се, барем голем дел од нив да бидат расчистени. Kако што изјави и премиерот, доколку општината нема капацитети и можности тоа да го реши, доколку се обрати до Владата, таа ќе излезе во пресрет, изјави Адеми.

За тврдењата од невладините организации дека во Баку не бил презентиран ист закон со тој што е доставен во Собранието, Адеми категорично вели не, и посочува дека тоа е процес.

– Во јануари е пратена верзија на законот. Знаете, легислативата и законот е процес. Во април е пратена втората верзија во Баку, онаа што е усвоена на седница на Влада. Ако ги читате заклучоците од Баку, УНЕСКО ја поздравува одлуката на Владата за усвојување на Законот што е сега во Парламент. Значи не е точно дека во УНЕСКО е пратена друга верзија, а во Парламент друга, истакна Адеми.

Според Адеми, кој ја предводеше македонската делегација во Баку на 43. сесија на комитетот за светско и културно наследство, препораките и забелешките од УНЕСКО за Охрид не се од вчера, туку од 2009, 2010 и 2013 година.

– Голем дел од вината зошто Охрид и Охридскиот регион се најде во ваква состојба е благодарение на претходната влада. Голем дел од тие дивоградби со законот за легализација кога е донесен 2009 се во времето тогаш. Сега ситуацијата е таква какава што е, проблемот е во наши раце и оваа влада ќе испорача резтати, изјави Адеми.

Дел од препораките, посочува Адеми, се веќе исполнети и очекува и останатите обврски да бидат исполенти бидејќи владата има јасна агенда и рокови за институциите.

– Во декември да го усвоиме планот за менаџмент. Во меѓувреме Законот кој е во Собрание предвидува мораториум од шест месеци, за после тоа со планот да се зонира целосно охридскиот регион. Ќе има прва, втора и трета зона и ќе се знае точно дека во прва зона не може да се гради. Тоа е концептот да се зонира градот за да се знае точно каде може и каде не смее да се гради, а таму каде смее до каде може да се оди. Сето тоа со менаџмент планот до декември ќе може да се менаџира охридскиот регион како целина, изјави Адеми.

Прашан зошто не побарале помош од УНЕСКО, Адеми вели дека во Баку во рамки на разговорите кои ги имал со експертските организации ИКОМОС и УСЦН била договорена експертска поддршка.

– Ги слушам тезите дека ќе сме добиеле и пари за колекторот. Еден колектор чини меѓу 20 и 30 милиони евра. Изградбата на нов колектор во Охрид, тие пари УНЕСКО ги нема да ви ги даде. Затоа владата, знаете со нова одлука, формира ново претпријатие, кое колекторскиот систем го презема под своја капа, што до вчера беше под капата на општините, и во рамки на Буџетот оваа година планираме околу 4,5 милиони евра да вбризгаме во репарација и реновирање на пумпите, нови пумпи за колекторот, а од догодина целосно, заедно со Европската банка за развој, со Европската унија и со други институции, да можеме да ја финансираме целосно изградбата на новиот колекторски систем, вели Адеми.

Во однос на реакциите од невладините организации дека во Баку не била презентирана вистинската состојба со дивоградбите, Адеми посочува дека од мај 2019 Охрид има нов градоначалник и тој во рок од еден месец, согласно документацијата што ја има во општината изработил регистер на дивоградби.

– Тој тоа го презентираше многу отворено, со бројки, колку се во вкупниот број, колку се во заштитениот појас, таму се 409. Кажа дека голем дел од тие 409 градби не се сите цврста градба, во смисла куќи, хотели, туку дел се гаражи, огради, дел се дополнителни скали. Како што кажа, ако може да го цитирам, на прстите од двете раце може да се избројат градби од типот на куќи и на угостителски објекти или хотели коишто се изградени во тој појас. Јас целосно му верувам на градоначалникот дека тие бројки што ги презентираше, бидејќи тој регистар не го правеше владата, не го правев јас, туку го правеше општината и градоначалникот, дека таа е таа бројка, вели Адеми./МИА

Полицајци добиле повик на гробишта- таму затекнале жена, која ги „замрзнала“ (ВИДЕО)

Гратчето Лулес, во аргентинската провинција Тукуман, го „потресе“ необичен настан кој е снимен пред неколку дена.

Полициската патрола добила дојава дека „непознато лице ноќе се шета во близина на гробиштата“, па решиле да проверат за што се работи. Видеото од интервенцијата се појави на мрежите и започна дебата за постоењето на паранормалниот свет.

Кога пристигнале на гробиштата, полицајците затекнале непозната жена со долга црна коса како бесцелно одела, облечена во „излитена“ облека.

„Таа не сакаше да комуницира со нашите полицајци. Испушташе чудни звуци и во еден момент клекна пред нив“, соопштија властите.

Жената продолжила да си зборува, а потоа почнала да вреска. Таа потоа тргнала во правец на локалниот каменолом, пишува Мендоза пост.

Медиумите објавија дека полицијата на крајот успеала да воспостави комуникација со жената која наводно рекла дека „го бара синот“.

Локалните власти остануваат цврсто затворени за информаци додека не заврши истрагата. Во исто време, локалните гробишта во Лулес се најдоа во центарот на вниманието на корисниците на социјалните мрежи.

Како што можете да замислите мислењата се поделени.

Додека некои веруваат дека се работи за дух, или некаков вид привидение, други се прашуваат од кога духовите имаат сенка и заклучуваат дека на жената ѝ е потребна медицинска или психијатриска помош.

Тамара починала додека 12 часа чекала доктор да ја прегледа во Итната помош во Британија

Тамара Дејвис (31) починала откако 12 часа била оставена во инвалидска количка во болницата во Сасекс во Велика Британија каде таа и нејзиното семејство биле сведоци на сцени „налик на војна“.

Семејството жената која починала откако поминала 12 часа на болничка количка рече дека одделението изгледало како „сцена од воена зона“. Тврдат дека 30 пациенти со видливи повреди лежеле на носилки и во ходниците.

„Таму беше апсолутен масакр. Беше како медицинска воена зона. Имаше 30 луѓе на колички кои чекаа соодветен третман и повеќе луѓе на подот и седиштата. Беше тотален хаос“, рече мајката на Тамара.

Вечерта на 10 декември 2022 година, Тамара Дејвис била однесена со автомобил во болницата во округот Сасекс откако се пожалила на тешкотии со дишењето.

На рочиштето на истражниот суд во Брајтон Сити беше кажано дека нејзиниот партнер, Рафаел Ифил, направил пет очајнички повици на 999 за да се обиде да добие брза помош. Кога тие не одговориле, тој го натерал својот брат да ја вози Тамара до болницата во округот Сасекс.

"Раф не можеше да добие брза помош. Помина два часа обидувајќи се да добие. Пет пати се јави и не ги доби", додала мајката.

Веднаш била испратена во област каде ѝ дале кислород пред да ја однесат до ходникот каде што чекала повеќе од 10 часа. Нејзината уништена помлада сестра Мија (25), која веднаш дошла во болница за да биде со неа, рече дека персоналот едноставно заборавил на нејзината сестра.

„Требаше да се грижат за неа, но едноставно заборавија на неа и таа остана свиткана во количка во ходникот. Се чувствувавме беспомошни. Беше лудо. Тие ѝ дадоа антибиотици, но потоа не успеаја да ѝ дадат уште една доза, иако тоа го напишаа во нејзините белешки. Подоцна беше пречкртано, но нема објаснување зошто и нема иницијали до пречкртаниот запис. Се чинеше дека имало моменти кога сестра ми ја третирале како товар. Ниту една медицинска сестра, лекар или вратар не ја погледна“, рече Мија.

Состојбата на Тамара продолжила да се влошува и на крајот била примена на интензивна нега каде што била ставена на респиратор, но починала три дена подоцна на 13 декември поради сепса и нејзините органи постепено откажуваа.

Со скршено срце изјави дека Тамара „колабрирала“ во болница и починала по „одвратното“ лекување во болницата Сасекс. Велат дека нејзината смрт можела да биде спречена доколку добиела соодветна нега во Итната помош и дека не успеале да ја лекуваат во болница.

„Никогаш не сум почувствувала како ми се крши срцето како кога ми рекоа дека сестра ми нема да се опорави. Тоа беше како последователна мисла. Таа беше оставена, речиси заборавена. Третманот со сестра ми беше ужасен. Никој не дојде да провери. Никој не застана да праша дали имаме сè што ни е потребно или дали ѝ е удобно. Срцето ми се крши кога знам дека нејзината смрт можеше да се спречи ако ја добиеше грижата и вниманието што ѝ требаше.“

Смртта ќе биде предмет на целосна истрага откако Џоан Ендрјус, судски вештак за Западен Сасекс, Брајтон и Хов, рече дека има причина да се сомнева дека нејзината смрт е „неприродна“.

По краткото сослушување, семејството рече дека сака објаснување зошто лекарите „не“ и пружиле соодветна грижа.

"Сакам одговори. Апсолутно е одвратно што не успеаја да се грижат за неа како што треба. Поразително е да се знае дека ако ја завршеа својата работа, таа ќе беше тука", рекла мајката.

„Разговаравме директно со семејството на Тамара за да изразиме сочувство“, рече д-р Енди Хипс, главен оперативен директор во Универзитетските болници Сасекс NHS Foundation Trust.

„Не можам јавно да зборувам за грижата за Тамара, но генерално кажано, нема сомнеж дека нашиот персонал понекогаш мора да работи под голем притисок, во тешки околности, но тие секогаш ќе дадат сѐ од себе за да обезбедат грижа, сочувство и достоинство на своите пациенти. “ додаде докторот.

Истрагата ќе продолжи и прелиминарниот датум со последните информации е 28 јуни.

Леонардо ДиКаприо со девојка, која носи прстен на левата рака- ќе се смири ли вечниот ерген?

Познато е дека Леонардо ди Каприо ја прекинува врската штом неговата партнерка наполни 25 години, но се чини дека 25-годишната Италијанка Виторија Черети успеа да му го улови срцето.

Познато е дека Леонардо ди Каприо ја прекинува врската штом неговата партнерка наполни 25 години, но се чини дека 25-годишната Италијанка Виторија Черети успеа да му го улови срцето, а поради новите фотографии фановите се убедени дека холивудскиот ерген би можел наскоро застанете пред олтар.

Актерот и манекенката беа фотографирани на средба во Беверли Хилс, каде што се почестија со бурито во киоск за брза храна на улица.

Вниманието го украде новиот прстен на левата рака, по што веднаш почнаа да кружат гласини за свршувачката на парот кои се заедно девет месеци.

Инаку, Виторија е успешна манекенка. Таа носеше ревии за брендовите Chloé, Paco Rabanne, Alexander McQueen, Ralph Lauren, Alexander Wang, Versace, Roberto Cavalli, Dolce & Gabbana, Armani, Prada, Marc Jacobs, Michael Kors, Bottega Veneta, Tom Ford, Tommy Hilfiger...

Во 2020 година, таа се омажила за Матео Милери, италијански диџеј. Не е познато дека парот се развел, а манекенката се уште има заеднички фотографии со сопругот на Инстаграм, па многумина се прашуваат дали Ди Каприо е причината поради која нивниот брак завршил.

притисни ентер