Од први август контролата на граничниот премин заедничка обврска на Македонија и на Србија

Заедничка контрола на сообраќајот на граниниот премин Табановце – Прешево. Договорот помеѓу македонската и владата на Србија го потпишаа министрите за внатрешни Оливер Спасовски и Небојша Стефановиќ денеска во Белград.

Според најавите на овој начин треба да се намалат бирократските процедури и да се забрза протокот на возила и на тој начин да се намали застојот на возила.

На средбата како што посочи Стефановиќ, било разговарано и околу заедничката борба против организираниот криминал потенцирајќи дека ќе продолжи соработката помеѓу двете министерства. Во врска со заедничката контрола на границите најави дека работни групи од двете земји ќе продолжат со разговори каде се проектот ќе може да се спроведе.

Овој премин ќе овозможи и поинаква регулација но и да имаме побрз проток на луѓе, патници и стока, се она што им овозможува на граѓаните на нашите две земји но и на сите кои транзитираат низ нашите две земји полесно, поефикасно и побрзо да пристигнат до своите дестинации но и ќе им овозможат на нашите економии побрзо да се развиваат.

Договорот ќе стапи на сила на 1 август, по нов режим, по спроведувањето на потребните процедури, потпишувањето на протоколите меѓу царините на двете држави и двете министерства за внатрешни работи.

Царовска и Адеми на работен состанок со донаторската заедница за секторот – образование, вработување и социјална политика

Министерот за образование и наука Арбер Адеми и министерката за труд и социјална политика Мила Царовска денеска присуствуваа на работниот состанок со меѓународните донатори за секторот образование, вработување и социјална политика.

Изразувајќи благодарност до присутните од Донаторската заедница и до Делегацијата на ЕУ, Адеми напомена дека координативниот состанок има важноста и значењето во исполнувањето на стратешките цели и определби на националните политики кон интеграција на земјата во Европската Унија.

– Важно е да го продолжиме и зајакнеме партиципативниот процес и координацијата на активностите во рамките на Стручното образование и обука како и спроведување и следење на секторските политики со фокус на остварување на резултати, а со цел обезбедување на долгорочен ефект и усогласени реформи во секторот, рече Адеми.

Министерството за образование и наука, истакна министерот, изминатиот период работеше на носењето добри и корисни политики преку спроведување на сеопфатна анализа од страна на ОЕЦД, за која веќе имаме и извештај но и јасен показател во која насока ќе се движат реформите.

– При тоа се донесоа и повеќе значајни закони како: Законот за високо образование, Законот за основно образование и Законот за наставниците и стручните соработници во основно и средно, а во фаза сме и на креирање на работна група која ќе започне со разработка на пакет законите во делот на средното и средното стручно образование, потенцираше Адеми пред присутните.

Царовска истакна дека изминатиот период Министерството за труд и социјална политика работело на повеќе процеси и реформи. Дел од нив се завршени, дел продолжуваат да се спроведуваат.

-Со социјалната реформа работиме на намалување на детска сиромаштија. Процесот на деинституционализација успешно се спроведува. Досега бројот на деца во институции е намален за 75 проценти, а до крајот на годината очекуваме да нема деца во домовите, рече Царовска.

Потсети дека се отворила и програмата со Светска банка за развој на социјални услуги на локално ниво.

-Успешно се спроведува реформата за стабилизација на пензискиот фонд. Работиме на квалификување на младите лица за што се предвидени активни мерки во Оперативниот план. Ова се само дел од процесите и реформите на МТСП, рече Царовска. 

Дескоска: Не е нарушена безбедноста на прислушуваните материјали во зградата на СЈО

Министерката за правда и член на ИО на СДСМ Рената Дескоска  вели дека не е нарушена безбедноста на прислушуваните материјали во зградата на Специјалното јавно обвинителство,.

Бидејќи републичкиот јавен обвинител ја презеде надлежноста и тој сега ја има формално грижата за тие материјали, во истиот сеф како што стоеле и досега .

-Јавното обвинителство кај нас е поставено хиерархиски. Согласно постојниот Закон за Јавното обвинителство, а тоа не беше сменето ниту во предлозите кои ги пуштивме во Собрание, републичкиот јавен обвинител има право да делегира предмети на конкретни јавни обвинители. Тоа не е нешто што тој прват го прави, тоа се случувало и во минатото додека бил републички обвинител Зврлевски и во други случаи. Тие ги водат предметите по доделување на републичкиот обвинител, изјави  Дескоска во емисијата „360 степени"  на Телевизија Алсат.

Според Дескоска, не е спорно од правен аспект тоа што обвинителите се сместени во истата зграда на СЈО.

-Колку што знам тоа е зграда која што е доделена на СЈО, во орган во рамките на ЈО. Тоа е зграда во којашто се сместени обвинителите, во која што се наоѓаат предметите формално, материјалите, така што од тој аспект не станува збор за правно прашање, дека е нешто спорно од правен аспект, туку од практичен аспект веројатно одлучил обвинителот на тој начин да продолжат работите и тоа е апсолутно ирелевантно, заклучи Дескоска.

Што се однесува до платите на вработените во СЈО, Дескоска вели дека се подготвени измени на Законот за јавнообвинителски службеници.

-Кога се формираше СЈО, се додаде нова глава во Законот за јавнообвинителските службеници, којшто го регулира статусот и правата на овие лица. Ставивме одредба дека покрај специјалниот јавен обвинител доколку не е избран, републичкиот обвинител одлучува за статусните права, за другите права на овие вработени, потенцираше Дескоска.

Во однос на вработувањата по роднински и блиски врски во СЈО, Дескоска истакна дека дел од таа информација е невистинита и веќе била демантирана.

-Беше споменат Игор Милев, дека негов син работи во СЈО – тој воопшто нема син. Ме спомнаа мене дека маж на некоја моја братучетка била вработена во СЈО, јас ви кажувам дека тој не е вработен во СЈО, туку е вработен во МВР уште кога јас сум била студентка, потенцираше Дескоска.

Таа дополни дека во дел од случаите, дека се вработени лица кои се деца на судии и обвинители, тоа не е уникатна ситуација во СЈО, но посочи дека треба да се бара начин да се спречи влезот. Таа, како што рече, би била задоволна доколку ДКСК по допрен глас или по пријава ги истражи овие случаи.

СДСМ: Просечната плата во јули повисока, економските политики даваат резултати

Успешните економски политики на Владата предводена од СДСМ  даваат реални резултати.

Просечната месечна исплатена нето-плата во јули 2019 година, изнесува 25.104 денари и според објавените податоци на Државниот завод за статистика бележи раст од 4,3 отсто во однос на јули ланската година.

Ваквото зголемување се должи, пред сѐ, на зголемувањето на просечната месечна исплатена нето-плата по вработен во повеќе сектори.

Владата предводена од СДСМ продолжува со мерките кои обезбедуваат повеќе пари кај граѓаните, повисоки плати и подобар животен стандард.

Приближувањето на Северна Македонија кон членство во НАТО и интеграцијата во ЕУ, придонесува за одржување на позитивен тренд на раст на платите, со крајна цел просечната плата да достигне 30.000 денари до крајот на мандатот.

Центар за комуникации со јавноста на СДСМ

притисни ентер