Државен инспекторат за земјоделство: Откупната цена на пченицата е од девет до 10,5 денари

Компаниите кои вршат откуп и преработка на пченица имаат објавено откупна цена за реколтата 2019 и таа се движи од девет до 10,5 денари за килограм во зависност од класите дали е прва, втора или трета класа.

Соопшти денеска Државниот инспекторат за земјоделство по спроведените контроли во шест откупни компании во Велес, Свети Николе, Кочани, Кривогаштани и Битола.

Како што се наведува во соопштението, инспекциските контроли од страна на државните инспектори за земјоделство ќе продолжат со контроли континуирано и во следниот период, и доколку се констатираат неправилности ќе бидат преземени казнени мерки согласно Законските прописи по кои постапува Државниот инспекторат за земјоделство.

Според податоците од Агенцијата за поттикнување и анализите спроведени од Одделението за сметководствени податоци при МЗШВ, во различни региони производната цена на пченицата, базирана врз основа на производните трошоци е различна. Во битолскиот регион производните просечни трошоци за килограм пченица изнесуваат 9,33 денари, во штипскиот регион 6,92 денари за килограм а во кумановскиот 8,03 денари за килограм.

Според првичните податоци од подрачните единици на Министерството за земјоделство шумарство и водостопанство жетвата на житните култури е во полн ек. Јачменот во 2019 година е засеан на околу 60.000 хектари. До денеска, се околу 90 % од површините при што е остварен просечен принос од околу 3,5 тони/ха. Пченицата беше засеана на околу 70.500 хектари и до денеска се ожнеани околу 40 проценти од засеаните површини со остварен просечен принос од околу 3,6 тони/ха во зависност од регионот.

Оваа година се очекува производството од пченица да се движи од 240.000 до 250.000 тони или за околу четири отсто поголемо производство од 2017 година.

Од Државниот инспекторат за земјодлество потсетуваат дека пред почетокот на жетвата во Министерството за земјоделство, шумарство и водостопанство, беа одржни состаноци на Потсекторската работна група за жита во којашто членуваат претставници од стопанските комори, земјоделски здруженија и од секторите од Министерството. Агенцијата за стокови резерви, се додава, минатата недела го објавила јавниот оглас за набавка на 7.165 тони меркантилна пченица за обнова на потребите на стоковите резерви, што, се посочува, во овој период ќе влијае позитивно на пазарот на пченица во делот на зголемување на откупната цена. 

Арапските партии го поддржаа Ганц за израелски премиер

Сојузот партии заедничка листа со 13 пратеници од кои мнозинството се израелски арапи го поддржаа Бени Ганц, лидерот на сојузот на партиите од центарот сино бело за нов премиер на Израел.

Тоа е прв пат од 1992 година кога арапските пратеници му овозможија на Јицак Рабин да обезбеди мнозинство пред потпишувањето на привремениот мировен договор со палестинската ослободителна организација. „За нас е најважно премиерот Бенјамин Нетанјаху да се тргне од власт, изјави лидерот на заедничка листа Ајман Одех.

Советничка група на ВМРО-ДПМНЕ: Власта и Шилегов да одговорат чии бизнис интереси штитат за еколошката катастрофа на Вардар

Советничката група на ВМРО ДПМНЕ во Градот Скопје бара сеопфатна истрага за еколошката катастрофа која се случи на реката Вардар и уништувањето на живиот свет во главната артерија на Скопје.

Ова не е изолиран инцидент, туку последица на континуирана негрижа на Градот Скопје и надлежните институции. Наместо парадерство на Шилегов, потребно е да се засукаат ракавите и да понудат конкретни решенија. Популизмот на Шилегов платен со парите на граѓаните не може да ја сокрие неговата неспособност и лукративност. Оттука во неделата кога Шилегов се фалеше со достигнувањата во заштитата на животната средина среде Скопје отровна хемиска супстанца предизвика помор на риби во реката Вардар. И ова не е прв пат да се предизвика вакво уништување на животната средина. Жителите во близина на еколошката катастрофа се жалат постојано на миризби и испуштање на токсични материи во водата, додека градските инспекциски служби не реагираат со што се  ставаат во заштита на нечиви бизнис интереси наместо да го штитат здравјето на граѓаните.

Шилегов треба да одговори кој тоа во континуитет дозволува еколошка катастрофа и поради чии бизнис интереси тоа се толерира. Зошто за Градот Скопје бизнис интересите се поважни од здравјето на граѓаните? Кој бизнисмен власта го штити како бела мечка и дозволува еколошка катастрофа среде Скопје?

Петре Шилегов и надлежните државни институции се најнадлежни да го решат постојниот случај со еколошката катастрофа во Скопје.

2 години Крадоначалник Шилегов, 2 години лаги, криминал и неработа.

Советничка група на ВМРО-ДПМНЕ на Град Скопје

НБ: Поволни движења во економијата и во третиот квартал

Поволните движења во економијата продолжува и во третиот квартал, оценуваат од Народната банка во последниот месечна информација за септември 2019 година.

– Согласно објавените проценети податоци за БДП, домашната економска активност продолжи да расте и во вториот квартал на оваа година, со реална стапка на годишен раст од 3,1 отсто. Податоците за јули за индустриското производство и прометот во трговијата засега упатуваат на продолжување на поволните движења во економијата и во третиот квартал, наведуваат во информацијата објавена од Народната банка.

Остварената годишна стапка на инфлација во август оваа година изнесува 0,8 отсто и е пониска од очекуваната, додека во просек во првите осум месеци од годината просечната годишна инфлација изнесува 1,1 отсто.

Девизните резерви, како што се наведува, се во сигурната зона и бележат натамошен раст, при интервенции на Народната банка со откуп на девизи.

Последните оцени, според објавената информација на Народната банка, упатуваат на понеповолни изгледи за глобалната економија, за оваа и следната година./МИА

притисни ентер