Во економското училиште во Велес ќе се врши реконструкција на стариот дрвен кров и замена на штетната азбестна покривка

 Во ССОУ „Јовче Тесличков" или попознато како „економска" во Велес  ќе се врши реконструкција на стариот дотраен дрвен кров, кој е во лоша состојба, како и замена на азбесна покривка, која е штетна по здравјето.  

Проектот чини шест милиони и 505 илјади денари од кои три милиони и 90 илјади се обезбедени од грант преку Министерството за финансии поддржан од Меѓународната банка за обнова и развој, а втората половина од три милиони 415 илјади ќе биде обезбедена од општинскиот буџет.

Од општина Велес информираат дека, со проектот, изработен од Друштвото за консалтинг Еуропартнер груп, ќе се реонструира целата кровна површина од 1184 метри квадратни заедно со оштетената дрвена кровна конструкција.

Тие посочуваат дека кровот е во лоша состојба, а кровната покривка е од азбесни табли, кои се штетни по човековото здравје и опасни по животната средина.

Инаку, за издвојување на средства од општинскиот буџет одлука, неделава на последната 37 седница донесе Советот на Општина Велес, кој за оваа намена изврши измена и дополнување на Програмата за активностите на општина Велес во областа на локалниот економски развој.

Со измената се обезбедија средства за учество на општина Велес во проектот за реконструкција на кровот на ова средно економско училиште во градот.

Инаку во зградата на ова училиште порано беше сместено ООУ „Трајко Андреев", кое престана да постои пред повеќе од десет години,а во него тогаш беше сместено средното економско училиште.

Од Понеделник - САМО ВИСТИНА и САМО ИНТЕРВЈУ повторно во потрага по вистинољупците

ОД ПОНЕДЕЛНИК ВО 18:30 

​Најдобрите, најгледаните, и највлијателните, се враќаат на медиумскиот "Вембли"!!!

Започнува новата сезона на САМО ВИСТИНА И САМО ИНТЕРВЈУ!!!

САМО ЗА ВАС, ВИСТИНОЉУПЦИТЕ, уште во првата недела, на жешките столчиња ќе ги седнеме : Христијан Мицкоски, Сашо Ордановски, Солза Грчева, Илија Димовски, Љупчо Зиков, Горан Милевски, Борислав Крмов и Зоран Димитриовски.

Фаќајте место пред телевизор!!!

Унгарија прва во ЕУ купи руски вакцини

Унгарија потпиша договор за купување на два милиони дози од руската вакцина Спутник V, прва во Европската унија, изјави пред новинарите во Москва унгарскиот министер за надворешни работи, Петер Сијарто.

„Според договорот, купуваме доволно за да вакцинираме милион луѓе“, рече Сијарто по разговорите со рускиот колега Сергеј Лавров.

Сијарто рече дека вакцината ќе биде доставена во три транши.

„Тоа се два милиона дози во три транши. Распоредот за вакцинирање е 300.000 луѓе во првиот месец, половина милион во вториот месец и 200.000 во третиот.“

Унгарскиот регулатор на лекови ја одобри руската вакцина, како и онаа произведена од AstraZeneca во соработка со Оксфорд. Русија тврди дека Спутник V е 92 проценти ефикасен.

Сијарто најави дека ќе разговара со руски официјални лица и за снабдувањето со бензин.

Уапесени се соработниците на Навални, утре најавуваат големи протести

Руските власти уапсија блиски соработници на опозицискиот лидер Алексеј Навални, кој беше уапсен на аеродромот во Москва во неделата, откако се вратил од Германија каде се лекувал по обидот за труење.

Портпаролката на Навални, Кира Јармиш беше приведена преку ноќ откако повикала на протести, објави на Твитер, додавајќи дека ќе остане во притвор девет дена. Приведени се и координаторите на приврзаниците на Навални во Владивосток, Краснодар и Калининград.

Утре треба да се одржат протести против притворањето на Навални и државната репресија во околу 70 руски градови. Портпаролот на Кремљ, Дмитриј Песков ги предупреди граѓаните да не учествуваат во овие незаконски протести.

Навални мора да остане во притвор 30 дена. Руското правосудство го товари за кршење на условната слобода со одење во Германија на лекување.

Претседателот на Европскиот совет Шарл Мишел денес го повика рускиот претседател Владимир Путин да го ослободи Навални и да спроведе транспарентна истрага за неговиот обид за атентат.

притисни ентер