По 10 годишно лекување од депресија во Холандија Коко се врати во Скопје

Kоко е мојот дар од Бога и неизмерна љубов – вака ЗОО негувателот Драган раскажуваше за моментите на радост и среќа кога по 10 години повторно се сретна со својот стар пријател. 

Емоции, солзи радосници и по некоја прегратка – познатото шимпанзо родено во нашата Зоолошка конечно се врати дома.

Роден пред 24 години, мирот и спокојот на Коко го нарушила смртта на неговата мајка која боледувала од туберкулоза. Знаците на осаменост и анксиозност го одведоа Коко по нов животен пат. Во 2009-та грижата за него ја презема еден од најдобрите центри за ресоцијализација во Холандија.

Сега Коко доби убав и топол дом, но и три нови другарчиња шимпанза. Роси и Хјасл кои имале тешко минато во Африка и 62-годишната Мими која својата длабока старост по животот во циркуз ќе го мине во Скопје.Додека се адаптираат на новото живеалиште шимпанзата ќе бидат во карантин, а посетителите ќе можат да се запознаат со нив за околу дваесетина дена. За тоа време ќе се комплетира и надворешниот дел од новиот дом на Коко и дружината.

притисни ентер