Киното во „Железничката зграда" се отвора за јавни настани

Киното во „Железничката зграда" се отвора за јавни настани со фокус на културата. 

Договорот за оспособување и користење на некогашната кино сала денеска потпишаа Општина Центар, Заедницата на станари-сопственици на таканаречената Железничка зграда на ул. „Борка Талевски" бр.26 и „Здружението за култура и уметност и Факултетот за работи што не се учат".

„Железничката зграда" е редок градски пример кој во својата содржина има просторија која првенствено била наменета за жителите на зградата, а подоцна и за колективната јавност. Преку овој договор кој има за цел негување на културата и враќање на нејзината улога во колективното живеење, Општина Центар, меѓу другото, се обврзува да започне соработка со релевантни субјекти во насока на обезбедување донации за целосна реконструкција на уникатниот изглед на зградата, уредување на просторот и негово целосно оспособување за непречено функционирање, а исто така, ќе даде и поддршка и препораки за користење на овој јавен простор.

Киното претставува квалитетен архитектонски јавен простор со површина од околу 150 м2 и висина од околу 7 м. Архитектонските карактеристики на киното овозможуваат овој простор да служи за повеќенаменски културни активности кои би требало, пред сè, да служат во функција на локалната заедница, соопшти Општина Центар.

Ставањето во функција на кино салата е во рамки на проектот „Активни простори на заедницата за граѓански промени" што го имплементира Факултет за работи што не се учат, а е поддржан од УСАИД.

Во дворот на зградата вечер во 201 часот ќе се одржи дискусија со претставници на локална самоуправа, граѓански организации, индивидуални активисти и станари по што ќе следи музички перформанс со Мухамед Ибрахими.

Железничка колонија претставува повеќесемејна станбена зграда, изградена во 1946 година од архитектот Михаил Дворников. Таа е обликувана во затворен периметарски блок со внатрешен двор и заеднички поврзани тераси. Покрај станбените единици, архитектонскиот концепт вклучува и јавни простори кои жителите имале можност да ги користат и делат заедно (детски јасли, пералници, внатрешен заеднички двор и заедничко кино). Киното претставува најспецифичен дел од зградата. Истото служело за проекција на филмови и средби на станарите и куќниот совет. Киното функционирало до почетокот на 70-те години, а во него се проектирале филмови со различни социјални и историски содржини, но првенствено било наменето за самите жители на зградата. Од тој период, па сè до денес, киното се користело инцидентно за различни настани, но досега не било активирано во корист на некој поширок (јавен) интерес.

Јавна трибина „Борба против дезинформациите"

Јавна интерактивна трибина на тема „Борба против дезинформациите" ќе се одржи денеска во Битола.

Јавна интерактивна трибина на тема „Борба против дезинформациите" ќе се одржи денеска во Битола во организација на Здружението за меѓународна младинска соработка „Интерактив" во соработка со НУУБ „Св. Климент Охридски" од Битола.

На настанот, како што најавија од „Интерактив", ќе учествуваат Жанета Здравковска, новинар и регионален координатор на ЗНМ, Стево Башуровски, главен и одговорен уредник на ТЕРА телевизија, Божидар Миленковски, професор на ФИКТ и Фатма Бајрам Аземовска од НУУБ „Св. Климент Охридски" -Битола.

Модератор ќе биде Мартин Николовски, студент на насока новинарство на Факултетот за комуникации при Хаџи Бајрам Вели Универзитетот од Анкара, Турција.

Настанот ќе се одржи во просториите на НУУБ „Св. Климент Охридски" во Битола. /МИА

САД не му дава виза на иранскиот претседател за учество на Генералното собрание на ОН

Патувањето во Њујорк на Генералното собрание на ОН е неизвесно за иранскиот  претседател Хасан Рохани , кој не може да добие американска виза.

Иранската делегација која требаше да замине во Њујорк за да го подготви теренот за пристигнувањето на Рохани, сè уште не заминала бидејќи нивните членови не добиле визи, соопшти агенцијата.

На прашањето на оваа тема на прес-конференција, генералниот секретар на Обединетите нации Антонио Гутереш рече дека се надева оти прашањето ќе биде набргу решено.

„Контактиравме со Соединетите држави и се надевам дека ќе го решиме проблемот“, рече тој.

Американскиот државен секретар Мајк Помпео остана нејасен на оваа тема кога пристигна во Саудиска Арабија, каде што беа нападнати нафтени постројки во саботата и тие напади му ги припишува на Техеран.

„Ние не зборуваме за давање или не давање виза“, рече тој пред новинарите. „Ако сакате врски со странска терористичка организација ... не знам“, додаде тој. „Ми се чини дека мора да се прашаме дали треба да им се дозволи да учествуваат на мировни состаноци“, додаде Помпео.

Генералното собрание на Обединетите нации официјално ќе започне на 24 септември. Иран треба да присуствува на седницата на 25 септември, еден ден по говорот на американскиот претседател Доналд Трамп и на францускиот , Емануел Макрон.

Скандал во Шпанија: Даночна службеничка украла 6,2 милиони евра од сметките на 38 врвни спортисти

Вработена на висока позиција во даночната управа на Шпанија и уште три лица успеале да ги земат податоците на 38 врвни спортисти и од нивните сметки да украдат 6,2 милиони евра.

Вработената во даночната управа преку лажиран поврат на ДДВ , незаконски присвоиле 6,2 милиони евра. Меѓу спортистите има и репрезентативци од регионот , како поранешниот хрватски кошаркар Донтаје Дрејпер, босданскиот фудбалер Емир Спахиќ и словенечкиот кошаркар , Мирза Бегиќ.

Најмногу е оштетен турскиот интернациоанлен фудбалер Нури Шахин , од кого се украдени 1.212.158 евра , за периодот додека играл во Реал Мадрид.

Ова е наведено во обвинението на 26 страници . Вработената Леонор Санчез-Кабаљеро е обвинета дека во соработка со тројца мажи , од кои двајцата адвокати , ги искористила доверливите податоци , врз основа на кои тие фалсификувале документи , потписи на спортистите и налози за испалта во периодот од февруари 2015 до ноември 2016 година.

Барањето за поврат на данок било испратено преку две компании , на кои даночната служба им ги исплатила парите. И тие се обвинети за соучесништво во измамата.

„Се побаруваше враќање на данок во име на повеќе фудбалери и кошаркари кои играа во шпанските клубови, за што тие не знаеја“, се вели во обвинението, наведувајќи 38 примери на претежно странски спортисти.

Обвинетите се соочуваат со затворска казна од девет до 11 години.

притисни ентер