За утре најавено прскање против комарци во Делчево

За утре, во Делчево е закажана теристичка дезинсекција против комарци. Оваа мерка, како што информираа од општината, ќе се реализира согласно предвидената годишна програма за заштита на населението од заразни и други заболувања.

– Со оваа мерка ќе бидат опфатени неколку подрачја, меѓу кои, реката Брегалница и нејзините притоки, езерскиот комплекс кај Мотел „Кула", подрачјето околу реките Габровчица и Звегорска река, како и Чаршиски, Пустевски и Манастирски ендек заедно со месноста Грозданец и село Вирче. Активноста ќе ја спроведуваат стручни екипи од Службата за дезинсекција „Лиса – Ком МС", во соработка со вработени во Одделението за инспекциски надзор, информираа од општината.

Поради прскањето против комарци, како што додадоа, сопствениците на пчелни семејства се должни да преземаат соодветни мерки за заштита на пчелите од евентуалните последици од дезинсекцијата.

Од општината информираат дека доколку нема услови, прскањето ќе биде спроведено во првата поволна прилика, за што граѓаните дополнително ќе бидат известени.

Пронајдена црната кутија од индискиот Боинг 737

Црната кутија е пронајдена во пилотската кабина на патничкиот авион на местото на несреќата во јужната држава Керала, изјави за Ројтерс официјален претставник на Генералниот директорат за цивилно воздухопловство.

Боинг-737, од Ер Индија кој ги враќал Индијците блокирани во Дубаи поради пандемија на коронарна вирус, по обилниот дожд ја промаши пистата на меѓународниот аеродром Каликут.

Денеска бројот на жртви од оваа несреќа се зголеми на 18, додека 16 лица се сериозно повредени.

ВМРО-ДПМНЕ: Филипче наместо да се крие зад штури соопштенија, да се извини за случајот Геријатрија

Венко Филипче и СДСМ немаат ниту минимум доблест да признаат грешка и да понесат одговорност, како што тоа се прави во остатокот земјите во светот, но и во регионот.

Венко Филипче и СДСМ се директно виновни за сите заболени во Геријатрија, но и за потенцијалните жртви во иднина.

Појавата на Ковид 19 во Геријатриска установа, каде што се сместени стари и изнемоштени лица, со хронични заболувања е темпирана бомба за сите стари лица кои се згрижени во истата. И причинителот на опасноста е Венко Филипче, кој не презел чекори во насока да се спречи појавување, а тоа требало да го направи со засилени контроли и протоколи при влез, мерки за заштита и тестирања.

Во здрава држава Филипче ќе си поднесе оставка, ќе имаше истрага за пропустите за корона кластерот во геријатрискиот центар и владата ќе се извинеше за пропустите. Народот вели ем крив ем боде.

Наместо воспоставување на систем за заштита во здравствените установи, Венко Филипче изминатиот период беше насочен на кампањата на Заев и СДСМ, а граѓаните и пациентите, паднаа во втор план.

Наместо да се крие зад штури соопштенија, Филипче да излезе и да се извини за пропустите кои се негова вина, но и да преземе одговорност за истите.

Центар за комуникации на ВМРО-ДПМНЕ

Берлин и Париз напуштија преговори за СЗО поради САД

Германија и Франција ги напуштија преговорите за реформата на Светската здравствена организација , фрустрирани од обидите на САД да ги водат преговорите, иако Вашингтон одлучи да ја напушти таа организација.

Нивниот потег е удар за американскиот претседател Доналд Трамп затоа што вашингтон, кој моментно е претседател на Г 7, се надеваше дека ќе објави план за сеопфатна реформа на СЗО во јуни, два месеца пред претседателските избори во САД.

Никој не сака да биде вклучен во реформскиот процес и да добие нацрт од земја што штотуку ја напушти СЗО“, вели висок европски функционер што учествува во преговорите.на прашањето за потврда на одлуката на Париз и Берлин, портпаролите на Германија, Франција, Велика Британија и Италија немаа коментари.

Сепак, француското министерство за здравство објави дека САД не треба да бидат лидер во реформата на СЗО, бидејќи тие имаат намера да ја напуштат таа организација.

притисни ентер