Судијата Панчевски може да биде суспендиран додека трае процесот за АКМИС-от

На судијата Владимир Панчевски поради обвинението за злоупотребите со АКМИС-от му се заканува суспензија. 

Судскиот совет по службена должност ги побарал обвинението за екс претседателот на скопскиот Кривичен суд, и отвори предмет по поднесена иницијатива за нестручно и несовесно на судиската функција.

Панчевски е обвинет дека со негов амин од 2013та до 2016та, 40-тина предмети од организиран криминал, два од Скопското јавно обвинителство и два од СЈО биле доделени на судии по негов избор. Па оттука се поставува прашањето што ќе се случи со предметите ако се докаже дека биле им биле дадени на рака на подобните судии.

Адвокатот Звонко Давидовиќ вели - ако се докаже дека екс претседателот на судот ја злоупотребил функцијата може да се бара истиот суд да ја повтори постапката.

Периодот кој го опфаќа обвинението се поклопува со времето кога се судени случаите Шпион, Агент, Ликвидација, Фаланга 2 и Кражбата во музеј, за кои кои некои од граѓанските организации тврдеа дека се работи за судски монтирани процеси.

За Давидовиќ, како дел од адвокатите на осудените во овие случаи е симптоматично што дури и по извештајот на Министерството за правда, Судскиот совет не утврди одговорност.

Од предметите од СЈО кои биле дадени на рака, неофицијално станува збор за Шамарите во Општина Центар и Тврдина 2, кои првично беа распределени кај судијката Лидија Петрова која на јавноста и стана позната од прислушкуваните разговори и на Татјана Михајловска која кратко време беше претседател на судот.

Откако обвинителството соопшти дека покренало обвинение, Панчевски преку својот фејсбук профил ја обвини власта дека преку него амнестира криминалци.

Во западните и јужните делови дожд, попладне врнежите ќе прекинат

Врнежи од дожд со слаб интензитет утринава има во западните и јужните делови од државата.

 Дува и слаб до умерен југоисточен ветер во долниот тек на Повардарието. На планините има врнежи од снег.

За денеска синоптичарите најавуваат пообилни врнежи од дожд во западните и јужните делови кои во текот на денот ќе се преместуваат кон југосток. Попладне врнежите ќе прекинат. Ќе дува слаб до умерен северозападен ветер. Дневната температура ќе се движи во интервал од 7 до 12 степени.

Во Скопје слично време со максимална температура до девет степени.

Најмногу снег, според информациите на Управата за хидрометеоролошки работи, има на Попова Шапка – 20 сантиметри, а во Маврово висината на снежната покривка е шест сантиметри.

Најмногу дожд во изминатите 24 часа има наврнато во Крушево, а најстудено утринава е во Маврово каде се измерени -1 степен. Во останатите градови минималните температури се над нулата. 

Снег на планинските превои, сообраќајот без забрани

 Снег утринава врне на Попова Шапка, Стража, Пресека и Маврово. 

Сообраќајот се одвива тековно, но по наместа влажни коловозим информира Авто мото сојузот на Македонија.

На одредени патни правци кои поминуваат низ клисури и усеци можна е појава на поситни одрони.

На граничните премини утринава од македонска страна нема подолги задржувања за влез и излез од државата. 

Вработените во јавниот сектор ќе чистат на 20 локации во Скопје

Акција за чистење на 20 скопски локации во која ќе се вклучат вработените од јавниот сектор ќе се одржи денеска и на тој начин ќе се одработи неработниот ден од годинава, 2 јануари.

На секоја локација ќе има обезбедено екипи од градските јавни претпријатија, соодветни стручни служби и алат за да помагаат на луѓето кои ќе чистат.

Локациите на кои ќе се одвива акцијата се езерцето Треска во Сарај, Аквадуктот, СЦ „Борис Трајковски", Кале, Музејот на современа уметност, касарната „Илинден", Јужен булевар, „Бихаќка", Државното училиште за физичка култура „Методија Митевски Брицо", Железничката и автобуската станица, улица „Џон Кенеди", кај Собранието, цела улица „Македонија", МКЦ и МТВ, касарната „Гоце Делчев", улица „Ферид Бајрам", улица „Александар Урдаревски", Европската очна болница, улица „Индустриска" во Гази Баба и целиот кеј на реката Вардар.

Министерот за информатичко општество и администрација Дамјан Манчевски посочи дека за успешно спроведување на акцијата ќе бидат задолжени раководителите на институциите, односно премиерот, министерите, градоначалниците и директорите на институциите што ќе бидат присутни на овие локации, а Град Скопје дополнително обезбедил и соодветна механизација за одредени локации.

До локациите што се наоѓаат малку подалеку од центарот на градот особено Аквадуктот и Сарај, ЈСП има обезбедено и превоз. За сите кои се вклучени во акцијата е обезбедена и соодветна опрема односно заштитни ракавици и вреќи.

Акцијата се организира во соработка со граѓанското здружение „Не биди ѓубре"

притисни ентер