ПСЖ:Нејмар може да замине од Париз, преговараме со Барселона

 Непојавувањето на бразилската фудбалска ѕвезда Нејмар  на првиот собир на францускиот шампион ПСЖ очигледно даде резултат, бидејќи го принуди раководството да признае дека се разговара за негово продавање.

Тоа е токму желбата на Бразилецот кој веќе неколку недели презема цврсти чекори за да се врати во Барселона.

Сега, спортскиот директор на парижаните, Леонардо, призна дека на Јужноамериканецот нема да му прават проблеми да си замине, но тоа ќе се случи само при примамлива понуда. Тој, исто така, откри дека има веќе контакти со шпанскиот шампион.

– Нејмар може да го напушти ПСЖ, ако стане збор за понуда која ги задоволува сите страни. Веќе имаше иницијален контакт со Барселона, но беше само површен – изјави Леонардо за „Паризиен“ и продолжи со сензационалните откритија.

Всушност, неговите зборови ги потврдуваат сите вести од минатиот месец за желбата на Нејмар да си замине час порано.

– Не можам да ви кажам точно за што разговаравме со играчот, но од нашите разговори со него и со неговите најблиски кругови веќе имаме јасен и цврст став за тоа какви се неговите намери. Не можам да ви кажам нешто повеќе за оваа тема. Јас само ќе речам дека има договор за уште три години со нас и бидејќи не сме добиле официјална понуда, не можам да разговарам за оваа тема – рече Леонардо за француското издание.

Големата шампионка Серена Вилијамс декласирана, Симона Халеп на тронот на Вимблдон

Романската тенисерка Симона Халеп е победничка на годинешното неофицијално светско првенство во тенис, Грен слемот во Вимблдон.

Во големото финале феноменалната Халеп за само 57 минути игра од централниот терен во Вимблдон ја збриша големата шампионка Американката Серена Вилијамс победувајќи ја експресно во два сета со 6-2 и 6-2.

За Симона Халеп по титулата на Роналд Гарос ова е вториот трофеј од Грен слем турнирите. Легендата на светскиот тенис Серена Вилијамс попладнево не успеа да го подигне својот осми пехар во Вимблдон.

КК „Кожуф" единствен кошаркарски клуб во Гевгелија

Гевгелија е вистински кошаркарски град кој минатата сезона имаше два клуба кои се натпреваруваа во Првата државна лига, доби шампион во БИБЛ лигата и беше домаќин на кошаркарскиот Куп.

 Со сопственикот и спонзорот на КК „Блокотехна" постигнавме договор во наредната кошаркарска сезона Гевгелија во Првата кошаркарска лига да ја претставува само КК „Кожуф" кој ќе настапува значително зајакнат организациски и во поглед на играчкиот состав, информираше на денешниот брифинг со новинарите градоначалникот Сашо Поцков.

– Гевгелија е вистински кошаркарски град кој минатата сезона имаше два клуба кои се натпреваруваа во Првата државна лига, доби шампион во БИБЛ лигата и беше домаќин на кошаркарскиот Куп. Констатиравме дека ваквата традиција можеме да ја продолжиме и да постигнеме уште подобри резултати само со единствен кошаркарски клуб, рече Поцков.

За постигнување подобри резултати неопходни се и дополнителни финансиски средства поради што Поцков организирал средба со најголемите компании од општина Гевгелија од кои побарал поддршка за остварување на целта и задржување на гевгелискиот спортски бренд.

Текстилната компанија „Ноел" која беше сопственик и единствен спонзор на КК „Блокотехна" најави дека финансиски и организациски ќе го поддржи единствениот кошаркарски клуб „Кожуф" и оти дополнително ќе одлучи дали „Блокотехна" ќе продолжи да се натпреварува или пак местото во Првата лига ќе го отстапи на друг клуб.

Де Лихт се поблиску до Јувентус

Италијанскиот фудбалски шампион  Јувентус добива огромно засилување?

Капитенот на Ајакс Матијас де Лихт е се поблиску до трансфер во Торино, откако  раководството на Јуве одлучил да ја зголеми понудата.

Според „Газета дело Спорт“ , Ајакс одбил 67 милиони евра со барање за повисока понуда  вредна 75 милиони. Сега се очекува раководството на италијанскиот гигант да ја прифати бараната сума.

19- годишниот  Де Лихт која игра на позицијата стопер претходно ги договори личните услови со Јувентус и стави потпис на пет годишен договор , според кој ќе има годишна плата од 9 милиони евра, без бонуси.

До крајот на неделава би требало Ајакс и Јувентус да постигнат договор, а Де Лихт да ги изврши лекарските прегледи во Торино.

Летово еден од најголемите светски таленти ги одби понудите на Барселона и Пари Сен Жермен.

притисни ентер