Македонија

Брегу: Одлагањето на преговорите за членство со Албанија и Македонија претставува ризик

Натамошно одлагање на започнувањето преговори за членство во ЕУ со Албанија и Македонија, на кусо речено, претставува ризик, изјави денеска генералната секретарка на Советот за регионална соработка (РЦЦ), Мајлинда Брегу.

– Кој било позитивен момент може брзо да се уништи, доколку и натаму се одлагаат перспективите за членство. Нема подобар момент за почеток (на преговорите) од сегашниот, имајќи предвид дека две членки на Процесот за соработка во Југоисточна Европа (Македонија и Бугарија) заеднички го преземаат претседавањето со Берлинскиот процес, со што се зголемува одговорноста на регионот во овој процес, нагласи Брегу на отворањето на 11-от годишен состанок на РЦЦ, што се одржува денеска во Сараево во рамки на средбата на високо ниво на Процесот за соработка во Југоисточна Европа (СЕЕЦП).

Брегу нагласи дека минатата година беше многу динамична за РЦЦ, истакнувајќи дека Советот ќе продолжи да работи со истиот „динамичен тон" и во наредниот период.

– Советот за регионална соработка е подготвен и сака да се справи со кој било предизвик на кој ќе наиде, но тоа не може да го направи без целосна поддршка на партнерите од регионот и Европската унија. Нема потреба да губиме време, за потоа пак да го бараме, нагласи Брегу.

Во обраќање на состанокот, директорката за Западна Европа, Западен Балкан и Турција на Европската служба за надворешни работи, Анџелина Ејкхорст изјави дека ЕУ ќе продолжи да го поддржува РЦЦ и ги повика партнерите од регионот „да се воздржат од комуникација преку медиумите" и да се обидат да ги надминат несогласувањата.

Ејкхорст нагласи дека ЕУ сака да го оствари тоа што го вети во областа на поврзувањето, економската интеграција и спроведување на стратегијата за Западен Балкан, во соработка со РЦЦ и сите партнери од регионот.

Учесниците на состанокот ги потврдија годишниот извештај на РЦЦ за периодот 2018-2019 година, како и стратегијата и планот за работа на организацијата за периодот 2020-2022 година, што треба да биде усвоен на состанокот на министри за надворешни работи на СЕЕЦП./МИА

Регион

Маж од Подгорица исфрлил гола проститутка на улица, полицајците шокирани од полот (ФОТО)

Случајни минувачи кои пред неколку ноќи се нашле во елитната населба Мастер кварт во Подгорица биле сведоци на крајно бизарна сцена - на улица имало сосема гола проститутка.

Како што дознава Телеграф.рс., неименуван маж исфрлил целосно гола проститутка од станот на улица.

Околу 3 часот и 25 минути, случајни минувачи пријавиле во полиција дека преку Блажов мост кон Собранието на Црна Гора се движела сосема гола жена.

Се покажало дека е транс девојка.

Како што дознава Телеграф.рс, претходно дошло до расправија.

Предметната девојка била од Шпанија и работела како деловна придружба.

Била со партнерот и не сакала да соработува со полицијата. Таа била пренесена во Ургентниот центар за да се провери дали е повредена, но таа одбила помош.

Инаку, дотичната има профили на сајтови за придружба, на кои јасно се посочува дека е транс и дека сè уште не направила операција за промена на полот, објави Телеграф заедно со ВИДЕО.

Живот

Старателка призна дека убила дете и го фрлила во шахта: Имав син, му го одзедов животот (ВИДЕО)

Старателката Пами Меј (48) од Колумбус, Охајо, признала дека го убила момчето Дарнел Тејлор (5), а потоа го фрлила неговото тело во шахта.

Таа на 13 февруари годинава збеснала кога го видела како јаде грицки во креветот, а потоа решила да го казни, објави Ен-Би-Си.

Почнала да го дави со рацете, а кога сфатила дека момчето не е живо, телото го фрлила во шахта во близина на куќата во која живееле.

Телото на момчето било пронајдено неколку дена подоцна.

Пеми веднаш била уапсена и во полиција го признала убиството, а нејзиното признание е снимено на камера.

„Барем имаш деца. Имав син, но му го одзедов животот“, се слуша како Пем му кажува на еден од полицајците.

Во видеото таа открила дека решила да го убие Дарнел откако претходно во текот на денот го видела како се прикрадува со грицки во креветот.

Тоа толку ја налутило што точно планирала како да го убие момчето.

Во еден момент влегла во собата и почнала да го гуши. Таа рече дека момчето се обидело да се одбрани, но во еден момент престанало да се движи.

„Тогаш сфатив дека повеќе не е жив“, рече таа.

За време на полицискиот разговор, Пеми не покажала никакви емоции или знаци на каење.

Судењето на Пеми се очекува да започне на 25 април.

Свет

Аргентина бара партнерски статус во НАТО

Аргентина побара од НАТО да стане еден од глобалните партнери на тој безбедносен сојуз, изјави денеска министерот за одбрана Луис Петри во време кога неговата земја бара начин да ги зајакне врските со САД и Европската унија.

Аргентина во вторникот објави дека купува 24 американски борбени авиони Ф-16 од Данска, договор поддржан од Вашингтон.

Министерот Петри се сретна со заменик генералниот секретар на НАТО, Мирчеа Џоана и му врачи писмо во кое се изразува интересот на Аргентина да стане партнер на западната воена алијанса, објави министерот на X.

Според НАТО, глобалните партнери работат со членките на алијансата за споделување разузнавачки информации и учество во воени вежби.

Глобалните партнери на НАТО ги вклучуваат, меѓу другите, Австралија, Колумбија, Ирак, Јапонија, Јужна Кореја, Монголија, Нов Зеланд и Пакистан.