Индија следната недела праќа мисија на Месечината (ВИДЕО)

Следната недела Индија ќе го лансира својот сателит Чандрајан 2 кон Месечината.

Мисијата на Месечината е подготвена со сателитот тежок 3,8 тони , што ќе биде лансиран од космодромот Шрихарикота. Ракетата ќе носи сателит , лендер наречен Викрам и ровер наречен Прагјан.

Од мисијата се надеваат дека сателитот ќе слета на Месечината на почетокот на септември. Роверот на шест тркала , тежок 27 килограми ќе го истражува јужниот пол на Месечината.

Од индиската агенција објаснуваат дека со мисијата ќе управуваат роботи  и ќе нема човечки екипаж. Сателитот е завиткан во златна фолија за заштита од екстремните температури во текот на истражувањата , што се очекува да траат една година.

Роверот е сместен во сателитот , а по слетувањето ќе излезе од лендерот со подигање на рампа. Вселенското летало е е сосема подготвено и наскоро тргнува на местото на полетување , потврдуваат од Индиската вселенска истражувачка организација (ISRO) .

Видео: Како се прави моќното Ферари „SF90 Stradale“?

Еве како настанува луксузното Ферари „SF90 Stradale“.

Пред Ферари да започне со достава на овој автомобил, тие на својот Јутјуб канал споделија видео на кое покажуваат како се прави овој суперавтомобил.

Како и во многу други фабрики, „SF90 Stradale“ се склопува со комбинација на напредни роботи и многу стручни работници. Човековата рака има значителна улога во производството на овој модел, па затоа „SF90 Stradale“ и чини повеќе од останатите.

На пример, осовините се заваруваат рачно а не со помош на роботи. Исто и кај фарбањето, секој слој се нанесува рачно, освен последниот кој е нанесен од страна на роботи.

Ова моќно Ферари „SF90 Stradale“ во себе има 4.0 литарски твин-турбо „V8“ мотор кој е потпомогнат од три електрични мотори и сите заедно произведуваат 986 коњски сили, од 0 до 100км/ч автомобилот развива за 2,5 секунди а максималната брзина му е 340 км/ч.

НАСА објави видео од темната страна на Месечината, видена пред 50 години (ВИДЕО)

Многумина отсекогаш сакале да видат каква прекрасна глетка виделе астронаутите на „Аполо 13“ во 1970-тите години, кои никогаш не слетале на Месечината.

Во понеделникот, НАСА објави видео во кое се гледа што виделе астронаутите во оваа мисија. Сликата е направена од податоците на вселенското летало Lunar Reconnaissance Orbiter , лансирано во 2009 година и оттогаш орбитира околу Месечината.

Според податоците на летот, астронаутите први се нашле помеѓу зајдисонце и изгрејсонце и биле во целосна темнина осум минути, сè додека не се појавила неверојатната површина на нашиот природен сателит. Тогаш започнува видеото, јавува Си-Ен-Ен.

Астронаутите на Аполо 13, Џон Свигерт, Фред Харис и Џејмс Ловел требаше да слетаат на Месечината, но наидоа на проблеми со резервоарот за кислород. Свигерт тогаш ја кажа познатата реченица, „Хјустон, имаме проблем“. Иако мисијата не беше целосно успешна, бидејќи не се случи слетување, екипажот сепак ја обиколи Месечината и се врати безбедно на Земјата.

КРУШЕВСКИ ЧОМЛЕК

Рецепт - Крушевски чомлек

Потребни состојки: 1 кг. јунешко месо, 3 кг. кромид, 100 гр. лук, 1 лажичка шеќер, 1 шолја оцет, 10-тина суви сливи, 150 мл. црвено вино, малку масло, вода по потреба, 1 лажица црвен пипер, бибер и сол по вкус.

Постапка:

Кромидот се сече крупно, а јунешкото на поголеми парчиња.

Во земјен сад состојките се редат по следен редослед: ред кромид и лук, ред месо.

Потоа се додаваат сите зачини и сувите сливи.

Се додава: оцет, масло и вода и се пече околу 2 часа на 200 степени.

На половина од печењето состојките се полеваат со вино.

притисни ентер