Македонија

Еуромакс не се откажува од битката за Иловица

Откако Владата одлучи да ја одбие компанијата за експлоатација на бакар и злато, со образложение дека ја немаат потребната документација, оттаму најавуваат жалба до конечното решение на Влада кое треба да се утврди за 15 дена.

-Откако официјално ќе ја добиеме ќе ги искористиме сите правни можности кои се на располагање согласно законските рокови, односно ќе поднесеме жалба во законскиот рок од 15 денa. – велат од Еуромакс.

Дали ќе има штета на државниот буџет од едностраното раскинување на договорот за концесија, од Влада велат ќе се знае по рокот за жалба.

Неофицијалните информации говорат дека по овој рок ништо нема да се смени, односно жалбата на Еуромакс нема да вроди со плод и барањето повторно ќе биде отфрлено.

Граѓанските здруженија кои подолг период проитестираат и го блокираат концесискиот простор на Еуромакс ја поздравуваат одлуката на Владата, но сепак ќе партолираат наредните две недели со цел во меѓувреме да не почнат со работа луѓето ангажирани од Еуромакс, а побараа од Владата и укинување на втората концесија која истекува во јануари.

Задоволство од одбиеното барање изразија од партијата ДОМ кои сметаат дека ова е победа на екологистите над, како што велат, моќното рударско лоби.

Формула

Верстапен најбрз на спринтот за Големата награда на Кина

Возачот на Ред Бул, Макс Верстапен, победи во спринтот за Големата награда на Кина.

Второто место го зазеде Луис Хамилтон од Мерцедес со заостанување од 13.043 секунди.

Вториот возач на Ред Бул, Серхио Перез беше трет со 15.258, секунди послабо време од победникот.

Ова е осма победа на Верстапен во кариерата во спринт.

Главната трка од Формула 1 шампионатот за Големата награда на Кина ќе се вози утре со почеток во 9 часот по македонско време. /МИА

Свет

Северна Кореја тестирала тестирала „супер голема“ боева глава и противвоздушна ракета

Северна Кореја денеска соопшти дека тестирала „супер голема“ боева глава за крстосувачка ракета и нов противвоздушен проектил, пренесува ДПА.

Тестот на „супер-големата“ боева глава дизајнирана за стратешката крстосувачка ракета Хвасал-1 Ра-3 и пробното лансирање на противвоздушната ракета Пјољџи-1-2 се извршени во петокот, објавија државните медиуми.

- Преку пробното лансирање беше постигната зацртаната цел, објави агенцијата КЦНА.

Се наведува дека тестовите биле дел од редовните воени активности на Северна Кореја и дека немаат „никаква врска со ситуацијата во регионот“.

Резолуциите на ОН и забрануваат на Северна Кореја да тестира балистички ракети од кој било дострел, од кои некои се способни да носат нуклеарни боеви глави.

Како одговор на севернокорејската програма за нуклеарно оружје, Соединетите Држави и Јужна Кореја ја зајакнаа воената соработка, вклучително и одржување заеднички маневри. /МИА

Фудбал

Ајакс сака да го покани Чави за главен тренер

Раководството на Ајакс го смета тренерот на Барселона Чави како главен кандидат за тренерското место на тимот од Амстердам, објави „Sport.es“.

Холандскиот фудбалски гигант смета дека 44-годишниот шпански стручњак е способен да го врати клубот на претходното ниво и е подготвен да потпише договор со него до 2026 година.

Во јануари Чави најави дека ќе ја напушти Барселона на крајот на сезоната.

По јавно објавената одлука на Чави за заминување од Барса, тимот загуби само еден натпревар - во четвртфиналето на Лигата на шампионите против ПСЖ (1:4).

Чави за шеф на стручниот штаб на каталонскиот тим беше назначен во ноември 2021 година. /МИА

притисни ентер