Охрид СОС: Од решавањето на проблемот со дивоградбите ќе зависи дали Охрид ќе биде во УНЕСКО

 Централната и локалната власт не направија ништо за зачувавање на статусот Охрид град на УНЕСКО.

Од 19-те препораки што државата требаше да ги исполни за Охрид и Охридското Езеро да не бидат ставени на листата на загрозени подрачја исполнети се само три точки, реагира невладината организација Охрид СОС.

На 43. Сесија на Комитетот за културно наследство што деновиве се одржува во Баку, македонската делегација, како што информира Трајче Талески, престставник од Охрид СОС, ќе побара одложување на рокот за реализација на препораките до февруари идната година.

– Во Баку ќе бараме да ни се одложи до февруари да се изреализираат сите законски или политички одлуки кои требаше да се донесат. Тоа требаше да се донесе уште во 2017 година, но ние сакаме да доцниме со тоа и 2020 да ги донесеме. Тоа многу погрешен пристап кон целата проблематика, треба да се делува брзо и едноставно и ригорозно да се постапува со се што не донело до таквата ситуација, истакна Талески.

Забележа дека изминатите 15-тина години институциите затаиле во однос на заштитата на Охрид и езерото. Смета дека од одлуката на централанта и локланата власт за рушење на дивоградбите ќе зависи дали ќе бидеме во УНЕСКО или не.

– Откако излезе препораката на УНЕСКО да се стават градот и езерото како загрозени подрачја тогаш набрзина се направи список на дивоградби на крајбрежјето, па испадна дека се над 1000. Не е направено ништо ниту со депонијата Буково, ниту со автопатот и железницата, не се најдени нови алтернативни решенија. Не е направен план за управување со Охридскиот регион. Само три, од 19-те препораки се исполнети целосно и тоа е патот за Галичица, ски-центарот и туристичкиуте развојни зони, друго мислам дека ништо не е направено, рече Талески.

Нагласи дека кон УНЕСКО не можеме да се однесуваме како досега и оти мора да се постапува онака како што тие бараат, а не ние како што сакаме.

Неговите очекувања се дека Охрид и Охридското Езеро ќе бидат ставени на листата на загрозени подрачја, што смета дека и не е толку лошо, надевајќи се дека ќе се освестиме со што располагаме и како треба да се однесуваме.

– Повеќе од две години укажуваме дека на Охрид може да му се случи ова што моментално му се случува, односно дека ќе биде ставено на листата на загрозени подрачја. И тоа се случи, а сега се бараат решенија. Мислам дека е премногу доцна да се бара решенија кои би биле поволни за Македонија. Нашите очекувања се дека Охридскиот регион, градот Охрид и Охридското Езеро ќе бидат ставени на листата на загрозени подрачја што во крајна линија и не е лошо. Со ваква интервенција на УНЕСКО ние ќе се свестиме со што расоплагаме и како треба да се менаџира овој простор, вели Талески.

Очекува дека државата ќе бара политички решенија и ќе лобира кај, како што рече, главните играчи: Кина, Бразил, Шпанија, Индија и Босна за останување на Охридскиот регион под заштита на УНЕСКО.

Најголемата меѓународна мрежа за зааштита на природата која е независно експертско советодавно тело на центарот за светско мнаследстрво IYCN препорачаза три подрачја да се прогласат во опасност: Национален парк во Бангладеш, Островите и заштитените подрачја на Калифорнискиот залив во Мексико и природното и културно наследство во Охридскиот регион.

Уставен донесе одлука граѓаните со попреченост над 65 год. да добијат надоместок согласно Закон

Уставен донесе одлука граѓаните со попреченост над 65 години да добијат надоместок согласно Законот за финансиска поддршка на социјално ранливи категории на граѓани.

Уставниот суд го поништи член 3 став 1 точка 2 во делот „најмногу до 65 годишна возраст” од Законот за финансиска поддршка на социјално ранливи категории на граѓани со што граѓаните со попреченост над 65 години кои не добиле надоместок, сега имаат можност да побараат да им се исплати надоместокот во изминатиот период, од кога Законот е влезен во правна сила.

Според член 3 став 1 точка 2 од Законот „корисници на правото на надоместок заради попреченост” се лица со навршена 26 годишна возраст, а најмногу до 65 годишна возраст, со тешка или длабока интелектуална попреченост, со најтешка телесна попреченост, потполно слепо лице и потполно глуво лице, согласно со податоците од евиденцијата на центрите за социјална работа.

Од содржината на погоре наведениот член од Законот произлегува дека во групата корисници на правото на надоместок заради попреченост, не спаѓаат лицата над 65-годишна возраст, а со тоа овие лица се исклучени од финансиската поддршка согласно со Законот за финансиска поддршка на социјално ранливи категории на граѓани.

Судот оценил дека со таа одредба e нарушенa темелната вредност на владеење на правото од член 8 став 1 алинеја 3 од Уставот и принципот на правната сигурност на граѓаните во остварувањето на правата од социјалната сфера.

- Со исклучувањето на овие лица од единствената категорија корисници на правото на надоместок заради попреченост, според Судот, создава и нееднаков третман помеѓу лицата кои се наоѓаат во иста правна положба (сите се корисници на правото на надоместок заради попреченост), но едни можат да остварат право на финансиска поддршка, а други не можат, исклучиво заради возраста, стои во соопштението од Уставен суд.

Во декември 2022 година Уставниот суд го укина став 2 од членот 44 од Законот за социјална заштита, кој оневозможуваше лицата со попреченост над 65 години да остварат право на надоместок поради попреченост.

МИА претходно пишуваше за Законот за социјална заштита, конкретно за горенаведениот ограничувачки став за пристап и остварување на правото на надоместок заради попреченост кој содржеше нееднаквост, односно дискриминирачка одредба кон останатите лица кои го остваруваа ова право.

Се зголемува „Европскиот фронт“ на ДУИ

Се зголемнува Европскиот фронт на Ахмети.

. Денес Интергративците портпишаа договор за заеднички настап на изборите и со Движење на Турците за правда и демократија. Настанот кој се уште трае го следи Ивана Стојановска.

Што беше кажано на настанот?

Алонсо: Останувам во Леверкузен, тоа е вистинското место за мене

Чаби Алонсо ја потврди својата одлука да остане на чело на Баер Леверкузен. Така, тој ја пропушта можноста да ги преземе Ливерпул или Баерн Минхен, кои уште од летото го посакуваа во своите редови и влегоа во преговори со него.

Тој во принцип има договор со „аспирините“ до крајот на сезоната 2025/26. Според информациите во летото 2025 година во неговиот договор ќе биде активирана клаузула според која тој ќе може да замине како слободен агент.

Шпанецот моментално го води Баер до титулата во Бундеслигата, со солидна предност од 10 бода пред второпласираниот Баерн на осум кола до крајот. Одделно, тимот е во четвртфиналето на Лига Европа и е во полуфиналето на Купот на Германија.

Чаби Алонсо го води Леверкузен од октомври 2022 година.

притисни ентер