Овој астероид би можел да ни донесе милијарда долари

Иако потеклото на златото и понатаму мистерија, научниците откриле астероид кој содржи доволно вредни метали кои теоретски на секоја личност на Земјата би и донеле скоро милијарда долари.

Станува збор за астероидот Psyche 16 кој се наоѓа меѓу Марс и Јупитер, а кој содржи огромни количини злато, железо и никел.

Сега останува на научниците своето откритие и да го докажат, а американската вселенска агенција НАСА планира да го започне тој процес во 2022 година.

Меѓутоа, како што пренесува „РТ“, се поставува прашањето дали може да се искористи златото од вселената.

Професорот Џон Зарнецки, претседател на Кралското астрономско здружение, проценува дека потребни се 25 години за докажување на концептот, а 50 години за почеток на комерцијалното производство. Нормално, тоа зависи од две клучни работи, економската исплатливост и напредокот на вселенската технологија.

Исто така, многу светски сили би сакале да се “докопаат“ до златниот астероид, а Кина дефинитивно планира во тоа да доминира.

Мич Хантер Скулион, основачот на британска компанија за рударство на астероиди (Asteroid Mining Company), за „БиБиСи“ изјавил дека ова е дефинитивно наредниот индустриски “бум“.

„Кога ќе воспоставите инфраструктура, тогаш можностите се скоро бесконечни. Тие кои ќе бидат доволно храбри да го прифатат предизвикот кој се однесува на астероидите ќе заработат огромна количина на пари“ – изјавил тој.

„Тоа што го правиме на Земјата сега е импресивно, но и потрагата за злато во вселената е само прашање на инфраструктура. Со време ќе дојдеме и до тоа“ – изјавил Скот Мур, директор на компанијата „Јуросан мајнинг“ (EuroSun Mining).

Постојат астероиди кои поминуваат близу до Земјата и кои би можеле да бидат и “турнати“ во орбитата за да може од нив да извлечат вода и други елементи. Исто така, тука е и Месечината која содржи ресурси на злато и платина.

Иако рударството бара  гравитација која е шест пати поголема од Земјата отколку на Месечината, научниците тврдат дека сепак е доволна за успешно извршување на процесот.

Денеска веќе постои глобален пазар за вадење руда од астероиди, а се проценува дека до 2025 година ќе биде повреден од 3.8 милијарди долари.

Глобалната вселенска економија денеска вреди околу 350 милијарди долари, а до 2040 година таа вредност ќе биде зголомена на 2.4 трилиони долари.

притисни ентер