Пломп: Холандија била и останува загрижена за владеењето на правото во земјава

Законот за СЈО останува важен критериум за добивање датум за преговори за членство.

Според холандскиот амбасадор во земјава, Ваутер Пломп, неопходно е да се постигне компромисно решение за СЈО меѓу власта и опозицијата.

Оттаму пак најава за нова средба нема, но продолжуваат препукувањата кој е виновен за блокадата на дијалогот.

„Холандија била и останува загрижена за владеењето на правото во земјава, а под тоа го подразбирам и Законот за СЈО“, вели холандскиот амбасадор во земјава Ваутер Пломп. Тој вели дека неговата земја ги поддржува спроведените реформи и Спогодбата со Грција, но дека за добивање датум е неопходно да продолжи борбата против високата корупција.

„Специјалното обвинителство изигра значајна улога во поднесување обвиненија за висока корупција и за нас е значајно да се гони високата корупцијата од минатото, сегашноста, но и иднината. Затоа е важно да се пронајде ефикасен начин за СЈО да се инкорпорира во Основното јавно обвинителство, задржувајќи дел од независноста. За овој закон е потребно двотретинско мнозинство. Сите политички сили кои сакаат Северна Македонија да започне преговори со ЕУ треба да најдат конструктивно решение, кое ќе одговара на партиите од власта, но и на оние кои не се во власта, а за ова опозицијата треба да понесе одговорност.“ – изјави Ваутер Пломп – амбасадор на Холандија.

И додека се се почести изјавите дека токму иднината на СЈО би можела да биде главната причина за евентуалното недобивање датум за преговори за членство во Европската Унија, од власта и опозицијата нема најава за нова средба по ова прашање.

Од Министерството за правда, за Канал 5, информираат дека нова средба не е закажана, бидејќи ВМРО-ДПМНЕ се нема произнесено по претходно доставените предлози.

Предлог компромис за Македонија и Албанија-пристапни преговори во април или мај 2020

Франција, Германија, и Холандија се обидувале да напишат предлог компромис според кој донесувањето на одлуката за пристапни преговори за Македонија и Алабанија се одложува за април или мај 2020 година.

Франција, Германија, и Холандија се обидувале да напишат предлог компромис според кој донесувањето на одлуката за пристапни преговори за Македонија и Алабанија се одложува за април или мај 2020 година, брифираат за Канал 5 дипломати од ЕУ.

 Во продолжение се наведува дека идејата била Франција во меѓувреме да изработи предлог за реформирање на процесот за проширување до јануари, велат дипломатски извори од Брисел. Како што е познато, Париз се спротистави на почетокот на пристапните преговори се додека процесот не биде реформиран. Засега нема договор за вметнување на конкретен датум во предлог компромисот.

За овој предлог компромис  ќе дискутираат германската канцеларка Ангела Меркел, францускиот претседател Емануел Макрон,холандскиот премиер Марк Руте и финската премиерка Мете Фредериксен,брифира друг дипломат од ЕУ.

Претседателот на Европскиот совет , Доналд Туск се обидувал да ги натера да се согласат,вели друг дипломат и додава дека новоизбраниот претседател на Европскиот Совет , Шарл Мишел нема голема желба за процесот на проширување на ЕУ.

Македонските преговори и вечерва на маса пред европските лидери

Со лоши сигнали од Брисел и без никакво поместување на тврдиот став на Макрон, мина првиот ден од самитот на лидерите на Европската Унија, кои утре и формално се очекува да се изјаснат за македонските преговори со Унијата.

Проширувањето не се спомена ниту на вечерашната пресконференција на првите луѓе на Унијата, Јункер и Туск, кои се осврнаа само на постигнатиот договор со Лондон околу Брегзит.

Дали има простор за позитивна вест, Александар Видиновски од Брисел.

Руте: Албанија не е можно да ги почне преговорите, а за Македонија се уште има малку простор

Холандскиот премиер Марк Руте пред денешниот состанок на лидерите на земјите – членки на ЕУ рече дека е за Македонија ,за разлика од Албанија , има малку простор за почеток на преговорите.

,,Нашата позиција за Албанија е јасно не. Ситуацијата со Македонија е многу подобра отколку кај Албанија. Таа има многу повеќе сработено, но има уште за работа. Мислам дека за Албанија не е можно да ги почне преговори, а за Македонија се уште има малку простор” , рече премиерот на Холандија , марк Руте пред почетокот на денешниот самит во Брисел.

притисни ентер