Столтенберг се надева дека Македонија ќе стане полноправна членка на НАТО до декември

Германија е силен поддржувач на земјава за членство во Европската Унија – вакво уверување доби претседателот Пендаровски на средбата со неговиот германски колега Франк Валтер Штајнмајер.

И покрај тоа што Бундестагот беше причината зошто Македонија во јуни не доби датум за почеток на преговорите, Пендаровски во изјава за германскиот медиум “Шпигел” е оптимист дека до крајот на годинава датум ќе има – и верува дека одложувањето е навистина само поради технички причини на германскиот парламент. 

Освен за почеток на преговорите со Европската Унија, Германија дава поддршка и за членството во НАТО. Дека до крајот на годината постојат реални шанси за завршување на ратификацијата на протоколот во сите земји членки на Алијансата, верува и генералниот секретар на НАТО.

-Сите сојузници го потпишаа пристапниот протокол во февруари и потоа започнаа ратификациите, ратификациите одат доста брзо, обично, како што беше кога Црна Гора се зачлени, потребна е околу една година. Не е до мене колку брзо ќе ратификуваат, но би било многу добро ако можат да завршат до декември кога во Лондон ќе се состанат лидерите. Ако не биде тогаш, очекувам да се случи брзо потоа, изјави генералниот секретар на Алијанса.  – изјави Јенс Столтенберг – генерален секретар на НАТО.

Денеска Националното собрание на Унгарија го ратификуваше протоколот за членство на Македонија во НАТО, седница на која присуствуваше и претседателот на Македонското собрание Талат Џафери. Досега 19 земји го одобрија влезот на земјава во Алијансата, а останаа уште 10.

Џафери на дводневен парламентарен форум за лидерство во Вашингтон

На покана на Демократското партнерство на Претставничкиот дом на САД (ХДП) претседателот на Собранието Талат Џафери денеска и утре ќе престојува во работна посета во Вашингтон, САД. 

На покана на Демократското партнерство на Претставничкиот дом на САД (ХДП) претседателот на Собранието Талат Џафери денеска и утре ќе престојува во работна посета во Вашингтон, САД. Во парламентарната делегација за и потпретседателката на Собранието Фросина Ташевска-Ременски и координаторот на пратеничката група на ВМРО-ДПМНЕ, Никола Мицевски.

Како што соопшти собраниската прес-служба, дводневниот Парламентарен форум за лидерство е фокусиран на демократското обновување за борба против заедничките закани за демократијата. Исто така, во рамките на форумот, претседателот на Собранието Џафери и пратениците ќе остварат и билатерални средби со колегите од Конгресот и Владата на САД.

Програмата на ХДП е организирана од Националниот демократски институт (НДИ), со поддршка од Агенцијата за меѓународен развој на САД (УСАИД) и во партнерство со Меѓународниот републикански институт (ИРИ).

На оваа програма од високо ниво, покрај Собранието на Македонија, поканети се да учествуваат и дваесет партнерски парламенти на ХДП. /МИА

Чавушоглу во Скопје на средби со Заев, Димитров и Османи

Шефот на дипломатијата на Република Турција, Мевлут Чавушоглу, по покана од министерот за надворешни работи Никола Димитров, престојува во официјална посета на Македонија.

Севкупните билатерални односи помеѓу двете традиционално пријателски земји и можностите за зајакнување на соработката во сите области од заемен интерес, се темите за кои ќе разговараат на денешната средба министрите Димитров и Чавушоглу, најавија од МНР.

За време на посетата, во просториите на Министерството за надворешни работи на Македонија, Димитров и Чавушоглу официјално ќе ја пуштат во употреба техничката опрема за дигитализација на дипломатскиот архив на Министерството. Проектот е поддржан од Министерството за надворешни работи на Република Турција, а финансиран од турската агенција за соработка и развој – ТИКА.

Се предвидува министерот Чавушоглу да се сретне и со претседателот на Владата на Македонија, Зоран Заев, и со вицепремиерот задолжен за европски прашања Бујар Османи. /МИА

30 дневен притвор за Боки 13

Барањето на Обвинителството за гонење организиран криминал и корупција е остварено, на Бојан Јовановски- Боки 13 му е одреден 30 дневен притвор од страна на Кривичниот суд. Повеќе информации во текот на утрешниот ден.

притисни ентер