Известувачите на ПССЕ изразуваат загриженост за положбата на македонското малцинство во Бугарија

Германскиот парламентарeц Франк Швабе и унгарскиот Золт Немет,  во името на комисијата за следење на обврските на земјите членки, препознава дека Бугарија постигнала напредок од донесувањето на последниот извештај 

 Во извештајот на мониторинг комисијата на Парламентарното Собрание на Советот на Европа (ПССЕ) во рамките на пост-мониторинг дијалогот со Бугарија, за кој ќе расправа во четврток, германскиот парламентарeц Франк Швабе од групата на социјалистите и унгарскиот Золт Немет од групата на Народните партии, го поздразвуваат како значаен напредок на надворешната политика на Бугарија Договорот за пријателство, добрососедство и соработка соМакедонија. Но, истовремено тие изразуваат загриженост поради непочитувањето на правата и говорот на омраза на кое е изложено непризнатото македонското малцинство, јавува дописникот на МИА од Стразбур.

Германскиот парламентарeц Франк Швабе и унгарскиот Золт Немет,  во името на комисијата за следење на обврските на земјите членки, препознава дека Бугарија постигнала напредок од донесувањето на последниот извештај за пост-мониторинг дијалогот во 2013 година.

Тие притоа нагласувааат дека „главен настан во областа на надворешната политика, е потпишувањето од  Бугарија на договорот за пријателство, добрососедство и соработка со  Македонија. Со овој договор им се стави крај на 18 години преговори и тоа претставува голем чекор напред"- велат известувачите.

Понатаму тие се осврнуваат и на отворениот проблем со „непризнатото" македонско малцинство во Бугарија.

За време на посетата на Бугарија, Франк Швабе и Золт Немет се сретнаа со претставници на граѓанското општество кои работат на малцинските прашања, вклучувајќи ги и претставниците на Ромите и Македонците. Во нивниот извештај тие споменуваат неколку причини за загриженост кои им биле пренесени од претставниците на малцинството.

-Македонското малцинство не е признаено како такво од бугарските власти поради строгата примена на формалните критериуми, иако оваа група на повеќе пати ја изрази својата желба да ги има поволностите од заштитата со Рамковната конвенција за заштита на малцинстватам стои во извештајот.

Тоа за известувачите претставува  „извор на загриженост за македонското малцинство. Поради овие причини македонско малцинство нема претставник во Советот за малцинствата. Македонците немаат програма за етничките заедници и не добиваат државна помош за зачувување и развој на нивната култура и идентитет. Ниту македонски јазик, ниту историја не се учи во училиштата. Не е регистрирана ниту една македонска организација. Нашите соговорници сметаат дека припадниците на нивната заедница се дискриминирани.",нагласуваат Франк Швабе и Золт Немет.

Македонците во Бугарија не постојат ни во статистичките бројки од пописот од 2011, односно тие се меѓу 49 000 лица кои се изјасниле како „други” (Руси, Ерменци, Македонци, Власи, Грци, Украинци и Евреи)./МИА.

-На поопшто ниво, нашите соговорници ни кажуваа дека говорот на омраза со расистички и нетолерантен карактер сè уште претставува голема загриженост во Бугарија. Главните цели на овој говор на омраза се Ромите, муслиманите, Евреите, Турците и Македонците.", велат тие.

Во последниот извештај за Бугарија, бугарските власти беа повикани систематски и безусловно да го осудат говорот на омраза против малцинствата, да ги зајакнат мерките за промовирање на толеранцијата и меѓусебното почитување и да ги охрабруваат одговорните политичари да прифатат примерно однесување.

-За жал, дознавме дека ситуацијата во овој поглед не се подобрила. Уште еднаш ги повикуваме властите да ги следат деталните препораки утврдени од ЕКРИ во својот извештај презентиран во рамките на петтиот мониторинг циклус, велат двата пратеници.

Инаку општо земени во извештајот за Бугарија се вели дека таа го воведе законодавство во областа на судството и борбата против корупцијата, со неколку исклучоци тоа е целосно во согласност со стандардите на Советот на Европа. Но таа, исто така одговори на извесен број на прашања за кои беше изразена загриженост од страна на Парламентарното собрание и другите механизми за следење на Советот на Европа. Сепак, прашањето за одржливоста и неповратноста на реформите и ефикасноста на мерките кои имаа за цел борба против корупцијата на високо ниво продолжи да се потпира на правилна примена на законодавството.

Комисијата за следење на обврските на земјите членки, предлага да се продолжи дијалогот за пост-мониторинг со Бугарија и да се оцени, во јуни 2020 година, напредокот во областа на судството, борбата против корупцијата на високо ниво, медиумите, основните права на малцинствата, борбата против говорот на омраза и насилството врз жените. 

Унијата на жени на ВМРО-ДПМНЕ примена во членство во Организацијата на жени на Европската народна партија

Унијата на жени на ВМРО-ДПМНЕ е примена за членка на  Организацијата на жени на Европската народна партија (EPP Women) на Конгресот кој се одржува во Виена 18-19 октомври 2019.

На состанокот во седиштето на Австриската народна партија присуствуваат претседателката на Унија на жени, Благица Ласовска и секретарот за меѓународна соработка на Унијата, д-р Христина Рунчева Тасев.

Со овој прием, се заокружува вклученоста на сите структури на партијата во Европската народна партија, која е најбројната партија во Европскиот парламент и се потврдуваат европските аспирации на ВМРО-ДПМНЕ и придонесот на жените во креирањето на политики на европско ниво.

На Конгресот на женската секција на Европската народна партија е усвоена резолуцијата “Женски визии за подобра Европа” која се однесува на приоритетите за делување на Европската комисија во периодот 2020-2024 година.

Центар за комуникации на ВМРО-ДПМНE 

Јанушев: Продолжуваме уште посилно од сега

ВМРО-ДПМНЕ продолжува да биде меѓу граѓаните.

Денес сме во Крива Паланка каде што имаме огромен одѕив на граѓани кои се дојдени овде во акцијата „Разговори за обнова на Македонија“.  Да ги искажат своите проблеми, за кои што ние како политичка партија земаме обврска да понудиме решенија во новата изборна програма.

Она што имавме прилика да го видиме, да се случува деновите е всушност нешто што наназад некој период го кажувавме, и го соопштувавме и апелиравме всушност до криминално рекетарската влада на Заев е дека без вистински реформи Македонија не може да се придвижи напред.

За жал, на штета на сите граѓани на Република Македонија, едноставно беа со оваа одлука казнети поради погрешните политики на Зоран Заев.

Она што го очекуваме во следниот период имајќи во предвид за каков човек станува збор, нема да не изненади доколку излезе и всушност целата вина се обиде да ја префрли на ВМРО-ДПМНЕ.

Меѓутоа нашиот народ е свесен што се случува така да сметаме дека еден ваков обид ќе биде само всушност јалов обид за обид за дефокусирање повторно на јавноста.

Продолжуваме уште посилно од сега. Продолжуваме со нашата кампања за обнова на Македонија и за многу брзо се она што ќе имаме прилика да го слушнеме од граѓаните, ќе излеземе не само со програма туку и по формирањето на новата Влада предводена од ВМРО-ДПМНЕ тоа да го реализираме, и да овозможиме подобар живот за граѓаните на оваа држава.

Игор Јанушев, Генерален секретар на ВМРО-ДПМНЕ          

Грчки медиуми: Политички случувања во Скопје по ветото од Франција

Медиумите во Грција ги пренесуваат изјавите на првите луѓе на Еврокомисијата, Жан-Клод Јункер и на Европскиот совет, Доналд Туск и на шефот на француската држава Емануел Макрон, но и на претседателот Стево Пендаровски.

„Ветото од Франција предизвика политички случувања во Северна Македонија"; „Бура во Скопје по кажаното „не" од ЕУ"; „Разочараност во Северна Македонија"; „Политички земјотрес во Скопје", се дел од коментарите во грчките медиуми по завршениот Самит на ЕУ, а случувањата во земјава беа дел и од синоќешните централни изданија на вестите на грчките телевизии, но и на насловните страници на денешните изданија на весниците, jави дописничката на МИА од Атина.

Медиумите во Грција ги пренесуваат изјавите на првите луѓе на Еврокомисијата, Жан-Клод Јункер и на Европскиот совет, Доналд Туск и на шефот на француската држава Емануел Макрон, но и на претседателот Стево Пендаровски, информирајќи за вонредната лидерска средба закажана за в недела, а во текот на вчерашниот ден пишуваа и за наводна оставка на премиерот Зоран Заев.

Грчката телевизија Антена коментира дека Франција ја блокираше европската перспектива на Северна Македонија, а државната телевизија ЕРТ, во прилогот во централното издание на вестите, коментираше дека постои разочараност во Северна Македонија.

– Европа им заврти грб на Скопје и Тирана. Зоран Заев и Еди Рама се враќаат со празни раце, коментира телевизијата Стар, додавајќи дека блокадата од Макрон предизвикува разврска на Балканот.

Во текот на вчерашниот ден во грчките медиуми кружеше информацијата за наводна оставка на премиерот Заев. Дел од информативните портали во Грција се повикаа на веста објавена од италијанската новинска агенција АНСА, додека пак во централните вести на телевизиите, новинарите коментираа дека постојат шпекулации за оставка, но и демант од Владата на Македонија.

– Според новинарски информации Ангела Меркел му се јавила на Заев и побарала да не поднесува оставка, додека пак и други странски лидери го повикаа премиерот на соседната земја да продолжи по патот на реформите, пишува Катимерини.

Паралелно медиумите во Грција ги пренесуваат и ставовите на грчкиот премиер Кирјакос Мицотакис, кој на вчерашната прес-конференција од Брисел рече дека резултатот не е добар ни за Балканот, ни за Грција, говорејќи за проширувањето на Унијата, односно како што рече за прашањето „за кое за жал не успеавме да се договориме"./МИА

притисни ентер