Сијарто: Одложувањето на почетокот на пристапните преговори беше многу нефер за вашата земја

Одложувањето на почетокот на пристапните преговори беше многу нефер за вашата земја, бидејќи сите знаеа за врменеската рамка и имаше доволно време сите да се подготват. 

Аргументиот за недостиг на време според мене е смешен, бидејќи вие сте земја кандидат 14 години и тоа е доволно време, изјави министерот за надворешни работи и трговија на Унгарија, Петер Сијарто, кој денеска престојува во посета на нашата држава.

Унгарија, посочи Сијарто, процесот на проширување на ЕУ го смета за еден од најважните и веруваме дека проширувањето на ЕУ кон регионот на Западен Балкан е во вистински интерес на Унијата, како економски така и безбедносен.

– Веруваме дека проширувањето на ЕУ е во вистински интерес на самата Унија и затоа сметаме дека одлуката за одложување на почетокот на преговорите е голема загуба за ЕУ и во спротивност на интересите на Унгарија. Ние сме соседна држава на овој регион и затоа сме сензитивни на значењето и потребата за евроинтеграција, изјави Сијарто.

Посочи дека Унгарија ќе продолжи со поддршка на нашата земја за успешна евроинтеграција, како и за стабилноста на границата, каде веќе се распоредени заеднички сили.

-Ние сме за итен почеток на пристапни преговори меѓу Северна Македонија и ЕУ. Ние сме соседна земја на овој регион и сме многу осетливи по ова прашање и го знаеме значењето за проширување, а ЕУ во овој регион и ја знаеме разликата меѓу стабилна и нестабилна состојба во овој регион, изјави Сијарто.

Прашан во однос на дадениот азил на поранешниот премиер Никола Груевски, Сијарто рече дека неговото присуство во Унгарија го гледа како правно прашање и нема никаква врска со надворешната политика на Унгарија.

– Верувајте ние сме едни од најголемите поддржувачи на вашата земја како јавно, така и зад затворени врати и тоа ќе продолжи и понатаму, изјави Сијарто.

Вицепремиерот задолжен за европски прашања, Бујар Османи рече дека средбата е посветена на евроинтеграциските работи на која ќе се разговара извештајот ЕК. 

Сугарески: Реализација на гасоводот во Тетовско е 40 отсто

Реализацијата на магистралниот гасовод во реонот на Тетовско достигнува 40 отсто и се очекува брзо напредување поради решените предмети поврзани со експропријацијата, истакна министерот за транспорт и врски Горан Сугарески.

Тој денес беше во Тетовско, каде изврши увид како се одвива обновата на патот до Попова Шапка.

– Изградбата на капитални проекти е врвен приоритет на нашата Влада. Во моментов се работи во сите сфери и во патната инфраструктура и во железничката и во гасоводната. Задоволен сум од динамиката на тоа што се случува со магистралниот гасовод. Динамиката на изградба на гасоводната магистрална мрежа од Скопје до Тетово и Гостивар оди добро. Ланската година беа решени голем број предмети од експропријацијата, што претставуваа сериозен проблем. Овој дел од гасоводот чини 29 милиони евра и реализацијата е околу 40 проценти, рече Сугарески.

Тој истакна дека со градоначалничката на Тетово, Теута Арифи разговарале и за тоа како оди процедурата за дистрибутивна мрежа во градот.

– Очекуваме наредната година институциите да бидат први кои ќе се приклучат на гасоводот. Се разбира ако општината ги направи нивни работи да можат да бидат приклучени прво институциите, а потоа и домаќинствата во Тетово, рече Сугарески. /МИА

Костадинов: ВМРО-ДПМНЕ ги кочи медиумските реформи

Пратениците од СДСМ прашуваат зошто Илија Димовски се уште не ја свикал седницата на комисијата за избори и именувања на која треба да се изберат членови на советот на АВМУ и програмскиот совет на МРТ.

Повеќе во видеото.

Градските власти најавија ослободување на „загушените дрвја“

Град Скопје ги ослободува заробените, исушени  дрвја во главниот град.

Скопскиот градоначалник Петре Шилегов, и градоначалникот на општина центар Саша Богдановиќ денеска ја спроведоа акцијата и во Општина Центар.

притисни ентер