Николоски во Стразбур на сесијата на ПС на Совет на Европа

Потпретседателот на ВМРО-ДПМНЕ Александар Николоски во следните три дена учествува на летната сесија на Парламентарно собрание на Совет на Европа во Стразбург. 

Николоски учествува на покана на Совет на Европа како почесен член, кој го стекна заради неговиот ангажман на високи позиции во Советот и резултатите кои ги постигна.

Сесијата на ПС на Совет на Европа е посебно интересна затоа што на неа се одбележува 70-тата годишнина од Советот на Европа, како најстара европска организација основана во 1949г.

Исто така Парламентарното собрание на Советот на Европа ќе го избере новиот генерален секретар на Организацијата.

На 24ти јуни Амели Де Монтхалин, Францускиот министер за европски прашања, ќе има свое обраќање, а на 26ти јуни пред собранието ќе се обрати Марсело Ребело де Соуза, Претседател на Португалија.

Точките на дневниот ред вклучуваат и дебата за убиството на Дафне Каруана Галиција и владеењето на правото во Малта, дебата за борбата против насилството врз жените и постигнување на родова еднаквост, запирање на насилството врз децата, изјава на специјалиниот известувач на на Обединетите нации за продажба и сексуална ескплоатација на деца Мод де Бур Букикио.

Собранието исто така ќе разговара околу ситуацијата во Сирија, пост мониторинг дијалог со Бугарија, ќе се разговара и за убиството на Борис Немцов и санкции и мерки од страна на земјите членки, како и за Буџетот на Советот на Европа и Парламентарното Собрание. Покрај ова ќе има и слободна дебата.

Николоски учеството на сесијата ќе го искористи за бројни билатерлни средби. Денеска оствари средба со Претседателот на Европската Народна Партија Жозеф Дол кој исто така учествува на сесијата.

Центар за комуникации на ВМРО-ДПМНЕ

Трипуновски: Над 500 семејства во „Водостопанство" трет месец немаат земено плата

Овој документ кој што е директно признание на власта дека над 500 семејства во АД Водостопанство веќе трет месец немаат земено плата.

Додека има пари за скапи вина и луксузни коктели и јадења за Николовски, Димковски и нивните сопартијци од СДСМ, директорот Селими ги принудува вработените да потпишуваат Спогодба дека се согласуваат платата за мај месец да им биде исплатена во јули. Да добро слушнавте! 500 вработени во АД Водостопанство ќе ја земат мајската плата во јули! Да не беше трагично ќе беше смешно.

Вработените немаат плата и платени придонеси веќе 3 месеци, исто така претпријатието нема основни средства за работа, резервни делови, нафта кои се неопходни за непречено функционирање на истото, и ова е премногу сериозен проблем. Но, повеќе од очигледно е дека власта и понатаму е глува на оваа алармантна ситуација.

Меѓу овие 500 вработени има луѓе кои имаат потреба од секојдневна медицинска помош и им е потребно здравствено осигурување, има луѓе кои имаат кредити, а веќе доцнат со исплата на рати, и луѓе кои имаат мали дечиња кои што чекат храна од своите родители.

Порачуваме, до менаџерскиот тим на АД Водостопанство и до министерот Димковски да престанат да прават притисоци и закани врз вработените кои си ги бараат заостанатите плати а кои што им се чесно и поштено заработени.

Ова е срамота.

Ова ли е животот што ветувавте на изборите во 2016 година , а денес си играте со човечките судбини на 500 семејства.

Господине Заев на овие 500 вработени во АД Водостопанство не можат да скенираат фискални сметки затоа што немаат пари со кои што можат да купат нешто. Овие луѓе ги оставивте без леб, а сега ги принудувате да потпишаат спогодба, со која се штитите од тужби, за крваво заработените пари на работниците.

Непроценлива штета трпат и илјадници земјоделци ширум Република Македонија кои чекаат на услугите на блокираното претпријатие. Целосен дебакл. Кој од кој е пооштетен.

Одговорност за ова мора да има. Недомаќинското работење и расипништвото ќе го платите на наредните избори.

Цветан Трипуновски – член на ИК на ВМРО-ДПМНЕ

ВМРО-ДПМНЕ: СДСМ и Заев се плашат да распишат предвремени парламентарни избори

Зоран Заев е главата на октопод во рекетарската приказна.

СДСМ да одговори дали вчера на ЦО присуствувале  Кики и Фрики?

Зошто Заев ги амнестира од одговорност? Дали се плаши дека доколку каже кој се Кики и Фрики може да биде откриено неговото директно учество во рекетарската приказна а граѓаните да дознаат колкав процент земал?

СДСМ да ги извади розевите наочари и да види дека во Македонија освен рекетот, криминалот, корупцијата, заканите, уцените и поткупот, друго ништо не функционира.

Граѓаните со оваа криминална влада живеат се полошо.

СДСМ и Заев се свесни дека им паѓа рејтингот и се плашат да распишат предвремени парламентарни избори.

СДСМ и Заев се плашат да се соочат со волјата на граѓаните.

За Македонија да оди напред Заев и СДСМ мора да си заминат.

Граѓаните и Македонија заслужуваат промени.

Центар за комуникации на ВМРО-ДПМНЕ

Во сабота нестабилно време, в недела сончево и топло до 36 степени

 Топло, но нестабилно време со пороен дожд, најавува УХМР за денеска попладне и утре. 

Во недела и понеделник ќе преовладува сончево и топло време со мала до умерена облачност.

Температурата денеска ќе достигне максимални 33 степени. Во деновите од викендот ќе достигне 36, а во понеделник 38 степени.

Од вторник ќе биде ветровито со услови за локален пороен дожд. Дневните температури ќе бидат во интервал од 27 до 36 степени.

притисни ентер