СДСМ: Димовски да одговори за судските постапки против поранешните функцинери на ВМРО-ДПМНЕ

ВМРО-ДПМНЕ и Димитар Димовски, од белиот дворец, од симболот за криминалот и корупцијата денеска требаше да се извинат за безобразниот начин на одбрана на криминалот, да се повлечат и да повикаат на одговороност во сопствените редови.

Да биде лицемерието на криминалната ВМРО-ДПМНЕ уште поголемо, прес конференции Мицкоски го пушта да држи ниту помалку ниту повеќе туку токму Димитар Димовски.

Јавноса знае дека Димовски има удел во компанијата „Енерготек ДОО Скопје“ заедно со Христијан Хирдо Мицкоски.

Затоа Димовски требаше да објасни како тоа фирмата во која тој и Мицкоски имаат заеднички удел го добива бизнисот со хидроцентали од владата на Никола Груевски?

Димовски е некогашна десна рака на поранешниот министер за транспорт и врски, Миле Јанакиески, против кого денеска се водат многубројни судски процеси.

Затоа Димовски требаше да одговори за многубројните судски процеси против Миле Јанакиевски и дали тоа е една од многуте причини поради која не го поддржува продолжувањето на работата на СЈО?

Да потсетиме, Димовски, има земјиште од над 14 илјади квадратни метри во општина Берово а прв сосед негов е токму Миле Јанакиески, кој има парцела од над 16 илјади квадратниметри. Двете парцели, на Јанакиевски и на Димовски, од 30 илјади квадратни метри, порано биле сопственост на Република Македонија.

Па нема ли некој чесен и одговорен во белиот дворец за Мицкоски токму Димовски да го задолжи да зборува за одговорност и чесност?

ВМРО ДПМНЕ нема кредибилитет да зборува за правда, одговороност и чесност, тоа за нив е непозната категорија.

СДСМ ќе продолжи одговорно и отчетно да ја води државата. Секаде кадешто има законски или прекршувања на моралните норми ќе следува одговорност, се наведува во реакцијата на СДСМ на прес конференцијата на Димитар Димовски од ВМРО-ДПМНЕ.

Повредена 18-годишна девојка откако во неа удрил возач на голф

 Осумнаесетгодишна девојка од Тетово е тешко повредена во сообраќајна несреќа на булеварот „Видео Смилевски-Бато", вчера околу 18:30 часот, откако во неа удрило патничко моторно возило „фолкваген голф" со тетовски регистарски ознаки.

Како што соопшти Министерството за внатрешни работи,  во Т.А (18) удрил 47-годишниот Ш. Х. од Вејце кој управувал со „голфот".

-Во незгодата со тешки телесни повреди се здобила 18-годишната девојка, која потоа била пренесена во болницата во Тетово, соопшти денеска МВР.

Увид на местото на сообраќајката извршила екипа од СВР Тетово.

УЈП ќе постави информативни пултови за мерката за поврат на ДДВ

 Управата за јавни приходи (УЈП) денеска попладне ќе постави пулт „Мој ДДВ" во Веро 2 Тафталиџе во Скопје, каде граѓаните ќе можат да се информираат за мерката поврат на 15 проценти од пресметаниот ДДВ.

Вакви промоции на Мој ДДВ во наредниот период ќе се случуваат во повеќе градови низ државата, најави УЈП. 

Трипуновски: Над 500 семејства во „Водостопанство" трет месец немаат земено плата

Овој документ кој што е директно признание на власта дека над 500 семејства во АД Водостопанство веќе трет месец немаат земено плата.

Додека има пари за скапи вина и луксузни коктели и јадења за Николовски, Димковски и нивните сопартијци од СДСМ, директорот Селими ги принудува вработените да потпишуваат Спогодба дека се согласуваат платата за мај месец да им биде исплатена во јули. Да добро слушнавте! 500 вработени во АД Водостопанство ќе ја земат мајската плата во јули! Да не беше трагично ќе беше смешно.

Вработените немаат плата и платени придонеси веќе 3 месеци, исто така претпријатието нема основни средства за работа, резервни делови, нафта кои се неопходни за непречено функционирање на истото, и ова е премногу сериозен проблем. Но, повеќе од очигледно е дека власта и понатаму е глува на оваа алармантна ситуација.

Меѓу овие 500 вработени има луѓе кои имаат потреба од секојдневна медицинска помош и им е потребно здравствено осигурување, има луѓе кои имаат кредити, а веќе доцнат со исплата на рати, и луѓе кои имаат мали дечиња кои што чекат храна од своите родители.

Порачуваме, до менаџерскиот тим на АД Водостопанство и до министерот Димковски да престанат да прават притисоци и закани врз вработените кои си ги бараат заостанатите плати а кои што им се чесно и поштено заработени.

Ова е срамота.

Ова ли е животот што ветувавте на изборите во 2016 година , а денес си играте со човечките судбини на 500 семејства.

Господине Заев на овие 500 вработени во АД Водостопанство не можат да скенираат фискални сметки затоа што немаат пари со кои што можат да купат нешто. Овие луѓе ги оставивте без леб, а сега ги принудувате да потпишаат спогодба, со која се штитите од тужби, за крваво заработените пари на работниците.

Непроценлива штета трпат и илјадници земјоделци ширум Република Македонија кои чекаат на услугите на блокираното претпријатие. Целосен дебакл. Кој од кој е пооштетен.

Одговорност за ова мора да има. Недомаќинското работење и расипништвото ќе го платите на наредните избори.

Цветан Трипуновски – член на ИК на ВМРО-ДПМНЕ

притисни ентер