ВМРО-ДПМНЕ бара оставка од градоначалникот на Шуто Оризари

Имаме работа со аздисана власт која се гуши во криминал, неправда и насилство, рече на прес конференција Димитар Димовски, член на ИК на ВМРО-ДПМНЕ.

Станавме држава каде градоначалникот пулен на премиерот Заев, според објавените аудио снимки, тепа граѓанин, го навредува и го омаловажува.

И ова не е изолиран случај, ова е последица на криминално насилничкиот систем на власта. Живееме во време на сериозна тортура.

Два дена поминаа, а премиерот Зоран Заев се уште го нема да се појави со осуда и барање на оставка за скандалозната аудио снимка која се појави во медиумите, а на која има сериозни индиции дека градоначалникот на СДСМ во Општина Шуто Оризари, Курто Дудуш, бесправно лишува од слобода, малтретира, тепа и навредува граѓанин.

Молкот на премиерот потврдува дека токму Зоран Заев е поткрепата и силата на насилството и беззаконието кое што функционерите на СДСМ го манифестираат врз граѓаните.

Градоначалникот пулен на Заев поради заштитата која што ја ужива од Зоран Заев се однесува шерифски и не почитува ниту закони, ниту право, а далеку е од морални и етички вредности.

Да потсетиме дека и досега овој човек, кој што Заев лично го промовираше и устоличи на позицијата градоначалник на Општина Шуто Оризари беше дел од низа скандали и насилства.

Се почна со претепувањето на противкандидатот на локалните избори, за кое и лично пратеникот Амди Бајрам тврдеше дека го направиле луѓе на Курто Дудуш.

Курто Дудуш лично физички го нападна и активистот на Европската ромска дијаспора АСВА, господинот Демир Исмаил.

Заев не го осуди ниту тоа, а ниту институциите реагираа.

Дополнително Курто Дудуш ги навредуваше ромските активисти од невладините организации и во случајот со нередите кои се случија на почетокот на оваа година, затоа што од него побараа да гради улици и канализација, наместо општинските пари да ги троши за забави себепромоција.

И во овој случај немаше осуда.

Дека Општина Шуто Оризари и власта Истиот тој Дудуш ја гледа како своја лична своина говори и фактот што вработил 10 свои блиски роднини, во бранот на непотистички вработувања кој што го направија функционерите на СДСМ, за што пренесоа сите медиуми.

Ниту за ова не слушнавме осуда од Заев или реакција од институциите.

Исто така Курто Дудуш беше дел од скандалот каде Општина Шуто Оризари доделила на крајно сомнителен начин три тендери во вредност од околу 230 илјади евра на новоформирана фирма која што не ги исполнила обврските, а за кои средства биле исплатени.

Јавноста се уште не слушнала дали е разрешен овој скандал

На крајот, но не помалку важен е скандалот во кој повторно главен лик е самиот Курто Дудуш а во кој јавноста виде дека тој зборуваше дека членската книшка на СДСМ ќе биде новата лична карта со која граѓаните ќе се спасуваат доколку возат нерегистрирано возило, со која ќе може да одат на лекар, со која ќе се вработуваат во министерствата, со која ќе се спасуваат доколку ги гони полицијата и слично.

За сите овие случаи, но и за десетици други скандали кои јавноста ги видела од Курто Дудуш, Зоран Заев, ниту еднаш не излегол со осуда, а уште помалку побарал од него да си поднесе оставка.

Толерираното беззаконие веќе станува начин на функционирање. А главниот стимул на тоа е токму премиерот.

Господине Заев немате друг избор освен да повикате вашиот пулен веднаш да си даде оставка.

Итна оставка без замајување на јавноста кога партијата СДСМ наводно ќе се огради а министерот Спасовски ќе купува време. Ако Дудуш остане на таа позиција, граѓаните на Шуто Оризари ќе продолжат да бидат жртви на неговото беззаконие и самоволие.

Оставка бидејќи се друго ќе биде директна заштита на криминалот, насилството и беззаконието и тоа лично од премиерот Зоран Заев.

Кралот на Маорите на Нов Зеланд сака на китовите да им даде основни човекови права

 Кралот на Маорите на Нов Зеланд денеска повика на китовите да им се дадат основни човекови права за да се заштитат ранливите видови.

Кралот Тухеитија Паки рече дека величествените морски цицачи треба да ги имаат основните човекови права како што е правото на здрава животна средина за да се овозможи обнова на нивната популација.

- Звукот на песната на нашите предци ослабна, а живеалиштето е загрозено. Затоа мора да дејствуваме сега, рече Тухеитија во редок јавен настап.

Во 2017 година, Нов Зеланд донесе закон со кој се дава правен субјективитет на планината Таранаки и реката Вангануи, кои се важни за Маорите, домородни луѓе кои сочинуваат околу 17 отсто од населението на Нов Зеланд, или околу 900.000.

Тухеитија смета дека давање ист статус на китовите би делувало како „наметка на заштита“.

Тој се обрати заедно со високиот поглавица на соседните острови Кук, Травело Ту Арики.

Тие се залагаат домородните знаења да се комбинираат со науката за да се обезбеди „похолистички пристап“ за зачувување на китовите.

- Китовите играат витална улога во здравјето на целиот наш океански екосистем, рече Травел Ту Арики. „Мораме итно да дејствуваме за да ги заштитиме овие прекрасни суштества пред да биде предоцна“, додаде тој.

Сините китови можат да пораснат до 30,5 метри и да тежат до 200 тони.

Но, големината не ги штити. Шест од 13-те големи видови китови се загрозени или ранливи, според WWF, светската организација за заштита на природата.

Откажани летовите од Виена до Скопје и обратно поради штрајк

Откажани летовите од Виена до Скопје и обратно поради штрајк на вработените во „Аустријан ерлајнс“.

Откажани се летовите од Виена до Скопје и обратно поради штрајк на вработените во авиокомпанијата „Аустријан ерлајнс“.

На официјалната веб страница на Меѓународниот аеродром Скопје не се ставени ниту полетувањата, ниту слетувањата со оваа авиокомпанија.

Поради штрајкот, којшто според најавите треба да трае денеска и утре, глобално откажани се околу 400 лета и засегнати се околу 50.000 патници.

Во текот на овие два дена оваа авиокомпанија требаше да реализира 24 лета од Виена до градовите во поранешна Југославија вклучувајќи летови до Белград, Сараево, Загреб, Приштина, Скопје, Подгорица, Дубровник и Сплит.

Царинските службеници во Грција ќе одржат 48-часовен штрајк следната седмица

Од Федерацијата на царински службеници на Грција соопштија дека цариниците од Независната управа за јавни приходи како и од Министерството за финансии ќе одржат 48-часовен штрајк.

Дводневен штрајк за 2 и 3 април закажаа грчките царинските службеници, што ќе влијае и на сообраќајот на граничните премини од Грција кон соседните земји, меѓу кои и Македонија, јави дописничката на МИА од Атина.

Од Федерацијата на царински службеници на Грција соопштија дека цариниците од Независната управа за јавни приходи како и од Министерството за финансии ќе одржат 48-часовен штрајк, а од Синдикатот на вработени во јавниот сектор преку соопштение изразија поддршка за штрајкот.

Според информациите на дописничката на МИА од Атина, поради 48-часовниот штрајк на цариниците целосно ќе биде во прекин сообраќајот на граничните премини од и кон Грција за товарните возила и секаков вид пратки, додека пак во однос на автомобилите, не е исклучена можноста возилата повремено да се пропуштаат, нешто што ќе се дефинира и појасни непосредно пред почетокот на штрајкот.

притисни ентер