Трамп ја одложи акцијата за масовни апсења мигранти

Претседателот на САД, Доналд Трамп изјави дека за две недели ја одложува најавената акција за масовни апсења на нелегални имигранти со цел да се даде време на законодавците да постигнат компромис за имиграциските прашања.

"На барање на демократите, јас го одложив процесот на отстранување на нелегалната имиграција (депортација) за две недели, со цел да се види дали демократите и републиканците заедно ќе најдат решение за проблемот на азил и нелегални премини на јужната граница", напиша Трамп на Твитер. "Ако не, почнуваат депортациите", додаде тој.

Претходно во саботата, претседателката на Претставничкиот дом на американскиот Конгрес, Ненси Пелоси ги повика верските водачи да извршат притисок врз претседателот  Доналд Трамп да ја запре акција против имигрантите и нивна масовна депортација, што денеска требаше да  опфати 2.000 семејства во 10 градови во САД.

Демократот Пелоси рече дека рации и депортации "ќе донесат страв во нашата заедница" и ќе ги разделат семејствата.

"Кампања на претседателот не се разликува од извршување  сериозен криминал", рече Пелоси и ги повика верските и другите лидери да му укажат на Трамп за вредноста на американската програма за бегалци.

Владата денеска треба да даде зелено светло за новиот закон за ЈО

Државниот јавен обвинител треба да ги преземе предметите од СЈО и да не го чека законското решение за да нема застој во одвивањето на постапките пред судовите, вели за Канал 5 поранешниот  претседател на Врховниот суд Дане Илиев.

Тој вели дека секое тактизирање негативно ќе се одрази за имиџот на јавното обвинителство и за предметите. Според Илиев, државниот јавен обвинител Љубомир Јовевски треба да одлучува и за тоа кој ќе застане на чело на веќе предложеното - Јавно обвинителство за гонење на организиран криминал и висока корупција, позиција за која премиерот Заев рече дека ќе ја преземе обвинителката Вилма Рускоска. 

“ Мислам дека за тоа кој треба да раководи со одделите на ЈО треба да се овласти и да биде доминус јавниот обвинител на Македонија. Не може некој друг да бира обвинители и така натаму, мислам дека со тоа се навлегува во неговите надлежности околу условот што му ги дава како орган кој гони сторители на кривични дела. Од таму кој ќе раководи за организиран криминал треба да одлучи јавниот обвинител на Македонија. Сите други варијанти да го бираат Совет на јавни обвинители , да дадат мислење, мислам дека е клучно за инволвирање на политика. “ вели Илиев.

Поранешниот претседател на Врховен вели дека треба да се преиспита работата на сите обвинители од СЈО, за да се утврди дали имаат одредена инволвираност во предметот “Рекет”. Доколку не се утврди одговорност, вели тој, тие треба да продолжат со работа.  

Министерката за правда Рената Дескоска писмено за Канал 5 вели дека личната одговорност не треба да се врзува со одговорноста на целата институција. Јавното обвинителство е тоа кое ќе истражи дали други лица се инволвирани, или не, вели Дескоска.

По објавувањето на новиот предлог закон за јавното обвинителство се отворија и прашањата што ќе се случува со нелегално прибавените прислушувани разговори. Од Министерството за правда велат дека иднината на овие материјали се препушта  и уредува со Законот за кривична постапка.

Јанева се појави на прес конференција во СЈО, не одговори на новинарски прашања

Откако минатиот понеделник даде оставка која коинцидираше со објавувањето на аферата рекет, специјалната обвинителка Катица Јанева денеска дојде во СЈО.

Таа  се обрати  на јавноста на прес конференција но не одговори на новинарските прашања.. таму е нашиот репортер Михајло Видимлиски.

Повеќе во видеото.

Новиот закон за ЈО влегува во собраниска процедура

Пратениците денеска го очекуваат предлог законот за јавно обвинителство, најавен од премиерот Зоран Заев. 

Нацрт текстот се очекува да помине на владина седница и веднаш потоа да биде испратен до парламентот. Власта ги повика пратениците да го поддржат законското решение кое се смета за едно од приоритетните за добивање на датумот за преговори со ЕУ во октомври. Американската амбасадорка во земјава Кејт Мери Брнз денеска на средба со претседателот на собранието Талат Џафери се интересирала дали законот може да биде изгласан до 15-ти септември во пресрет на одлуката на датумот за преговори. Џафери вели ако има консензус законот ќе биде изгласан и порано.

Претседателот на Собранието, Талат Џафери, не сака да коментира шпекулации околу евентуалната вмешаност на пратеници во случајот „Рекет“ кој го отвори Обвинителството за гонење на организиран Криминал и корупција, но вели доколку за време на колективниот одмор на пратениците пристигне барања за кои треба итно да се одлучува, пратениците ќе бидат повикани.

Инаку, предлогот за интегрирање на СЈО во Јавното обвинителство за организиран криминал влегува во собраниска процедура без претходен договор меѓу власта и опозиција, кои четири месеци наназад неуспешно преговараа. ВМРО ДПМНЕ се уште го анализираат предлогот. Нема поддршка и од албанските опозициски партии. Зијадин Села, лидерот на Алијанса за Албанците, коментирајќи го законот вели на земјава и е потребен меѓународен експерт за обвинител.

притисни ентер