Тој ден Фердинанд Порше потпиша договор со германската влада за развој на "автомобил за луѓето", едноставен и сигурен.

Барањата беа да има простор за пет лица, моторот да биде со воздушно ладење (за лесно одржување во зимски услови), да достигнува 100 km/ h и да троши осум литри на 100 километри.

И што е најважно, цената да биде до 1.000 марки за да се овозможи да ја купи просечниот германски работник, со што беа поставени темелите за моторизацијата на Германците.

Тогаш Фердинанд Порше комуницирал со Адолф Хитлер со кого почнал да се среќава уште во 1933 година.

Порше стана "државен конструктор број 1" и ќе игра решавачка улога во развојот на воената технологија за Вермахтот.

Во наредната година и половина беа направени три прототипи, за кои на 22 октомври 1936 година почна сеопфатна програма за тестирање.

Врз основа на добрите резултати на 28 мај 1937 година, основана е државна компанија, сега позната како _Folksvagen. Конечно, на 26 мај 1938 година, во Фалерслебен, беше воведен KdF-Wagen, кој ќе се прослави како Фолксваген Буба.

Сепак, пренасочување на ресурсите на воените вложувања значи дека испораките на KdF-Wagen на приватни клиенти ќе започнат дури по Втората светска војна. Во меѓувреме се произведени серија на воени верзии, а за заживување на производството во 1945 година заслугата му припаѓа на британскиот мајор Иван Хирст.

Тоа беше почетокот , а по освојувањето на светот на 17 февруари 1972 година од производната линија во Волфсбург излезе VW Буба под број 1 500 7034, со што го урна 45-годишниот рекорд на легендарниот Ford Model T и историјата на автомобилизмот доби нов рекордер.

Производството во Европа беше прекинато на 19 јануари 1978 година, а производството продолжи во Бразил и Мексико. До 2003 година беа произведени вкупно 21,5 милиони примероци ан Буба, која годинава и конечно престана да се произведува.