Товарно возило удри во застанатиот автомобил во лентата за застанување, а ударот предизвикал пожар. Несреќата се случила околу 16 часот кога автопатска полиција застанала возач на автомобил БМВ поради брзо возење. Според извештајот по застанувањето на возилото за контрола во истата лента со силна брзина удрило товарно возило.
Од силниот удар бил предизвикан пожар, и во него биле повредени четворица. 34 годишниот жител на Гостивар совозач во BМВ-то загинал на самото место, а возачот и двајцата полицајци биле пренесени во Ургентниот центар каде на повредите подлеганал полицаецот 37 годишниот Сафет Бајрами.
Возачот на БМВ-то е во стабилна состојба, а другиот полицаец е пуштен на домашно лекување. Денеска на несреќата искрешените и запалени делови од автомобилот се уште стоеја, од силниот пожар целиот мост беше исцрнет, а она што истрагата треба да покаже е што била причината возачот на товарното возило да удри во авотмоболиот кој бил застанат од страна на полицијата. Денеска овде немаше контрола на патот, но дел од возачите возеа многу брзо.
Сочуство до семејството денеска изразија колегите од полицискиот синдикат. Министерот за внатрешни работи Оливер Спасовски објасни дека ќе бара измени во законот за сообраќај и ќе бара измени во законот за електороснки безбедносни камери.