Трамп му се закани на новинар со затвор поради фотографија

Американскиот претседател Доналд Трамп му се закани  на новинар на магазинот "Тајм", кој ја објавил  фотографијата од писмото на Ким Џонг-Ун упатено до американскиот претседател.

Трамп му се закани со затвор на новинар на прес конференцијата во  Овалната канцеларија , зашто бил  предупреден од помошникот  да не фотографира.

"Може да одиш во затвор", се закани претседателот Трамп.

Интервјуто се одржа во Овалната канцеларија на Белата куќа во понеделникот, два дена пред Трамп да отпатува за Флорида, за формално да ја започне кампањата за реизбор во 2020 година.

За време на интервјуто,  Трамп побарал да зборува надвор од сценариото, па во еден момент им го покажал писмото за кое рекол дека е од лидерот на Северна Кореја.

"Еве едно писмо, во ред, сега ќе ви го покажам ова писмо", рекол претседателот. "Значи ова беше напишано од Ким Џонг-ун. Тоа беше доставено до мене вчера. Напишано на рака".

Додека се разговарало за изборите , новинарот го фотографирал писмото . Портпаролката Сара Сандерс рекла де ка не може да се фотографира , кога веќе било предоцна . 

Тревога на аеродромот во Белград, евакуирани 130 патници

Утринава од аеродромот „Никола Тесла” во Белград беа евакуирани 130 патници и пет члена на екипажот од авионот на германската компанија „Луфтханза“ поради најава дека има бомба во авионот.

Авионот како што пренесуваат српските медиуми бил во подготовка за лет кон Франкфурт кога пристигнала дојавата, а на аеродромот веднаш биле испратени полициски екипи.

„Сите одговорни служби, вклучувајќи ги аеродромските услуги, веднаш реагираа во согласност со процедурите за да обезбедат највисоко ниво на безбедност за патниците и авионите, како главен приоритет”, се вели во соопштението на аеродромот.

Од таму додаваат и дека воздухопловниот сообраќај, се одвива според предвидениот распоред за летови.

СДСМ: Мицкоски бега од лидерска, реформи и од јавноста

Христијан Мицкоски да излезе пред граѓаните и да одговори дали се сретнал со еден од осомничените, на кој му е одредена мерка притвор.

Мицкоски бега од лидерска, Мицкоски бега од реформи, Мицкоски бега и од јавноста.

Наместо да бега, Мицкоски да излезе и да и одговори на јавноста, на граѓаните:

Дали со еден од осомничените на кои им е одредена мерка притвор имал неколку средби во една позната дискотека, а потоа и во белиот дворец?

Дали посегнал по парите на еден од осумничените?

Мицкоски е против правдата затоа што единствена негова мисија и цел е одбрана на криминалот на вистинскиот претседател на ВМРО-ДПМНЕ, Никола Груевски.

Мицкоски и штети на државата и работи против датум за преговори.

Ахмети се сретна со новата амбасадорка на САД Брнз

 Претседателот на Демократската унија за интеграција (ДУИ), Али Ахмети, во Амбасадата на САД во Скопје, оствари средба со новата американска амбасадорка во Македонија, Кејт Мари Брнз.

Ахмети и честитал на амбасадорката Брнз за новата должност и изразил убедување дека успешната соработка со САД ќе продолжи и во иднина во насока на реализирање на нашите заеднички цели,Македонија интегрирана во НАТО и ЕУ и со функционална демократија.

Од ДУИ денеска соопштија дека Ахмети и Бернс разговарале и за заедничките достигнувања во насока на општествената кохезија, договорите со Атина и Софија и патот кон НАТО и Европската Унија.

– Ахмети истакна дека ни претстои уште многу работа, посебно во насока на владеењето на правото и реформите, вклучувајќи ги тука и одговорноста и отчетноста. Нашата земја чекори кон евроатланската интеграција и задолжително треба да ги исполни бараните стандарди, додека ДУИ ќе продолжи да биде партнер во реализација на реформите за доброто на нашите граѓани, стои во соопштението од ДУИ.

Ахмети, се подвлекува во соопштението, посочил дека сите достигнувања се заеднички и оти САД може да сметаат дека ДУИ ќе продолжи да биде искрен партнер.

притисни ентер