Од морбили до сега вакцинирани 30.406 деца на возраст до 14 години

Министерството за здравство информира дека вкупниот број вакцинирани лица на возраст до 14 години со МРП вакцина од почетокот на епидемијата во целата држава изнесува 30.406. 

Од нив, 15.491 дете се вакцинирани во Скопје, додека 14.915 деца се вакцинирани во останатиот дел од државата.

Во периодот од 14.06 до 21.06.2019 година се пријавени вкупно 59 нови случаи на мали сипаници.

Согласно дополнително добиени резултати од вирусолошката лабораторија при ИЈЗ и направената повторна класификација на пријавените случаи, согласно дефиницијата на случај за мали сипаници, вкупниот број случаи од декември 2018, заклучно со 21.06.2019, во Република Северна Македонија изнесува 1.814 случаи, со стапка на заболување од 87,7 на 100 илјади жители. Во анализите не се земени во предвид отфрлените случаи и лицата за кои недостига лабораториска потврда.

Од почетокот на епидемијата, досега, во центрите за јавно здравје, дополнително се аплицирани вкупно 5.305 дози од вакцината, од нив повеќе од 60% се здравствени работници, студенти и ученици во средните медицински училишта, останатите се контакти и лица над 14 годишна возраст.

Вакцинацијата е единствената мерка за заштита од мали сипаници. Не постои друга поефективна медицинска технологија што го заштитила и го унапредила човековото здравје како вакцинацијата. Здравјето на детето е најважно, информиора Минисртерството за здравство. 

Фото: „Жешката“ Никол во бело бикини

Нови „жешки“ фотографии на светската музичка ѕвезда Никол Шерзингер.

 Атрактивната Никол дефинитивно знае како да предизвика хаос на социјалните мрежи.

Веќе подолго време Никол ужива на одморот во родните Хаваи, од каде редовно своите милионски фанови на социјалните мрежи ги „пали“ со фотки на кои во предн план е нејзиното совршено тело.

Во новите фотки Никол позира во бел едноделен костим за капење кој го истакнува нејзиниот сексапил. 

Популарната пејачка воедно може да се види и во минијатурно бикини како осамена  но, задоволна ужива на плажа во Хаваи.

Фото: Го заборави Бредли, Ирина во друштво на друг маж!?

Убавата руска манекенка Ирина Шајк кој во последните неколку месеци многу често беше присутна во медиумите поради разделбата со актерот Бредли Купер  е видена во друштво на друг маж.

Атрактивната Ирина која во моментов престојува во Њујорк  папараците ја фотографирале во друштво на друг маж .

Според некои медиуми станува збор за нов маж во нејзиниот живот, но подоцна се испоставило дека Ирина е видена во друштво на својот  пријател Алек Максвел, креативниот директор на британското издание на „Вог“.

Апел на МД „Илинден": Да му помогнеме на Алекс, да бидеме хумани

 Македонското друштво „Илинден" со седиште во Тирана упати апел до сите хумани луѓе да го помогнат лекувањето на петгодишниот Алекс Мазенкофски, по потекло од Мала Преспа.

– Сите хумани луѓе уште еднаш имаат можност да ја покажат својата хуманост на дело. Кој колку што може да донирa, да помогнеме за лекување на малиот Алекс со потекло од Преспа, Албанија, кому преку ноќ му се смени животот. Средствата може да се уплатат преку Гофундме на следниот линк https://www.gofundme.com/f66qz-10000. Молиме активно да се вклучите во акцијата за лекување на малиот Алекс, Вие, вашите пријатели, колеги и пријатели. На тој начин ќе ми дадеме поддршка на Алекс безгрижно да го мине детството и да ги оствари своите соништа, стои во апелот на друштвото.

Друштвото го пренесува и апелот на неговите родители, во кој се наведува дека на малиот Алекс неодамна му била дијагностицирана многу ретка болест наречена холестатом. Тоа е ткиво што расте во неговото лево уво и треба веднаш да се отстрани, бидејќи подоцна може да предизвика парализа на лицето.

По завршувањето на сите испитувања било утврдено дека со итна операција на оваа возраст успешно се лекува. Доколку семејството обезбеди средства детето може да се оперира на крајот од овој месец во болница во САД, каде што живее семејството.

За операцијата се потребни 47.000 а до сега се собрани околу 5.100 долари. /МИА.

притисни ентер