Македонија

Нови 74 проекти за развој на селата и на подрачјата со специфични развојни потреби

Со средства од буџетот на Министерството за локална самоуправа до крајот на годината ќе се реализираат 74 нови проекти за развој на селата и на подрачјата со специфични развојни потреби.

Ова го соопшти министерот за локална самоуправа Сухејл Фазлиу на денешната седница на Советот за рамномерен регионален развој.

На седницата е утврдена и предлог-одлуката за финансирање на проекти од Програмата за рамномерен регионален развој на Министерството за локална самоуправа.

Од Министерството за локална самоуправа информираат дека, во функција на рамномерниот развој на државата ќе бидат финансирани 35 проекти за развој на селата, во вкупна вредност од 41.250.000 денари, во сите осум плански региони.

– Во најмалку развиениот, североисточниот плански регион, ќе бидат финансирани четити проекти, во југоисточниот шест, во источниот пет, во пелагонискиот три, во полошкиот три, во југозападниот четири, во вардарскиот седум и во североисточниот плански регион три проекти, се вели во соопштението од Министерството.

За реализација на 39 проекти за развој на подрачјата со специфични развојни потреби се обезбедени 82,5 милиони денари.

Во буџетската програма за рамномерен регионален развој за 2019 година, се вели во соопштението, се издвоени двојно повеќе средства за проекти во однос на 2017 година, со тенденција зголемувањето на средства за оваа намена да продолжи и во наредната година.

Од Министерството, информираат дека со средства од буџетската програма за рамномерен регионален развој веќе се реализираат 43 проекти за развој на осумте плански региони, во вкупна вредност од 290 милиони денари или 4,7 милиони евра, од кои пет се за подготовка на техничка документација, додека пак, 38 се инфраструктурни проекти.

Македонија

Пендаровски: На 8 мај двојна победа за сите нас и за Македонија

Претседателскиот кандидат Стево Пендаровски денеска беше меѓу жителите на општината Чучер-Сандево.

Заблагодарувајќи им се што одлучиле попладнето да го поминат со него, Пендаровски рече дека на 8 мај е загарантирана двојната победа.

„100% победуваме. На 8 мај ќе славиме за двојната победа за сите нас и за Македонија", истакна Пендаровски.

Говорејќи за досегашната работа на актуелната политичка гарнитура, Пендаровски го истакна членството во НАТО, како најголема организација која ја гарантира безбедноста и стабилноста на сите членки без исклучок. „Без пријатели, мала земја како нашата, тешко може да опстане“ потенцираше Пендаровски.

Тој ги повика граѓаните на Чучер-Сандево масовно да излезат на гласање на 24 април, да заокружат број 1 и да добијат гаранција за подобра иднина на нивните деца и на нивните внуци, соопштуваат од тимот на Пендаровски.

Забава

Салма Хаек со поќерката ги привлече сите погледи во Венеција (ФОТО)

Салма Хаек и нејзината 23-годишна поќерка Матилда Пино привлекоа внимание на гала вечерта во Венеција, каде се појавија во елегантно издание.

57-годишната актерка пристигна во долг син фустан со светки, додека Матилда носеше сребрен фустан. Со нив бил и Франсоа-Анри Пино, сопругот на Салма и татко на Матилда.

Актерката е во брак со бизнисменот Франсоа-Анри Пино од 2009 година. Салма ја има ќерката Валентина Палома со Пино. Бизнисменот од врската со Линда Евангелиста го има синот Аугустин Џејмс, а од првиот брак со Дороте Лепер ја има ќерката Матилда и синот Франсоа.

Од почетокот на врската со Пино, Салма развива добри односи со неговите деца. Таа неколку пати објавуваше заеднички фотографии.

Македонија

Димитриеска Кочоска: Платформа 1198 значи повисок стандард, раст на БДП од 5% на среден рок

Состојбата е катастрофална во секоја сфера. Главниот проблем е тоа што државата не е функционална и тоа што граѓаните воопшто не можат да имаат никакво влијание и немаат влијание врз одлучувачките процеси.

Ако немаме економија, тогаш не можеме да очекуваме развој во ниту еден сегмент.

Не смееме да дозволиме и понатаму, државата да биде киднапирана од стотина луѓе од власта кој што носат одлуки само за нивни лични интереси и за нивно богатење.

И токму поради тоа, народот треба да стави стоп на ваквото однесување. Да излезе масовно и да гласа, затоа што се потребни промени, промени кои што ќе ја направат Македонија твоја.

Денес сум во Македонски Брод, кој што можам комплетно да кажам дека е целосно заборавен од централната власт и токму тоа треба да се промени.

Имав средби со граѓани, имав средби со стопанственици. Едногласно е секаде размислувањето и одлуките на луѓето дека промени мора да да има. При тоа, го искористивме периодот од денот да ги презентираме мерките и решенијата кој што ВМРО-ДПМНЕ ги има во својата Платформа 1198, кој што и всушност значат многу подобар живот за граѓаните, повисок животен стандард, раст на БДП од 5% на среден рок, повеќе пари за малите и средби бизниси, повисоки пензии.

Затоа, масовно треба да излеземе и да гласаме на 24 април и на 8 мај, со цел да има промени и за повторно Македонија да биде твоја, односно да биде наша, рече Гордана Димитриеска Кочоска, кандидат за пратеник во изборна единица 1.

притисни ентер