Анкета: Загрижувачка ниска доверба на граѓаните во АВМУ и АЕК

Загрижувачки ниска е довербата на граѓаните во Агенција за аудио и аудиовизуелни медиумски услуги (АВМУ) и Агенцијата за електронски комуникации (АЕК). 

Перцепцијата на граѓаните за нивната независност годинава бележи двојно опаѓачки тренд, односно нешто помалку од 20 отсто од граѓаните веруваат дека двете агенции се независни од бизнис и политичките центри на моќ.

Ова денеска го истакна Гордан Лазаров од Евротинк – Центар за европски стратегии на денешната презентација во Скопје од резултатите од истражувањето на јавното мислење поврзани со АЕК и АВМУ како и за задоволството на граѓаните од услугите и цените на мобилната телефонија.

Лазаров посочи дека перцепцијата на граѓаните за транспарентноста и професионалноста кај АВМУ бележи мал пораст, што се однесува до Агенцијата за електронски комуникации, таму стагнираат, но довербата кај двете агенции бележи загрижувачки, скоро двојно опаѓачки тренд.

Според резулатите, мнозинството граѓани, и тие што ги препознаваат агенциите не се доволно запознаени со нивните надлежности, што всушност работат овие агенции или која е улогата на овие две регулаторни тела. Над 60 отсто од граѓаните сметаат дека на раководните функции на двете агенции се поставуваат само личности кои се блиски до одредена политичка партија.

-На прашањето дали слушнале граѓаните за АЕК постои нагорен тренд на препознатилвост, околу 7 отсто во споредба со лани е зголемена препознатливоста кај граѓаните за АЕК. Жителите од урбаните средини слушнале повеќе за АЕК, за разлика од жителите од руралните средини, изјави Лазаров.

Додаде дека над 50 отсто од граѓаните со високо образование ја препознаваат оваа агенција со средно образование, малку над 40 отсто, а со основно образовгание само нешто над 20 отсто.

– Сериозен е падот за околу 50 отсто од граѓаните во споредба со лани во поглед на тоа како гледаат граѓаните на независноста на агенцијата од партиските и владините центри. И покрај тоа што има зголемување на 8 отсто од лани, нешто помалку од 30 отсто ја препознаваат АВМУ. Дури над 50 отсто сметаат дека АВМУ има надлежност да ги заштити корисниците на мобилната технологија, појасни тој.

Дури и надлежности што се реалност на АВМУ, како контрола на програмата на медиумите и како контрола на платеното полиитчко рекламирање во текот на изборната кампања, граѓаните ги мешаат тие надлежности и сметаат дека се дел и на АЕК.

– Во поглед на транспарентонста на АЕК, таа стагнира дури има и мало опаѓање, 4 отсто во споредба со лани е намалено, 34 отсто од граѓаните сметаат дека е транспарента, додаде Лазаров.

Што се однесува до цените на услугите на мобилната телефонија и интернетот корисниците, тие имаат поделено мислење.

Како што кажуваат резултатите во поглед на цените, околу 50 отсто се задоволни од цените, околу 50 отсто не се задоволни. Незадоволството е поизразено кај граѓаните од руралните средини. Дури 54 отсто од граѓаните што живеат во рурални средини не се задоволни од квалитетот на медиумите и цените на мобилните.

– Во поглед на квалитетот, во споредба со цените, задоволството од квалитетот е на повисоко ниво, меѓутоа и тука ја има таа разлика околу руралните и урбаните средини. Жителите на руралните средини се помалку задоволни во споредба со жителите од урбаните средини, рече Лазаров.

Анкетата е спроведена од Евротинк – Центар за европски стратегии, НВО Инфоцентар, Транспарентност Македонија и Хелсиншки комитет за човекови права од 16 февруари до 7 март годинава со репрезентативен примерок од над 1 200 испитаници. /МИА.

ВМРО-ДПМНЕ на Извршен и Централен ги утврдува пратеничките листи

ВМРО-ДПМНЕ одржува седници на Извршниот и Централниот Комитет на кои треба да ги утврди целосните пратенички листи, откако претходно ги обелодени носителите во сите шест изборни единици.

Од пред седиштето на ВМРО-ДПМНЕ ја вклучуваме Михаела Димовска..

Михаела познати ли се веќе кандидатите за идни пратеници од ВМРО-ДПМНЕ?

Ахмети и Османовска го потпишаа коалицискиот договор за приклучување на Унија на Ромите

Претседателката на Унија на Ромите, Фатима Османовска и лидерот на Демократската унија за интеграции, Али Ахмети, денеска во општина Шуто Оризари го потпишаа коалицискиот договор за приклучување на Унија на Ромите кон Европскиот фронт.

Османовска порача дека Ромите ќе влезат во Европската Унија како рамноправни со сите граѓани, бидејќи како што рече, ромската заедница има високо образовен и стручен кадар, како и ромска политичка партија, за која рече, обединува и организира.

- Како заедница со децении наназад молиме за да се створи шанса за нас, ни велеа немате образовен кадар, немате политичка моќ, не сте организирани. Еве сме сега со високо образовен и стручен кадар со ромска политичка партија која што обединува и организира. Застанати пред европската врата, Ромите ќе влезат во ЕУ како рамноправни со сите граѓани, порача Османовска.

Лидерот на ДУИ, Али Ахмети, во своето обраќање истакна дека големо достигнување е тоа што Општина Шуто Оризари е единствената општина на ромска заедница во Европа и ѝ укажа на Османовска дека ја има поддршката од Албанците, бидејќи како што рече, тие знаат како е да се биде маргинализиран.

– Претседателке вие нема потреба да поставувате барања, нашата поддршка несомнено ја имате, ние знаеме како е да се биде маргинализиран и затоа ќе се залагам повеќе за вас отколку за мене. Со целосна одговорност ви ветувам, пробајте нѐ да видите какви партнери сме, не со зборови, туку со дела. Нашата земја мора да се интегрира во ЕУ и да има владеење на правото, а тоа заедно како Европски фронт мора тоа да го постигнеме. ДУИ ќе направи сѐ што е потребно за во Собранието да има ромска претставничка, порача Ахмети.

На прес-конференцијата посветена на потпишувањето на коалицискиот договор беше присутен и градоначалникот на Општина Шуто Оризари, Курто Дудуш, кој изрази жалење што претходните политичари не ја препознале приликата да ја искористат можноста на Рамковниот договор, онака како што го искористиле Албанците.

– Жалам што претходните политичари не ја препознаа оваа прилика да се искористи Рамковниот договор рака како што го искористија Албанците да бидат рамноправни со Македонците. Со овој договор Ромите ќе почнат да живеат сонот кој требаше да започне уште пред 24 години, рече Дудуш.

Полска тврди дека НАТО прави планови за соборување на руски проектили

НАТО ги разгледува плановите за соборување руски ракети доколку се приближат до границите на алијансата, тврди Полска, откако проектил залутал во нејзиниот воздушен простор.

Анджеј Шејна, заменик-министер за надворешни работи на Полска, изјави за локална радио станица дека „различни концепти се анализираат во рамките на НАТО... вклучително и соборување на такви проектили кога тие се многу блиску до границата на Алијансата“,пишува Телеграф.

„Но, тоа би морало да се случи со согласност на украинската страна и земајќи ги предвид меѓународните последици“, додаде тој.

Во неделата вечерта, Варшава соопшти дека руската крстосувачка ракета истрелана на цел во западна Украина поминала околу 1,6 километри во полскиот воздушен простор, поминувајќи 39 секунди.

Полското Министерство за одбрана ги активираше системите за противвоздушна одбрана и борбените авиони на НАТО, Ф-16 откако објектот залута преку границата на Алијансата во близина на Осердово, село во земјоделски регион во близина на границата со Украина.

Крстосувачките проектили можат да ја променат својата траекторија во воздух за да избегнат одбранбени системи.

Владислав Косинијак-Камис, полскиот министер за одбрана, подоцна им изјави на новинарите дека проектилот би бил соборен доколку имало знаци дека се движи кон цел во Полска.

Една од опциите за одбрана е да се соборат ракетите пред да преминат од Украина во воздушниот простор на НАТО. Сепак, ова може да го искористи Москва како оправдување за ескалација во поширок конфликт надвор од границите на Украина.

Претходните лансирања на руски ракети и беспилотни летала во воздушниот простор на НАТО останаа без одговор, и покрај сугестиите дека членот 5 на алијансата за взаемна одбрана може да биде активиран како одговор на таков инцидент.

Во вторникот САД објавија дека се подготвени да ги исполнат обврските кон НАТО и да ја бранат Алијансата во случај на напад.

Запрашана за изјавите на Полска, Сабрина Синг, портпаролка на Пентагон, рече: „Она што го зборуваше администрацијата е дека ќе ја браниме секоја педа од НАТО“.

притисни ентер