Темнина, изгорени ѕидови растурен шут и мирис на изгорено

11 дена од пожарот во Кисела Вода во зградата ретко ќе помине некој станар од целосно уништените станови да го собере отпадот и да замине.

Темнина, изгорени ѕидови растурен шут и мирис на изгорено, снимки како за хорор филм. 11 дена од пожарот во Кисела Вода во зградата ретко ќе помине некој станар од целосно уништените станови да го собере отпадот и да замине.

Во зградата се уште нема струја. Оваа светлина која дава малку видливост низ ходниците и скалите преку кабел ја добиваат од третиот влез.

Денеска се израдуваа нивните соседи од друигот влез каде беа исклучени од безбедносни причини. Но, станарите од оваа зграда денеска беа заборавени и од нивните први соседи, кои не сакаа да ја коментираат несреќата на нивните комшии.

Од фирмата „Виртус Елиас“ управител на зградата за Канал 5 објаснуваат дека елаборатот е подготвен и струја ќе добијат парцијално долните катови, а онаму каде што се целосно оштетни становите спасот ќе го бараат со записникот од полицијата да заминат во општина за да видат колку може да се помогне финасиски.

Спратовите од оваа зграда гореа минатиот понеделник кога пожарот од петтиот кат се прошири и кон другите катови. Причина за пожарот е прегреан продолжен кабел. Во големиот пожар беа повредени 11 луѓе. 

Ахмети: Изборите се најдобро решение

Лидерот на Демократската унија за интеграција Али Ахмети изјави дека изборите се најдобро решение, по недобивањето на датумот за започнување на преговорите.

– Мислам дека најдоброто  решение за нашата земја е да се оди на вонредни избори. Јас би сакаал да не се бара вина бидејќи е неприфатливо да се прифати неправедна вина. Вината не се наоѓа кај земјите аспиранти и најдоброто решение е да се направи нова понуда за граѓаните, изјави Ахмети.

Според него, од недобивањето датум, не треба да се разочаруваме, туку да се организираме и да бидеме поуспешни во почнатите реформи.

-Зошто да ја прифатиме вината која ја немаме направено. Имаше и канцелари од цела Европа кои истакнаа дека грешката е во нив затоа што како ние и Албанија ги исполнуваме сите барањата на ЕУ, наведе Ахмети кој присуствуваше во изборот на новото раководство на ДУИ во Желино.

И НАТО и ЕУ, посочи, се изградени врз принципите на консензуалноста.

– Сите се согласија дека тоа се е договорено и оти треба да ги отвориме преговорите, но ние не сме тие што одлучуваме. Франција која не се согласи да даде зелено светло, поднесе една програма, опција што се обидува да ја инсталира и да ги промени политиките на ЕУ за земјите што сакаат да се придружат или отварат преговори. Останува задача на Унијата да дискутира за новата филозофиа која ја пружи оваа земја членка, рече Ахмети./МИА

Груевски на ФБ: Одлуката на Заев за предвремени избори во неговите очи е последната “сламка за спас”

Поранешниот премиер на Република Македонија Никола Груевски се огласи со статус на социјалната мрежа Фејсбук.

Вистинската причина заради која Заев се одлучи на брзи избори по неуспехот со почетокот на преговорите со ЕУ е неговата намера повторно, обидувајќи се да ја демонизира опозицијата, да моли за поддршка во изборите пред меѓународниот фактор.

Очигледно неговата лична проценка е дека ова е последен момент кога би можел да состави некаква приказна, колку и таа да звучи неубедливо, за да побара таква помош.

Тој е свесен дека без нив нема никакви шанси народот да му даде доволно поддршка, со која би победил или пак по поразот на изборите и без победа да состави влада.

Всушност тој би одел горе-долу со истата кампања и тези надвор кај меѓународниот фактор, но и внатре на самите избори. Претставувајќи ја опозицијата како ,,националистичко плашило” за европските и евроатланските интеграции, а себеси како “ангел спасител” за истото.

Одлуката на Заев за предвремени избори не е ниту за добивање насока од граѓаните чија насока никогаш и не му значела ниту некогаш ја почитувал, ниту за нова доверба која никогаш не ја ни добил, ниту за неговиот кредибилитет кој всушност и го нема.

Одлуката во неговите очи е последната “сламка за спас”.

Тој се плаши дека по приемот во НАТО и по потпишувањето на договорите за учебниците по историјата со двата соседа, неговата употребна вредност целосно ќе исчезне, дека не само што меѓународниот фактор ќе нема ниту една причина да се ангажира и да го поддржува на избори и при составување влада, туку заради неспособноста и криминогеноста може и да сака да се ослободи од овој криминоген ренегат бидејќи неговите катастрофални чекори надвор од испорачувањето на двата договори со соседите се повеќе им се препишуваат ним.

Но приказната на Заев е јалова. Секому му е јасно дека опозицијата е поддржувач на европските и евроатланските интеграции затоа што тоа е интерес на Македонија и на македонскиот народ и граѓани. Старата ,,финта” го нема истиот ефект кога втор пат се употребува, особено на ваков начин.

Откако вчера го провери ,,пулсот” и ја виде реакцијата кај сите кои ги смета за блиски во партијата и пошироко со приказната дека ќе поднесе оставка, денес излезе со планот, кој сигурно не му е од вчера.

Слична ситуација, но со различни мотиви, имаше во 2008 година. Тогаш ВМРО-ДПМНЕ отиде на брзи предвремени избори по самитот на НАТО во Букурешт, но имаше три мотиви и две дополнителни околности кои заедно во пакет насочува кон неминовност од брзи избори:

1. Имавме блокада на парламентот со спроведениот филибастеринг на ДУИ кој тогашниот деловник за работа го овозможуваше до бескрај (не случајно прва работа по изборите кога имавме 62 пратеника беше промена на деловникот). Над 150 закони беа блокирани без надеж да се деблокираат. Без можност да се моделираат нови политики за развој и напредок на државата преку законите се губеше смислата на владеењето.

2. Сите пост изборни коалициони партнери на ВМРО, поточно нивните лидери беа во тајни заткулисни разговори, а две од нив во финални преговори со СДСМ за формирање ново мнозинство. Беа во прашање недели за формирање ново парламентарно мнозинство и заминување на ВМРО во опозиција.

3. Анкетите покажува историско водство и поддршка кај народот за ВМРО, што и се докажа на изборите. Два други значајни фактори и околности беа исто така пресудни. Ни беше целосно јасно дека после триумфализмот на Караманлис по враќањето од Букурешт во Атина не постојат теоретски шанси тоа што го блокираше во Букурешт да го овозможи во следните 2-3 месеци. Второ, меѓународната заедница иако со мали критики за предвремените избори, сепак беше неутрална.

.Денес после самитот на ЕУ во Брисел ништо од ова не постои. Ниту Заев има поддршка кај народот поголема од опозицијата, ниту блокада во парламентот, ниту некој негов коалициски партнер размислува да го напушти во ова време кога казната за тоа е притвор, обвинение и затвор, независно дали има или нема вина.

Денес главниот мотив на Заев е неговата последна надеж дека ќе го убеди меѓународниот фактор дека се уште има потреба од макар и криминоген и неспособен марионетски премиер, односно дека на таков начин ќе успее да ја задржи власта.

Овој пат од никого нема ветување за поддршка. Но чекорот го повлекува бидејќи нема друг избор, со надеж дека споменатите ќе “паднат на блефот” и ќе се убедат во приказната па ќе немаат друг избор.

Дали е можно да се премисли? Се е можно кај премиер кој знае дека не може да се потпре на народот, знае дека од друг зависи и кој само со интрига и заткулисни игри, надвор од очите на народот, може да дојде или остане на власт.

Но, да не заборавиме дека му е јасно дека времето не работи за него независно на скорешниот влез во НАТО.

Напиша Груевски на Фејсбук.

Мицкоски: Очекувам да се постигне договор за предвремени избори

Претседателот на ВМРО-ДПМНЕ Мицкоски очекува на утрешната лидерска средба кај претседателот Стево Пендаровски да се постигне договор за распишување на предвремени парламентарни избори.

Тој денеска од Гостивар нагласи дека нема да го прифати предлогот на премиерот Заев за предвремени избори без техничка влада, односно ништо што е надвор од законските прописи.

Лидерот на ДУИ Ахмети рече дека понудата за предвремени избори во моментов се најдоброто решение.

 “Мислам дека е морален акт. Повторно ќе кажам дека вината не е кај земјите  - аспиранти. Најдоброто решение е пред граѓаните да се даде нова понуда”, вели Ахмети.

Предлогот за предвремени избори беше поздравен и од албанскиот опозициски блок. Портпаролот на Алијансата за Албанците Флакрон Беџети рече дека лидерската средба ќе биде прилика за усогласување меѓу партиите како да се одвива изборниот процес

 “Ние како Алијанса за Албанците сме подготвени за предвремени избори со силно убедување дека ќе ги поразиме политичките противници и ќе им дадеме нова надеж на гласачите, особено Албанците, оставајќи го настрана политичкиот монизам предводен од ДУИ веќе две децении“, вели Беџети.

Неуспехот за добивање на датум за почеток на преговорите со ЕУ целосно ја делегитимираше владата, поради што предвремените парламентарни избори се најдобрата опција, велат од Движењето БЕСА. Од партијата ја отфрлаат можноста за коалиција со ДУИ, велат дека се отворени да разговараат за изборна коалиција само со опозициони политички структури на Албанците во државата.

притисни ентер