Македонија

Сугарески: Преку 100 милиони евра инвестиции во патишта во Југоистокот

Инвестициите во капитални објекти се реализираат како никогаш до сега. Во моментов во овој регион реализираме инвестиции од преку 100 милиони евра само во изградба и реконструкција на патишта. 

Тоа се најголеми инвестиции до сега и со такво темпо ќе продолжиме и во наредниот период, истакна министерот за транспорт и врски Горан Сугарески при денешниот увид во реконструкција на регионалниот пат Штип-Радовиш.

Како што потенцираше министерот Сугарески, Министерството за транспорт и врски и ЈП за државни патишта се фокусирани на изградба на капиталните објекти и веќе првите резултати се забележани со раст на градежништвото од 7 проценти во првиот квартал.

“Посебно очекувам драстично зголемување на капиталните инвестиции во вториот квартал бидејќи нема регион или место во државава каде не се одвиваат градежни активности, било во патишта, било гасификација. железници, комунални проекти или проекти што ги реализираат локалните самоуправи со сопствени средства.

Она што е за мене е најважно, е брза динамика на изградба и реконструкција на патната мрежа. На пример само во Југоисточниот регион во овој момент се реализираат инвестиции од преку 100 милиони евра во изградба на патишта и според нашите проекции ќе се завршат сите во рамки на договорените рокови”, изјави министерот за транспорт и врски Горан Сугарески.

Министерот потенцираше дека е завршена изградбата на магистралниот гасовод од Штип до Неготино, што е многу значаен проект за целата држава.

Директорот на ЈП за државни патишта Зоран Китанов истакна дека реконструкцијата на патниот правец Штип –Радовиш ќе се заврши до месец август, а вкупната инвестиција е 2,4 милиони евра.

“Во моментов се работи на рехабилитација на над 400 километри патишта низ нашата држава, што регионални, што магистрални, што автопатишта. Не е потребата само да градиме нови автопатишта, а старите да ги забораваме. Во однос на вториот лот од новиот експресен пат Штип-Радовиш од штипската населба Три Чешми до мостот на реката Брегалница и од рудникот Бучим до влезот на Радовиш, завршена е квалификациската тендерска постапка, понудите на фирмите се испратени во Лондон во седиштето на ЕБОР и веќе очекуваме повратен одговор за да можат фирмите да доставуваат понуди. Во однос на на трсата од првиот лот од Штип до Радовиш градежните работи се одвиваат и пред роковите”, изјави Зоран Китанов, директор на ЈП за државни патишта.

На новинарско прашање за реализација на капиталните инвестиции и двајцата потенцираа дека се работи интензивно на терен на сите инфраструктурни проекти и дека се очекува зголемување на капиталните инвестиции во вториот и третиот квартал.

Живот

Бизарна снимка има 92 милиони прегледи, на социјалните мрежи бараат казна за авторите (ВИДЕО)

Навикнати сме инфлуенсерите и креаторите на содржини да вршат разни акробации со цел да привлечат следбеници и да обезбедат што повеќе кликови.

Понекогаш, тоа значи ризикување на сопствениот живот.Сличен пример наоѓаме и на Инстаграм, каде корисникот Самит Дубеј објави бизарно видео кое ги подели мислењата на луѓето.

Гледаме млад човек, залепен со пластична фолија од надворешната страна на автомобилот, што можеби нема да биде проблем - доколку возилото не се движело по патот.

Навистина, автомобилот не оди брзо, но без разлика, тоа е ризичен потег.

Очигледно сѐ поминало без последици, а изгледа дека залепениот млад човек ужива во авантурата. Клипот е објавен на 12 април и брзо стана вирален, собра над 92 милиони прегледи и два милиони лајкови.

Коментарите биле исклучени по бројните критики за авторот, пренесува NDTV.

Во меѓувреме, видеото е споделено и на други мрежи, каде многу луѓе изразија загриженост за ваквото однесување. Имало и такви кои побарале полицијата да преземе мерки против актерот.

„Ниту еден сериозен и чувствителен човек нема да го направи ова. Не се шегувајте со животот, сѐ може да се случи, некој може дури и да те удри“, напишал еден корисник.

Друг додаде: „Најглупаво нешто што сум го видел во животот“.

Третиот истакнал: „Животот е бесценет, некој е зафатен со глупави шеги, си игра со животот, а каде е законот да го стават зад решетки“.

Свет

Воз во пламен помиона низ мало гратче во Канада, пожарникарите едвај го изгаснаа (ВИДЕО)

Запален товарен воз во ноќта меѓу неделата и понеделникот поминал низ центарот на канадскиот град Лондон!

На шокантната снимка може да се види дека најмалку пет вагони гореле и дека пожарот брзо се ширел. Шокираните жители врескале во своите автомобили додека минувал запалениот воз, но за среќа никој не бил повреден, објави Дејли Меил.

Засега не е познато што го предизвикало пожарот во возот.

На противпожарните екипи им биле потребни час и половина за да го локализираат пламенот и уште неколку часа за да се осигура дека пожарот е целосно изгаснат.

- Сѐ ќе третираме како подметнување пожар додека не се докаже спротивното, тоа беа стари железнички врски, кои не беа многу сигурни - соопштиле од противпожарната служба.

Свет

Шпанија основа фонд за 440.000 жртви на сексуално злоставување од католички свештеници

Шпанија ќе формира фонд што ќе биде финансиран претежно од Католичката црква за да им плати отштета на околу 440.000 жртви на повеќедецениската сексуална злоупотреба извршена од католички свештеници.

Шпанија ќе формира фонд што ќе биде финансиран претежно од Католичката црква за да им плати отштета на околу 440.000 жртви на повеќедецениската сексуална злоупотреба извршена од католички свештеници, блиски до нив и наставници, најави министерот за правда.

Ваква оценка даде извештајот на шпанскиот омбудсман во октомври по анкета на 8.000 луѓе.

Тогаш беше препорачано формирање на државен фонд, а Црквата беше обвинета дека не соработувала и се обидувала „да ја намали оваа појава колку што е можно повеќе“.

Министерот за правда Феликс Боланос им рече на новинарите дека Црквата, која беше исклучително влијателна во шпанското општество и политика до и по крајот на десничарската диктатура во 1970-тите, со децении не ги исполнила барањата за компензација и дека нејзините реакции на извештајот варирал во зависност од епархијата.

„Сакаме да дејствуваме за да спречиме, да го поправиме и да се обидеме да го вратиме долгот што нашето општество им го должи на жртвите“, рече Боланос.

Владиниот план, кој треба да се спроведе до 2027 година, предвидува сè уште недефинирана формула со која Црквата ќе бара „да го плати целиот надомест или нејзиниот поголем дел, како и гаранција за другите елементи од симболичната компензација“. Боланос рече дека неговото министерство ќе преговара со епископите за придонесот што црквата е подготвена да го плати во фондот и дека има впечаток дека свештенството е подготвено за соработка.

Но, во исто време, шпанската бискупска конференција објави дека не може да прифати план со кој се исклучуваат жртвите на сексуална злоупотреба во други организации бидејќи „претставува осуда на целата Црква и покрива само дел од проблемот“. Во ноември црквата за прв пат објави дека има намера да ги обештети жртвите и во случаи кои не се целосно решени бидејќи во меѓувреме починал свештеник, кој извршил злосторство.

Боланос рече дека независно експертско тело ќе ги проучува случаите во кои насилникот умрел, оние за кои истекол рокот на застареност или оние кои никогаш не стигнале до суд.

притисни ентер