Рама на предизборен митинг прочита порака од Заев

Албанскиот премиер Еди Рама денеска на предизборниот митинг во градот Пустец прочита порака од премиерот на Северна Македонија Зоран Заев, во која се наведува дека албанскиот и македонскиот народ се многу блиски пријатели.

Албанската агенција АТА наведува дека Рама со читање на пораката од Заев го започнал митингот.

Заев истакнува дека Северна Македонија и Албанија се два блиски партнера.

– Заедно работиме за благосостојба на нашите граѓани, наскоро ќе бидеме сојузници и во НАТО и нашата заедничка иднина се наоѓа во ЕУ. Северна Македонија и Албанија се земји на нации и народи кои се многу блиски. Македонците и Албанците живеат едни покрај други, почитувајќи се едни со други, нашите разлики и јакнејќи го нашиот просперитет, затоа што стоиме рамо до рамо во добри и лоши денови, пишува во пораката на премиерот Заев.

Тој верува дека „неговиот пријател Еди Рама е посветен на почитувањето и заштитата на културниот идентитет на Македонците во Албанија", како што истакнува премиерот Заев дека и тој е посветен на почитувањето и заштитата на културното наследство на Албанците во Северна Македонија.

– Верувам дека Рама ќе работи со вас на подобрување на образованието, здравствените услуги, инфраструктурата и гарантирање на порастот и напредок за сите, како што тоа и јас го правам во Северна Македонија, додава Заев во пораката.

Пустец е албанска општина каде мнозинското население е од македонска националност. /МИА

ВМРО-ДПМНЕ: СДСМ и Заев се плашат да распишат предвремени парламентарни избори

Зоран Заев е главата на октопод во рекетарската приказна.

СДСМ да одговори дали вчера на ЦО присуствувале  Кики и Фрики?

Зошто Заев ги амнестира од одговорност? Дали се плаши дека доколку каже кој се Кики и Фрики може да биде откриено неговото директно учество во рекетарската приказна а граѓаните да дознаат колкав процент земал?

СДСМ да ги извади розевите наочари и да види дека во Македонија освен рекетот, криминалот, корупцијата, заканите, уцените и поткупот, друго ништо не функционира.

Граѓаните со оваа криминална влада живеат се полошо.

СДСМ и Заев се свесни дека им паѓа рејтингот и се плашат да распишат предвремени парламентарни избори.

СДСМ и Заев се плашат да се соочат со волјата на граѓаните.

За Македонија да оди напред Заев и СДСМ мора да си заминат.

Граѓаните и Македонија заслужуваат промени.

Центар за комуникации на ВМРО-ДПМНЕ

Во сабота нестабилно време, в недела сончево и топло до 36 степени

 Топло, но нестабилно време со пороен дожд, најавува УХМР за денеска попладне и утре. 

Во недела и понеделник ќе преовладува сончево и топло време со мала до умерена облачност.

Температурата денеска ќе достигне максимални 33 степени. Во деновите од викендот ќе достигне 36, а во понеделник 38 степени.

Од вторник ќе биде ветровито со услови за локален пороен дожд. Дневните температури ќе бидат во интервал од 27 до 36 степени.

Македонија и Србија ќе соработуваат во размена на знаење и искуства од дигитализацијата

На почетокот на следната година веб-страниците на Владата и министерствата ќе бидат редизајнирани и унифицирани во насока на поголема транспарентност и отчетност и интерактивност со граѓаните,.

најави денеска министерот за информатичко општество и администрација Дамјан Манчевски за примената на новиот концепт, што е дел од реформите на администрацијата преку дигитализација на процесите, при што ќе се користат искуства на Србија.

Со Меморандумот за соработка што Манчевски го потпиша со директорот на Канцеларијата за информациски технологии и електронска управа во Владата на Република Србија, Михаило Јовановиќ, се предвидува размена на знаење и искуства од дигитализацијата на српската јавна управа во изминатите две години.

– Колегите од Србија воведоа конкретен механизам за комуникација со граѓаните кој можат преку веб-страницата на Владата да упатат конкретно прашање и има конкретни рокови во кои мора да добијат одговори од соодветната институција, изјави Манчевски, наведувајќи пример за функционалноста на концептот.

Како што дополни министерот, на многу едноставен и лесен интерактивен начин граѓаните веднаш ќе добиваат одговори од институциите, а има и јавна статистика на бројот на одговори и времето што било потребно да бидат доставени.

– Менувањето и унифицирањето на веб-страниците на Владата и министерствата е многу повеќе од менување на нивниот изглед и подобрување на нивните функционалности. Станува збор за менување на целиот начин на којшто ќе комуницираме со граѓаните и ќе објавуваме информации, нагласи Манчевски.

Јовановиќ, од своја страна, посочи дека Меморандумот за соработка во дигитализацијата е продолжение на активностите во таа насока од дигиталните самити за Западен Балкан, што се одржаа во Скопје и во Белград.

– Програмата и концептот за дигитализација што премиерката Ана Брнабиќ го постави во приоритетите на Владата на Република Србија за две години доведе до развој на нови системи за електронска управа. Веќе забележуваме дека државите од регионот ги препознаа значењето и можностите по електронски пат да се направи трансформација на јавните управи во ефикасен сервис во којшто граѓаните и стопанството се во центарот на вниманието, рече Јовановиќ.

Како што најави Манчевски, следен чекор во соработката во областа на дигитализацијата со Србија е потпишување договор за меѓусебно признавање на електронски сертификати, што се планира за почетокот на септември. 

притисни ентер