Почна теренскиот пробен попис во 13 општини

Почна пробниот попис во 13 општини. Утрово од 9 часот една од екипите на државниот завод за статистики ја затекнавме во општина Кисела Вода во семејната куќа на Алексовски каде го започнаа пробниот попис.

Опремени со лаптоп на кој имаат специјална апликација со утврдените прашање екипата за попис со овој пробен попис кој ќе трае до крајот на месецот врши своевидно тестирање за главниот пописен кој треба да се изврши во април следната година.

Домаќинот во населеното место Припор во општина Кисела Вода кај кого се вршеше пописот ги отвори вратите и за екипата на Канал 5 да го проследи процесот .

Попишувањето се врши електронски преку посебна апликација во која ги има прашањата кои се поделени во три групи - за условите за живеење, за типот на домаќинството и станбениот простор и околу 50 прашања за демографските, социјалните економските и етно-културолошките белези.

Пробниот попис почна без да биде донесен законот за попис а во него е предвидено граѓаните сами да ја кажуваат етничката определба

Иселениците кои имаат пасош и матичен број ќе можат или да се само попишат преку интернет страната на статистика или на терен некој роднина или сосед да ги каже матичните броеви кои ќе се споредуваат со административната база..

Последен пат попис на населението е извршен во 2002 година а оној во 2011 беше прекинат. Во април 2020 година по 18 години ќе се врши попис кој ќе биде 9 ти по ред во земјава.

Тајланд воведува данок за богатите пензионери од Западот

Според новиот тајландски даночен закон, сите даночни резидентни кои ги остваруваат своите приходи во странство, а трошат пари на Тајланд, во иднина ќе мора да плаќаат данок.

Овие одредби важат не само за тајландските граѓани, туку и за илјадници странски пензионери кои ги поминуваат пензионерските денови на Тајланд. Меѓу нив има и многу пензионери од Европа, а пред се од Германија.

Пензионерите живеат удобно на Тајланд од заштедите и приходите што ги заработиле додека работеле во своите матични земји.

„Ова е многу тежок удар за германските пензионери“, вели даночниот советник Мартин Либенов од меѓународната ревизорска фирма Мазарс во Бангкок, пренесува Тпортал.

Пензионерите не се единствените што се погодени. Ова е тежок удар за секој што ќе се пресели во Тајланд и ќе живее од своите заштеди и приходи од странство, без разлика дали се пензионери или е некој од многубројните дигитални номади, вели Либенов. /МИА

ДЗС: Струјата во второто полугодие лани поскапела за 8,2 отсто

Просечната цена на електричната енергија без данокот на додадена вредност за крајните потрошувачи, освен домаќинствата, се движи од 6.756 до 12.393 денари по KWh по групи на потрошувачи.

Според податоците на Државниот завод за статистика, во второто полугодие од 2023 година, просечната цена на електричната енергија за домаќинствата во земјава изнесувала 7.289 денари по KWh, што претставува пораст од 8.2 % во споредба со првото полугодие.

Просечната цена на електричната енергија без данокот на додадена вредност за крајните потрошувачи, освен домаќинствата, се движи од 6.756 до 12.393 денари по KWh по групи на потрошувачи.

Просечната цена на природниот гас без данокот на додадена вредност за крајните потрошувачи, освен домаќинствата, се движи од 36.858 до 48.300 денари по нм3 по групи на потрошувачи.

Просечната малопродажна цена на природниот гас за домаќинствата е 51.257 денари за nm3.

Девет лица приведени во Таџикистан поради поврзаност со нападот во Москва

Државниот комитет за национална безбедност на Таџикистан уапси девет лица за кои верува дека се поврзани со осомничените за нападот во концертната сала во Москва.

Светските агенции повикувајќи се на извори во безбедносните сили на Таџикистан, денеска наведуваат дека осомничените се уапсени и поради нивните врски со огранокот на терористичката организација Исламска држава во Хорасан (ИСИС-К).

Според нивните информации, сите девет лица биле приведени на 25 март во градот Вахдат и се одведени во Душанбе.

Истражниот комитет на Русија вчера соопшти дека е уапсено уште едно лице осомничено дека учествувало во финансирањето на нападот во Москва. /МИА

притисни ентер