Заев се сретна со Меркел, Берлин во септември ќе даде зелено светло за преговори

40-минутната средба меѓу канцеларката Меркел и премиерот Заев го потврди она што неколку дена Брисел се обидуваше да го каже во позавиена форма.

 Македонија летово ќе го мине без датум за преговори, но овој пат, со јасно ветување од Меркел дека Берлин својата работа ќе ја заврши на есен.

-Канцеларката Меркел информираше дека Бундестагот ќе донесе одлука во септември за одобрување на старт на преговорите на ЕУ со Северна Македонија, согласно утврдените процедури на СР Германија за прашањата за проширување на унијата. На средбата канцеларката потенцираше дека Северна Македонија го испорача очекуваното и дека таа и Берлин на тоа гледаат многу позитивно, изјави Заев по средбата во Берлин.

Меркел не даде изјава. Својот став го искажа преку писмено соопштение, срочено во неколку општопознати реченици и без прецизни детали за средбата.

-Фокусот беше ставен и на „прашање од надворешната и европската политика. Германија заедно со Франција си поставија цел – зајакнување на стабилноста на балканскиот регион. Важен чекор кон тоа беше решавањето за спорот со името „Македонија", се вели во дел од соопштението од Кабинетот на Меркел.

Сепак, потврда дека Бундестагот во септември ќе даде зелено светло, стигна од пратеникот на партијата на Меркел, Јохан Вадефул, кој за „Франкфуртер алгемајне цајтунг“ се обиде да ги расчисти дилемите поради како што потенцира непотребната нервоза во Северна Македонија.

-Не разбирам зошто е толку голем проблем одложувањето за три месеци на одлуката за преговори со Северна Македонија, особено што веќе е решено дека отворањето на првите поглавја од преговорите ќе се случи во декември. Не е од помош, ширењето страв од трети сили или земји, вели Јохан Вадефул од ЦДУ.

Сега единствената енигма е каков заклучок ќе добие земјава на министерскиот Совет во Луксембург во вторник, кога Македонија ќе се најде на дневен ред. Во пресрет на состанокот, добра вест синоќа стигна од традиционално скептичната Холандија, чиј парламент практично ги разводи Македонија и Албанија од пакетот за членство. Пратениците со огромно мнозинство ја поддржаа резолуцијата Албанија да биде блокирана, а на Македонија да и биде дозволено да ги почне преговорите, чекор кој се толкува како јасен сигнал на Хаг при носењето одлуки за двете земји.

Снег на планинските превои, сообраќајот без забрани

 Снег утринава врне на Попова Шапка, Стража, Пресека и Маврово. 

Сообраќајот се одвива тековно, но по наместа влажни коловозим информира Авто мото сојузот на Македонија.

На одредени патни правци кои поминуваат низ клисури и усеци можна е појава на поситни одрони.

На граничните премини утринава од македонска страна нема подолги задржувања за влез и излез од државата. 

Вработените во јавниот сектор ќе чистат на 20 локации во Скопје

Акција за чистење на 20 скопски локации во која ќе се вклучат вработените од јавниот сектор ќе се одржи денеска и на тој начин ќе се одработи неработниот ден од годинава, 2 јануари.

На секоја локација ќе има обезбедено екипи од градските јавни претпријатија, соодветни стручни служби и алат за да помагаат на луѓето кои ќе чистат.

Локациите на кои ќе се одвива акцијата се езерцето Треска во Сарај, Аквадуктот, СЦ „Борис Трајковски", Кале, Музејот на современа уметност, касарната „Илинден", Јужен булевар, „Бихаќка", Државното училиште за физичка култура „Методија Митевски Брицо", Железничката и автобуската станица, улица „Џон Кенеди", кај Собранието, цела улица „Македонија", МКЦ и МТВ, касарната „Гоце Делчев", улица „Ферид Бајрам", улица „Александар Урдаревски", Европската очна болница, улица „Индустриска" во Гази Баба и целиот кеј на реката Вардар.

Министерот за информатичко општество и администрација Дамјан Манчевски посочи дека за успешно спроведување на акцијата ќе бидат задолжени раководителите на институциите, односно премиерот, министерите, градоначалниците и директорите на институциите што ќе бидат присутни на овие локации, а Град Скопје дополнително обезбедил и соодветна механизација за одредени локации.

До локациите што се наоѓаат малку подалеку од центарот на градот особено Аквадуктот и Сарај, ЈСП има обезбедено и превоз. За сите кои се вклучени во акцијата е обезбедена и соодветна опрема односно заштитни ракавици и вреќи.

Акцијата се организира во соработка со граѓанското здружение „Не биди ѓубре"

Трамп со остра реакција: Отповикувањето е срамно!

Претседателот на САД, Доналд Трамп, го нарече денеска процесот на отповикување измама и дека нема да му пречи долгото судење во  Сенатoт, додавајќи дека тој би сакал да го види свиркачот поради чии поплаки демократите го иницирале отповикувањето. 

Во обраќањето пред новинарите во Белата куќа откако Судскиот комитет во Претставничкиот дом одобри две обвиненија против него, Трамп го осуди процесот и го нарече „срамен“ и рече дека Демократите го тривијализирале инпичментот.

„Тоа е многу тажна работа за нашата земја, но изгледа дека ќе биде многу добро за мене“, изјави Трамп.

„Повлекувањето е измама. Срамно е“, додаде тој.

Одборот во кој мнозинство имаат Демократите денес ги одобри обвинувањата за злоупотреба на службената должност и опструирање на истрагата на претседателот Доналд Трамп и тој скоро сигурно ќе стане третиот претседател во историјата што ќе биде отповикан.

Судскиот одбор со 23 гласа „за“ и 17 „против“ го усвои обвинението против Трамп за злоупотреба на службената должност наводно вршење притисок врз Украина да го испита Jо Бајден, негов можен ривал на изборите во 2020 година.

Комитетот исто така го одобри второто обвинение за спречување на истрагата на Конгресот за аферата со тоа што Трамп ги повикал поранешните и сегашните членови на администрацијата да не соработуваат во истрагата.

Целиот Претставнички дом, каде демократите имаат мнозинство, треба да го одобрат обвинението следната недела, со што ќе се стави крај на истрагата за отповикување и испраќање на Трамп на судење во наредните недели.

Американскиот претседател рече дека е отворен за краткотрајно или долготрајно судење во Сенатот, што треба да започне во јануари.

„Ќе направам што сакам. Ќе го сторам тоа долго или кратко“, рече Трамп. „Не би ми пречел долгиот процес затоа што би сакал да го видам свиркачот што ја кажал оваа измама“.

Веројатно е дека Сенатот во кој доминираат Републиканците нема да го прогласат претседателот виновен за да го отповикаат од функцијата.

притисни ентер