Бизнисмен е осуден на доживотен затвор зашто лажирал киднапирање на авион поради љубовницата

Индиски бизнисмен е осуден на доживотен затвор поради обид за киднапирање , односно за подметнување лажно писмо за грабнување авион во авионскиот тоалет на летот на Џет Ервејс од Делхи до Мумбаи.

Бизнисменот Бирџу Сала се понадевал дека со тоа ќе и нанесе огромна штета на авиокомпанијата , за неговата љубовница , стјуардесата во Џет Ервејс , тогаш ќе се пресели кај него во Мумбаи. Бизнисменот треба да плати и казна од 638 421 евра.

Сала е првиот Индиец осуден според новиот закон за киднапирања. Тој признал дека ја напишал и ја подметна пораката во патничкиот авион.

Во неа пишувало дека во авионот има 12 киднапери и неколку експлозивни направи со барање авионот да се пренасочи кон проблематичниот Кашмир , единствена индиска држава со муслиманско мнозинство.

Бирџу Сала бил уапсен веднаш по слетувањето на авионот во Ахмедабад , на 778 километри од редовната дестинација. Тој се надевал дека по ваквиот потег , ќе ја избркаат од работа неговата љубовница и таа ќе мора да се пресели кај него.

Од паричната казна по 1277 евра ќе добијат пилотите поради стресот, секоја стјуардеса ќе добие по 635 евра , а секој од патниците по 317 евра.

Сала , наместо да го киднапира авионот можел едноставно да почека.

Според индиските медиуми авиокомпанијата веќе ги откажала сите надворешни летови и дел од домашнитге линии и се предвидува до крајот на годината да прогласи банкрот.

Руското летало со хуманоиден робот не успеа да слета на Меѓународната вселенска станица (ВИДЕО)

Руското летало ,,Сојуз” со хуманоиден робот не успеа да слета на Меѓународната вселенска станица .

Роботот Федор требаше да помине две недели за да се приклучи кон екипажот и да ги тестира своите способности. Сојуз требаше да слета на ИСС во 7.30 часот , но не успеа поради проблеми во системот за автоматско слетување, соопштува руската агенција Интерфакс , повикувајќи се на телевизијата на НАСА.

Леталото во моментов е оддалечено 96 метри од станицата , а новиот обид за слетување се планира за понеделник наутро.

Роботот федор е со големина на човек , висок 180 см. и тежок 160 кг. и може да имитира човечки движења.

Опел го претстави првиот електричен автомобил за рели трки (ВИДЕО)

Опел ја претстави рели верзијата на новиот електричен хечбек Корса-е и така стана прва компанија во историјата што понуди електричен автомобил за рели трки.

Корса е-Рели ќе биде достапна преку Опел Мороспорт , а ќе ги задржи батериите и моторот на стандардната електрична Корса , кој испорачува сила од 134 КС и има 260Нм момент на обрт.

Моделот има каросерија прилагодена на рели спецификациите , а автомобилот е повисок и поширок од обичната електрична Корса.

Корса е- рели ќе се натпреварува на ADAC Opel e-Rally Cup, каде ќе се натпреваруваат 15 млади натпреварувачи.

Премиерата е закажана за септември на Саемот за автомобили во Франкфурт. Цената ќе изнесува помалку од 50 000 евра.

НАСА истражува прв случај на вселенски криминал

НАСА истражува прв случај на злосторство во вселената.

Американската астронаутка Ан МекКлеин наводно додека престојувала на Меѓународната вселенска станица ја хакирала банкарската сметка на својата поранешна партнерка, Самер Ворден.

Самер се пожалила на властите , а НАСА ја вратила МекКлеин назад на Земјата. Астронаутката за американските медиуми раскажува дека само сакала да ја провери сметката за да види дали има доволно пари за домаќинството и за грижа за нивниот син , кого заедно го чувале додека биле во врска.

Мек Клеин признава дека влегла во сметката , но дека немала лоши намери. Мек Клеин и Ворден биле во брак од 2014 , а во 2018 Ворден побарала развод.

Мек Клеин ја завршила престижната воена академија Вест Поинт и била воен пилот во Ирак. Таа како астронаут помина шест месеци на Меѓународната вселенска станица , а беше во конкуренција и да биде првата жена која ќе се прошета низ вселената.

притисни ентер